你問我答,睡眠窒息手術食全餐 2年後效果 (台灣重做,有圖慎入)

做完手術似乎會好痛
食野係咪好辛苦

台灣就真係做到醫療旅遊

上面係出院張藥單費 (手術/院中/出院嘅藥)
(台灣醫療系統係用英文運作，所以啲醫療記錄，藥單等等都係英文，聽返原來之前台灣嘅醫學院畢業試係要考USMLE唔知邊part )


係麻醉恢復區送返病床有意識後，
feel到係超級痛，
喉嚨痛到我個身體要捲埋一嚿，個醫院嘅國際醫療中心職員陪咗我兩個鐘
一講嘢就好似漏口咁，講唔到嘢幾乎發唔到音
因為成個軟顎，脷底，會厭都係開過刀，幅度好深

食咗Utraphen (Tramadol+panadol) ,類固純成兩個星期，食飯啖啖都係痛．食10啖就痛到無胃口，
最後係3個星期先開似無咗冤痛

p.s.睇返有個睡眠窒息醫生嘅blog，原來可以打Naldebain止痛一星期

呢d 就有圖

樓主個睡眠窒息成因係咩？

佢哋醫院入面嘅獨立國際醫療中心部門，真係好幫手，
比晒報告佢，佢會比返醫生初步望望，同建議我飛到去大概做咩治療，
幫我預計幾錢，留幾多日，
飛到去個部門會派人幫你排隊做晒行政上嘅嘢
基本上飛到去睇醫生後如果ok，就安排驗身，再等多一日做手術
成件事好順暢，好friendly

唔似得香港個啲醫院或者醫療中心，淨係電話幫你約期睇醫生，
問多少少怕病人問蝕晒，怕人運吉
乜都話"要睇咗醫生先"
要你睇醫生收你診金先比建議,
手術期就又要另外約，
咩都要自己病人靠自己，
勁唔友善


成日話要將香港改做成亞州醫療之都，
咁嘅流程老實講真係

鼻塞鼻敏感
喉嚨軟顎位置太窄

總共做咗
1.剪走下鼻甲骨
2.鼻中隔矯正
3.割走扁桃腺
4.剪走吊鐘
5.剪走軟顎組織
6.割走脷底淋巴
7.切走一半會厭
8.切斷脷根
9.剪斷鼻翼管神經
10.八個鼻竇鑽開

我都係鼻塞鼻敏感
唔記得邊度窄 得返2 成空位流入氧氣
但兩個醫生都唔洗我做手術
你決定做手術係自己決定定醫生叫？

其實睇佢點做, 好幾年前香港ENT 都做過個SYMPOSIUM
個醫生吹唔都唔吹, 直情話班PATIENT 幾年之後全部變返晒嚴重
最重要係老左之後飲水會濁親

咁所以先問依家依位PT 4年之後會唔會有問題

得返2成已經要做啦
係可以唔使做 因為長期唔會致命 但係就極影響生活質素
本身我醫生都叫我唔好做 但我堅持要做 做完通返好多

BTW 其實鼻塞好多香港人都有
因為鼻竇炎影響

睇返而家做UPPP傾向唔切吊鐘或者切少少
吊鐘用嚟防止飲水濁親倒充鼻道

我第一二次香港手術就係因為成個soft palate拉平
仲要硬崛崛
搞到我有時食嘢會濁到
仲要啲鼻水倒流棘住吐唔倒出嚟
十級困擾

所以有急切性做Revision surgery


第三次台灣醫生嘗試靠coblator做返個uvula型態出嚟
輕輕合埋個口時
影到吊鐘個型係keep返到
飲嘢食嘢而家無濁過

長期會致命啊 第時老咗唔用呼吸機瞓覺會猝死 醫生咁講
解決方案係一世戴住部機瞓

想問下你係點樣搵到呢個台灣醫生 ?
係有人介紹 ? 上網 search ?

想請問吓病假紙點樣拎？

我長期個鼻唔係鼻塞就係不斷流鼻水，一瞓覺啲鼻水就倒流，有鼻鼾問題仲要成日覺得一瞓喺度就抖唔到氣咁，仲有就係瞓覺一定係要用口抖氣，搞到下巴後縮（唔知關唔關事），影相影側面勁核突，想問下樓主如果做完呢類手術係咪都間接改善到下巴後縮嘅問題

巴打做完之後精神狀況有冇影響？用咗幾耐恢復？

我都係咁，唔知可以點做

左邊光田醫院劉醫師，中間係賴醫生，右邊係沈醫生

起初封關個年，因為喉嚨起疤痛得濟同耳仔塞
我係香港睇過好多個醫生都比人拖症，又或者係咁叫我做test
所以就諗吓不如唔係香港醫，
因為睇新聞個時易小玲比人射傷咗香港醫唔好，最後去咗台灣醫，

上網係咁搵我嘅情況同手術名同keywords，
搵到pubmed彈咗好多台灣醫院(有台中榮總台大等等)個邊醫生嘅paper，同係youtube搵手術keyword出咗劉醫生既手術video，
佢做好多唔同喉頭頸手術，啱啱就有我睇咗唐志輝教授建議我做個兩個手術嘅片．




我再search劉醫生個名同佢醫院個名，搵到原來佢耳鼻喉科有三位主要醫生．耳科主任叫賴仁淙，鼻科主任賴仁淙 同埋我個主診醫生喉頭頸主任劉耿僚．
光田唔係超大嘅醫院，因為佢地就嚟搬新院．舊院仲開始有啲舊，但原來佢地三個有幾年被港大中大耳鼻喉科邀請過做speaker，本身係有料嘅專科部門．(再睇返原來賴仁淙同唐志輝教授係friend)

我主動打電話contact佢地醫院，話咗我情況比佢聽，話係香港幾乎無醫生幫到我，一係喺咁叫我做test同分好多次覆診

我同台中講我想過嚟睇佢哋同做手術，
比咗成堆report佢地，
之後劉醫師就接咗我個修正手術．

比NTD 200問醫生攞診斷書，有講要休息幾多日
我公司認非香港醫生嘅醫生紙

樓主呢家訓覺係咪好左好多, 我都有apnea, 用緊cpap. 用左之後講野流暢好多, 以前以為自己係講野好柒. 呢家仲減緊磅 多管齊下

好似開始講，從鼻，軟顎喉嚨，脷底搵原因

做完無咁向前傾同寒背，寒背係因為要就住透氣
我發覺下巴問題向前咗

我都有睡眠窒息症，做過sleep test係嚴重級
以前就算有鼻寒，只要打側訓就無事，但呢兩年已經開始打側訓都照有仲要好大聲，有時嘈醒自己

睇完醫生做完test後我而家係晚晚用呼吸機
初頭都有問醫生有無手術做，但佢話做完其實過幾年都係會有返，所以都係建議我用呼吸機
初用其實都幾唔習慣，而家用左4個月左右，用完真係個人精神左，以前每晚因為呼吸唔到會血壓高，造成每晚兩次夜尿，而家完全一覺訓天光，甚至而家做運動表現都好左，瘦都快d。但而家一唔用機訓覺感覺完全訓唔到，因為已經習慣左自己無鼻寒聲，一唔用機每幾分鐘就會嘈醒自己一次，唔用機完全係訓得好差。

好配服樓主做咁多手術想根治，我真係唔敢做