［26］考緊26？你問我答 （56） 學神傳說

回覆返上個 post #1000 果位師兄
冇錯尤其是身材細小嘅 學 26 要顧平衡
開頭係真係會好吃力架～仲要自己一個練車
有時好多野靠自己 唔同 46 下下有師傅坐隔離

8字為例，你上到頂要右轉落嚟
右轉就係車身向右傾
車右傾，你堂軚都係向右跌
呢個時候你係用右手掌心輕輕頂返堂軚上去
即係action and reaction嘅道理（堂軚向下的力=你用掌心頂返一樣嘅力上去）
咁你就唔會不自覺捉到堂軚好緊而令到自己好攰好攰
我當初都係用錯哂方法捉軚打8字然後練完之後啲骨頭散開哂

米能同我爭生2

跟我學就唔會被屌

你印個逼力印到著燈喎
26劍指手不嬲都得
46 係右腳油門or逼力, 當然你可以貪方便右腳同時踩, 貪方便咩都可以架啦

但要著大燈架咩？
平時26著車咪有燈
26任何時間行都要著燈
應該無乜車著車唔識著燈？
著高燈咪燦親前車同對頭車

首先你要知個官就凈係後面睇你
見到著左brake燈，咪姐係踩左brake
又比油又踩brake,姐係你想行定停？

擺番係46
你會唔會同時左腳踩brake,右腳踩油先

牙基得一對手一對腳 教得曬咁多個天光道嘅學生咩

學生唔嫌多

O靚仔夠膽入黎掙生意

你自己出架車 剪左後BRAKE燈條線 包你PASS

唔係唔可以踩住個 Brake 行車
係唔可以畀住油又踩住 Brake

所以行緊車仲比緊油未收油準備停車嘅時間
你隻右腳就腳踭踩喺腳踏好啦
腳尖唔好落去個尾 brake 到 寧願向外伸出少少
掂住都唔好 因為唔知會唔會搞到 brake 燈長著

咁就練多啲，冇嘢可以一步登天

唔好轉緊彎走去加油/收油 無論邊個都會搞到好 chok
無論強制定係路試 8 字都係 永遠轉緊彎就唔好喐個油門
多啲靠個尾 brake 控制車速，轉彎期間油門要 hold 住同一個水平

真 由我一開始打 8 字勉強打到
到練到打得穩定 都係熟能生巧

自練係摸熟下條路，同諗下D位
個時我都用多左係8字

自練之前無上過導師堂？

我都係跟自咖學但 基本上係最後果堂講路試要注意事項同手車有咩要改善咁有用. 其他時間全靠自己包括8字都係自己摸冇教過我...不過可能我買最平個plan又冇額外買導師堂

同埋佢地好似冇咩system咁, 中期pass後又話咁上下會通知我幾時路試學車最後冇影, 約左時間自練又冇話我知邊架車打比佢先叫我自己去骨位拎車, 大佬骨位d車迫到實一實都唔知點x樣渣部車出來, 最後好在有個c兄見到幫我手搬車先出到.

請問路試拖波同engine brake會唔會唔肥？

點解唔係靠波同油門控制車速

我跟過哼X同機SIR

哼X D阿SIR都好好，會教你任你問，有時自練跟住另一邊阿SIR見到你做錯，返到去都會話你知，提下你咁
機SIR就好在一對一咁，唔識講到你識，同埋我覺得好就係佢有個咪可以即時互動溝通，邊度有問題有事好唔好都即時話你知或者可以問，有時睇手勢我唔係好明阿SIR講咩

車就兩邊都會推出嚟，未試過自己攞，D阿SIR驚過你，一陣你跌車佢仲煩

自咖無咗plan 好耐la，全部都係買劵。 要自己plan 幾時自練幾時上導師堂。自練係book 車型，去到先揀。佢會whatsapp 你點攞車。Ching 應該係港島？ 港島除非跟b2 ,基本上大部分都係骨位攞車。去佢九龍鋪頭攞車仲難。還車要推車上兩級，雖然有斜台，但部車有重量。