[窮撚遊記] 2星期意大利Dolomites 威尼斯 佛羅倫斯 米蘭

我早幾日去完威尼斯
全程用腳行足一日
俾左3蚊來回主島費
其他時間都係橋過橋咁玩左一日

其實去威尼斯係咪必坐嗰個咩貢多拉遊船？

80 歐可以夾
有fd 夾咪平d
水上巴士果d 真係唔算抵
除非去外島唔係都係用腳算

佛羅倫斯可以上玫瑰園上面幾正影曬大景
最緊要free

趕d 可以一日rush 曬五漁村

真，入餐廳食咗幾餐，無一餐我說服得到自己啲嘢係好食嘅
點解要說服自己，因為入得餐廳都好L貴

爛尾🤬🤬

樓主係仲滯留左係Dolomites? 遊記呢?

原來hea下hea下已經咁耐冇update過
多謝大半年前俾我呃咗入嚟咗呢篇荒廢遊記既大大
趁住呢排未有得去旅行又返嚟打下字，希望今次埋到尾

上回提到喺seceda準備落返山
回程cable得我同個光頭北意鬼佬2條友，佢主動搵我吹水，仲話自己好鍾意Bruce Lee 又教我講ciao以外既greetings，嚇到小弟差d毒撚癌發作



由seceda落返ortisei果程cable終於完結，用北意鬼佬教我講果句意大利文同佢講完byebye就急急腳走先

離開纜車站首先就要去返個tourist centre拎返個背囊同對reception姐姐俾我寄存背囊表示大幅度感謝

由於仲有半個鐘先有巴士，所以喺個小鎮度周圍鳩fing下 獨遊就係要呢d








之後差唔多夠鐘就返返去車站等車兼同老豆老母FaceTime


巴士站

小弟嚟緊2晚會喺canazei落腳紥營，而由ortisei去canazei要搭2程巴士，所以預返時間果日3點幾就會係去canazei既尾班車


有車啦 Byebye呢個咁靚既小鎮

搭咗九個字車就要落車等下一班車其實我連下一班車係幾時都唔sure 盡信Google map


有冇人好似我咁乜9 map都影一影熟悉下條route

望到等車對面有座大得好礙眼既山


咦 呢個咪小弟我聽日準備去既sassolungo
聽日再嚟會一會你先

等咗廿分鐘到出現咗架巴士 佢目的地唔係寫住canazei不過見巴士no.一樣就9衝上車



Canazei同ortisei一樣係個好出名既落腳地，所以喺山度塞咗勁耐車不過已經係今日最後一站，可以好好喺車上面享受下出面既風景




好靚，我呢一世都會記住呢個風景


搭咗2個幾鐘終於落車，全靠包甘草糖先唔會暈車浪依家又餓又渴，準備直奔campsite了

落車之後行多5分鐘左右就嚟到呢2晚既落腳地


10歐一晚，旺季就15歐

仲要話得返最後一個位


隔離係租咗露營車既家庭，我仲好記得佢地成日喺我個tent出面踢波，聽住佢地一家大細既歡笑聲係自己一個人嚟旅行最孤單既moment

砌好個tent之後就出去醫肚同買下聽日上山d小食，已經急不及待趁天黑前一睹呢個小鎮既風貌



靚到同ortisei不相伯仲


成7點都仲係好好天

去完supermarket買野就是但喺campsite附近搵咗間餐廳 入去果陣得我一枱客，身上面既毒撚體質又差d發作

嗌咗個唔知咩pizza 上面d豆勁鹹


但喺意大利食pizza真係一級享受 果種餅皮離開咗意大利都好難食得返


食完就走囉今晚既訴求仍然係唔洗起身離開個tent疴夜尿

早晨大家
尋晚瞓喺睡袋入面都差d凍死
7點自然醒之後凍到睡意全失，快快脆行出個tent刷牙洗面解下凍見到連個tent表面都有層露水
急不及待出去接觸下陽氣






終於等到太陽嶄露頭角


喺間超市仔買咗今日早餐就去返巴士站正式上路
我地今日會搭471巴士上sassolungo
預告定呢座山會係樓豬成個dolomites最鍾意既路線


D外國人係咪興著到成隻雀咁去行山


9點頭班車 全架車都坐滿晒人好熱鬧


但到站之後得果小貓三四隻落車，留低一頭迷惘的樓豬拎住Google map自轉 諗緊嚟緊要向左走定向右走

由於樓豬冇做功課就上咗山，但洗濕咗個頭只好夾硬搵條似模似樣既路出發


睇落都唔遠既

這是正式錄用的山路嗎

行咗廿分鐘終於有個路牌

屌你咪都係同一個方向


不過見到路牌之後就喺唔知喺邊度出現咗班hikers 樓豬又可以做返條跟屁蟲了科科




樓豬行呢條斜路已經覺得好辛苦，不過跟喺呢位巴打後面都係唔好講太多


原來唔經唔覺已經咁高不過其實上完斜先係啱啱進入sassolungo circuit之後既路大家再追落去就知


最開頭好多攀山涉水既上落斜 好彩行山隊伍入面都有好多長者 樓豬先唔洗顯得太阻路




無奈既係妹豬都行得快過我

跟住人群行咗個半鐘左右，終於去到第二個rifugio
Rifugio Sasso Piatto


一大班外國人坐喺度隊緊啤酒 曬下日光浴咁 仲有個兒童遊樂場之類吸引咗一班𡃁仔
樓豬都好想停低啤啤佢，但樓豬呢種廢柴體能都唔知可摸以on schedule咁完成成條route，廢事行到太陽落山我都未落到山，唯有繼續向前趕路


外國d𡃁仔真係好大膽




過咗個rifugio之後少咗好多攀山又涉水既上落斜，係段可以暫時可以小休一下既路（去到後半段就唔好提



同埋可能好多人都停留咗喺啱先個rifugio，因為之後既路明顯少人咗好多，係間中會撞到一批批既hikers咁



意大利山區牛馬
仲停留喺度打咗個靚咭俾老豆老母睇


好曬啊屌！！！
行咗3個鐘，依家頭頂出晒煙咁落去會唔會禿頭


狗鳩


狗鳩你熱唔熱


又喺牛馬中間穿梭 唔知佢地認唔認到小弟都係同類 只不過喺香港做緊牛馬



雖然行到汗流狹背，但望到沿途風景好靚，同埋好鍾意一直向前探索未知既感覺
望一望時間，依家係12點半，由開始到依家行咗3個鐘啦準備同呢段咁舒服既路程講byebye

望望Google map 大概行咗成個circuit 5份2路程
趁有樹陰坐低屌埋個晏晝
其實都係帶咗枝1L水同整咗份三文治
唔知點解當年咁有信心自己唔會中暑脫水之類
食飽好上路


之前既平路慢慢變成呢種碎石路

一路跨越大大細細既石一路諗都幾慶幸自己喺呢個年齡選擇嚟dolomites行山，第時做多幾年野隻膝頭哥都唔知可摸以陪我挑戰呢d山
以前出嚟做嘢有段時間好慳錢，返工連小巴都唔捨得搭，果陣幾個月都係行路梯上落山，行咗幾個月膝頭開始連行平路啪啪聲，果陣就意識到自己唔再年輕（同開始唔再chur自己對膝頭）

每次見到好靚既風景都好想帶老豆老母一齊親眼見識下，但諗到佢地唔會再可以好似我咁用呢個方式去旅行，同佢地以後去旅行都係可能要坐纜車上山咁。雖然上到山頂睇既風景係一樣，但咁就冇機會感受到一手一腳行完呢座山既滿足感
所以都係果句老套既說話，人生有咩冒險就趁早去做


話時話樓豬仲著咗香港對爛鞋去，事後同返老豆講我去行山佢屌到我仆街，話咩裝備都冇話行就行，老豆就係個咁掃興既男人，搞到之後再行山都係同佢輕描淡寫就算




條路開始變得若隱若現
又過咗一個鐘啦

下午1點


碎石路又靜雞雞變返呢種易行既路，仲有唔知邊度又冒出一班hikers（跟屁蟲mode on


上斜多得公司喺山上面，令我呢幾年嚟日日都係行咁斜既地方返放工（但都係行到氣喘如牛

影返轉頭先有時望下前路好無望我就會望返轉頭，發現自己原來已經行咗咁遠
成日都覺得人生都係咁，冇野係過唔到，可能只係捱過去既過程痛苦又漫長到看似無盡頭，但所有野 無論係唔係你預期既方式完結 但佢都總會有佢完結既一日

樓豬就係獨處時個腦長期會咁多野諗既一個煩膠


諗諗吓野發現前面路都冇撚埋


呢段路係個舒服又危險既地方，舒服係佢冇太陽曬住（行前d石頭仲有冰）非常透心涼危險係地下d碎石一踩就會跣落去，嚇到樓豬原地企咗喺度


就喺呢個時候有班意大利行山客經過 佢地應該估到小弟落唔到山，所以扶咗我行過呢段路
仲一路行一路介紹佢地每1,2年就會嚟dolomites行山，話好多年前依家腳下行緊既路全部都仲係結晒冰，係全球暖化依家先有返條路行下

不過呢段碎石路就冇咩影到相，無理由人地帶你落去仲叫佢地等埋你打咭


涼浸浸
記憶中仲經過個大型洞穴，入面幾寒同聽住d冰溶咗變成水流落去既聲



最尷尬既係佢地帶咗我行過呢段碎石路我地就分別咗，但去到前面又有另一段碎石路，佢地居然兜返轉頭帶埋我走

會記住呢班好人

下午2點
啱啱既hikers都各散東西
明明路就得一條，但就係唔知點解佢地憑空消失咗


點解突然咁在意有冇人呢
就係因為樓豬又企咗喺呢塊路牌面前唔知應該要向左走定向右走
望住Google map失靈 好似轉邊邊都唔係咁 諗緊唔係臨行完先衰收尾啊嘛
最後憑直覺揀咗一邊

一路行都覺得唔對路
因為有咩理由咁難行


雖然樓豬個腦長期有野諗，但果陣就好似電腦失靈咁放空咗，又熱又攰，覺得自己簡直係去緊通往地獄既路，行行下仲聽到有人聲

咦

人聲



媽啊 原來喺個腦放空緊既時候，對腳已經帶咗我行到差唔多最後一個rifugio附近

可能真係無預計過，所以顯得一切就係嚟得咁突然





愈向前行望到愈來愈多人
又係一班𡃁仔嘻嘻哈哈跑跑跳跳 大人又係隊下啤酒咁 可能佢地就係搭纜車上嚟呢度



老淚縱橫 終於完成啦
大字形咁攤咗喺草地上面流下感動的汗同成功的淚

呢個就係Sassolungo山頂上既景色。對我嚟講sassolungo既風景唔係一剎那咁出現，唔係好似電影情節咁要經過咩狹路盡頭突然出現令你眼前一亮、為之震撼既絕世好風景。而係喺你落車，對腳開始踏上呢個旅程時，沿途所感受既風景同回憶都係構成佢喺樓豬心目中咁難以取代既位置

喺去完dolomites呢2年幾期間，我仲成日喺Facebook group見到d人分享靚相，唯一可惜係小弟影相認真麻麻，冇影到咩驚為天人既好照片，不過正因為咁，先要喺對佢仲有零碎記憶前將果次既旅程打成遊記以後重溫




打下飛機既戰績

推