[本地足球] 2023/24 港超聯、亞冠及香港隊討論區 (243)

你個名

有教成日班昆d水魚

達蛇fans

本身唔係有老婆咩

大哥老婆好似做ibank

超聯踢夠5場又唔俾落甲組踢

個球咁都射唔入好意思怪人唔畀機會佢

同埋體能差距太大
下面個班一星期操一課都唔知齊唔齊人
真係踢半場就冇哂力
仲未計低組別個d波牛下下飛鏟唔收腳踢英超咁
一陣又多幾個莊文歷就慘

On9

傑理東u22可以輕鬆贏到甲組咩
我真係唔覺

明明幾年前試過

足總盃初級組4強踢正賽，場場都畀人屠

U22去踢甲組去提升實力同超聯接軌係可取，一黎甲組有外援，二黎對抗性又高啲，係煩在冇得隨時代表一隊，啱嗰啲超級邊緣人正如甘智健依啲踢五人聯賽對班業餘都踢唔黎嘅

但搞咗個預備組又會令到啲球會唔想借人去甲組

應該仲fit過基藍馬

黃洋

港甲逐場計都幾好搵
列斯奧呢d足球先生級數頂薪la
港甲個個華仙都話港甲人工高過港超

場邊搵佢影相啲妹豬很正式

既然初衷想俾唔夠踢嘅「年輕人」出多啲
又會有心想搵少少水支持呢個「賽事」
就唔好淨係踢U22聯賽
重要依家原來又唔係全部隊會參加

本地22+學佢/安帥話齋都有好多唔夠出場時間
不如搞返好預備組強制所有參加但加插年齡限制
甚至可以創造多啲incentive俾超聯隊投資落後生仔

e.g. U22無限踢
U23-25一季最多踢5-10場
大傷完有proof嘅可以冇年齡限制康復踢1-2場
可以借非超聯隊U22註冊玩呢個league
league result favour到菁英盃 etc

後生未上一二線果堆真係跟完一隊操可以多啲實戰
過咗菁英適齡果堆唔使即刻做condom又可以試吓練吓帶起隊波嘅能力
傷完嘅又可以有返個recovery嘅平台
唔夠後生資源搞一隊預備組可以唔好浪費咗個quota俾隊內外後生仔出場

不過講到尾有冇資源搞起呢壇嘢
同埋球會本身投資幾多落本地後生/青訓
都係將成壇FF嘢付諸實行嘅最大障礙

足總CEO譚秋朗離職，主席霍啟山表示未來會精簡架構，未來不設CEO位置，再次由總幹事負責統領內部運作。

足總CEO譚秋朗請辭，主席霍啟山表示是5月22日(周三)董事會後接受他的離職：「CEO是5月22日請辭，我們當日開董事會接納。足總未來會重組架構，不再請CEO，工作交回總幹事負責。精簡架構之後，資源可以擺返口落足球發展方面。」

提及香港U23解散，作為球隊主要贊助人的霍啟山表示：「足總技術總監莫寧檢視整個青訓計劃，未來我們打算成立U22聯賽，給予青年球員更多機會。香港U23是疫情時期成立，最後有球員入到港超球隊、踢上港隊，甚至中甲球隊，證明青年球員最重要有落場機會，是時間去下一步了。」

霍啟山指，U22聯賽是足總和港超聯賽會一起討論出來的計劃，大家一致同意，但仍要落實細節。問及是否會有8至10隊參賽，他說越多越好。至於是否收費賽事，霍啟山表示要傾妥細節才一併公布。

另外，霍啟山透露傑志已經入紙申請辦外隊賽，足總會全力配合。至於是否如傳聞中的馬德里體育會訪港，他說留待傑志未來公布。

https://www.stheadline.com/football-news/3348172/%E6%B8%AF%E8%B6%85%E9%9C%8D%E5%95%9F%E5%B1%B1%E9%87%8D%E6%95%B4%E8%B6%B3%E7%B8%BD%E6%9E%B6%E6%A7%8B-%E6%9C%AA%E4%BE%86%E4%B8%8D%E8%A8%ADCEO%E4%BD%8D%E7%BD%AE

要斷腳嘅踢超聯都會斷嘅去外流啲鬼佬撈佬都唔會錫住你黎你踢

淨係身型都爭一截

足總主席兼香港U23主要贊助人霍啟山在半場到達球場，與一眾董事等進入更衣室為球隊打氣。他們原欲在下半場開始前與球員合照，但球證已鳴笛開波，最後只能作罷。

稱成功踢出有味道足球 司徒文俊：我哋唔係踢走晒啲波

香港U23主教練司徒文俊早前曾表示，香港U23能夠給予年輕球員上場時間，是重要的舞台。他今場在賽前接受《獨媒》訪問，對散班感到可惜，兩年來看到球隊進步，而數據亦反映球員向前直線傳送增加，較少部分球隊更多：「你舊陣時問我，上季季初會講有味道嘅足球，呢啲就係有味道嘅足球，我哋唔係踢走晒啲波。」

《獨媒》追問是否即已達到目標，司徒則稱：「你話係咪可以再好啲？一定係。」他表示，如有更好的超齡甚或外援球員帶領，年輕球員進步會更明顯。

兩度嘆可惜 司徒文俊：係咪可以行多一步呢？

談到散班，司徒文俊兩度嘆可惜：「我始終都係local 土生土長，so far我行到嚟呢度⋯⋯踢咗十幾年職業足球，代表咗香港40幾次加埋futsal，我嘅前輩成就咗我，我喺度想develop啲嘢，對香港local 有啲感情。我見到咁嘅情況，係咪可以行多一步呢？」

司徒文俊表示，在獲悉散班消息後「心情一定唔好」，並透露：「月頭嘅時候都已經滲吓滲吓，或者叫做自己sense 到、估到啲，知道個可能性多與少，有定心理準。」在香港U23散班後，部分年輕球員來季或無班落，司徒重申有球員在公布散班消息前，已被其他球隊挖角，「係好事嚟嘅」：「有11隊波，位置空間係大啲。」然而，他憂慮如有其他球隊退出港超聯，球員生存空間便會減少。

對於足總來季擬成立U22聯賽，司徒文俊表示不清楚細節，但質疑成效不及現時的香港U23，更反問：「同以往預備組有無分別？以往預備組係咪真係製造到年輕球員出嚟？比賽強度夠唔夠？」

雲天樂稱心情複雜：仍然好想繼續踢職業

此外，球隊守門員雲天樂早前曾在社交網站發文，慨嘆球隊競爭力不足。他賽前向《獨媒》稱對球隊散班感到心情複雜，「該講嘅已經講晒」，指球隊競爭力或不足，但認為由1分到9分已是很大進步：「大家都努力咗兩、三年，都想喺U23散班之前可以留返個美好嘅回憶俾大家。」另外，他希望，球迷能見到球員整季的努力：「唔知外界點睇我哋呢隊波，我哋圍內好希望踢好波俾大家，實力真係有差距，但唔代表我哋會認輸、放棄。」

談到來季去向，雲天樂表示想繼續踢下去，但目前仍「未有著落」：「好多球隊都未開始組班，可能自己實力未到啦，係咪先？所以未真係好確切邊度去，但仍然好想繼續踢職業。」

對於有傳其他港超聯球隊去向未明，來季球隊數目或會減少，雲天樂則慨嘆：「呢個就係香港足球嘅現況，一年一年咁計，無人簽四、五年，好似英超咁簽咁長。」如果無班落會否返回英國？雲天樂則稱：「嗯，可能有機會⋯⋯我自己都唔知，好老實。當然唔想打定輸數，無隊搵我就返英國，我好想留待有無機會，更多球隊reach，或者搵到邊隊踢。」

鄧筵霑稱見證球隊進步 指對年輕球員成長有一定幫助

已效力香港U23三季的鄧筵霑，已是球隊大師兄。他自言見證了球隊的進步，因為三年來球隊人腳越見年輕：「其實更加難打，但我哋越踢越發揮到球隊build up 嘅戰術，今年好似見到少少成果，好多場都咬住好近好近，對住佢哋都唔會好輸蝕。」

鄧筵霑最後認為，球隊對年輕球員成長有一定幫助：「可惜係一定會有，但呢啲唔係我哋控制到嘅嘢。」然而，來季會否繼續踢職業足球，鄧筵霑就表示「未知」。

https://www.inmediahk.net/node/體育/【港超聯】香港u23散班-司徒文俊稱可惜、對u22聯賽成效存疑?fbclid=IwZXh0bgNhZW0CMTAAAR30TehbM4dG5bkOB1JmY3NFZJ1A3E2sCseGgfvlFnRKqAjI78CSHEXiy7Y_aem_Ac_V7lrfhLWq3Tub6AwfmQrdnhLUasaMkpwT42jf40Ph5vV_zup9uR_ozD0zNQcSeuR3jrcTSWqBxpGnWH2flReb

拉埋jordi 大哥一齊返石門教波算啦

咪就係，真係個名叫超聯就以為係英超同英甲嘅差距？

澳門甲？ 柬？ 緬甸聯賽？