我每次病發都係同訓得唔好有關
通常係無訓26個鐘至30個鐘就會出現被害妄想徵狀
第1次被送入葵涌醫院係喺個商場到
覺得自己係該隱, 要搵阿伯出來決戰
然後用兩個電話幻想係激光劍咁屠殺其他人
之後有人打999送左入去葵涌
第2次送院係覺得國安想圍捕我
果陣仲會覺得自己識通靈術
搵到諸葛亮出來好似佢咁觀察天象
睇到啲雲會想像佢地係龍或者馬
再代入去世界時局裏面
跟住又會想像搵到關羽出來教我耍關刀
不過事後諗返起其實係喺啲遊戲裏面出現既畫面
之後我係個公園搶左人地袋衫, 揮動一條樹枝, 又唔比啲人走咁
果陣有諗過當公園入面啲人係人質, 用支筆去插人地喉嚨殺死佢地
後來有一班警察攞埋盾牌過來
又叫左我老豆來, 再送我入醫院
我而家有每日都食藥, 己經好耐無啲奇怪既思想出現
現時醫學上都未肯定到思覺失調既成因
不過我自己覺得係同太多幻想同壓力源有關
如果自己都自覺有精神問題, 真係要盡量遠離壓力源同及早就醫
