[前輩的話]
多蒙特名宿比斯錫接受Foot Truck訪問時提到辛祖時表示,佢對於辛祖喺曼聯嘅遭遇唔感到意外。
比斯錫指:「多特蒙德給予辛祖好大信任,佢地知道辛祖有紀律問題,有時會唔知醒、遲到等問題,但球會選擇隻眼開隻眼閉。因為佢地知道咁樣優待辛祖會有回報。但係喺曼聯唔得,因為佢遇到一個唔會隻眼開隻眼閉嘅教練。
作為一名球員,我好欣賞佢,但我同佢傾過唔止一次,佢需要喺某啲事情中吸取教訓。」
由多蒙特老大哥講出嚟或者更有說服力,我地可以好義正辭嚴咁話辛祖有紀律問題,坦克話得佢無錯,亦可以話多蒙特喺「管理」上有一手,俾咗啲甜頭辛祖而馴得掂佢(好似多蒙特成功打入歐聯決賽,睇吓你俾幾多credit辛祖)。
記得睇電影《一球成名》,主角由紐卡素轉會到皇馬,球場外生活變得多姿多彩,話知你,但喺球場上無表現就係失敗。如果辛祖喺曼聯場場有好表現,我相信坦克要靠佢時,都焗住隻眼開隻眼閉,就好似福仔上季Top fit,佢遲到嘅坦克點都要做啲嘢貶佢去後備,但下半場又係要奏佢出嚟救命。但辛祖喺曼聯2季半都唔算有一段穩定同亮眼嘅表現。
唔知道夏天曼聯會唔會換帥,如果坦克繼續教,辛祖賣得。有新教練嘅,曼聯都要諗清楚新教頭可唔可以馴得掂辛祖,否則都係蝕放返俾多蒙特算啦。
紅魔仔
https://www.facebook.com/share/My3WCxfvviRpvAr6/?mibextid=WC7FNe