[無職父親]無職轉生～到了異世界就拿出真本事～第二季下半 (3)

上季個打巴迪岡迪個岩炮彈係勁失望嘅
不過今季明顯好番好多
上集沙漠啲岩炮彈都似樣番唔少
今集個迷宮同洛其希相見畫面好靚好浪漫

俾樓主sell到入小說坑了

下 無限金錢你都講得出

You嘔心毒撚

上次都有諾倫pov

相信無職

如果鬼滅間野整無職
唔知無職會唔會變到好出名呢

唔洗鬼滅 芙莉蓮咁已經夠啦

上季撕麵包個位 真到o嘴

依家一級魔法試動畫已經加多咗好多打戲
如果Mappa整，分分鐘砌夠兩季

不如FF少陣
人地大製作鬼會接呢啲地雷job
一陣俾人話又戀童又奴隸
你賠返幾個億俾人
係呢啲start up先會冒風險

明白動畫篇幅有限 但改到保羅好軟弱咁
明明本身係以為自己夢見盧迪先講好多泄氣嘅說話

呢個伏筆

mappa先唔好, 越黎越唔穩

芙莉蓮咁就夠芙莉蓮畫質都係T0水準架

btw我個人鍾意芙莉蓮畫風多過鬼滅

D人話無職學園篇好悶，講真芙莉蓮前面都係悶到仆街

用隔離迷宮飯形容，佢係集先西（廚藝），奇爾查克（斥候、開鎖、拆陷阱）同萊奧斯（魔物知職）於一身既人

一啲都唔悶

師兄醒目依家先黎講，播果時講一定俾人圍屌

鬼滅就算啦 太光污染
芙莉蓮嗰種先適合嗰種chill chill哋嘅感覺

做動畫呢行只有愛同肝
人工真係少到仆街

Lilia又靚又大波仲要超級主動
唔怪得保羅面色好番咁多

我屌你老母

係 Rudy因為唔明白治癒魔法既原理
所以佢要好似其他人咁詠唱

無職第二季20集補充

感謝山岡巴極速補充，好詳細
睇呢篇之前記得睇埋山岡巴補充：
https://lih.kg/CkBdAaX
#677 回覆

1. 原本基斯就係招攬緊隊友去求洛琪希，原本仲會聽到果個冒險者講：「都成個月，點都救唔翻架啦」。


2. 保羅同盧迪懺悔係因為佢瞓懵咗，以為自己發夢夢到盧迪，趁住夢境講出心底話。聽到盧迪話結咗婚就生仔果下先如夢初醒，肯定自己唔係發夢。


3. 保羅隊入面有治療師，但中魅惑果時竟然冇人幫佢解毒⋯⋯原因係治療師就係上季見到果個有恐男症嘅妹豬，見到保羅發情個樣根本唔敢埋去解毒。


4. 保羅爺爺（35歲）


5. 保羅同麗潔嘅過往小說都冇明講，但諗下2人嘅性格唔難估都係感情問題啦。事過境遷，保羅唔係當年嘅fuck boy ，麗潔都揾到真愛，2人都係握手言和。


6. 到夜晚基斯特登執床位比盧迪3人做家庭包廂，比空間佢哋親子活動。


7. 盧迪老實講仍然唔知點對待莉莉雅，道理上佢係二媽，但記憶中佢仍然覺得佢係女僕，加上莉莉雅對自己恭敬嘅態度，令盧迪唔知點回應。


8. 直到盧迪聽到莉莉雅好關心2個妹，令盧迪慢慢意識到大家確實係一家人，呢件事同血緣無關。

莉莉雅：「愛莎點可以對諾倫大小姐無禮，佢係繼承老爺正統⋯⋯」

盧迪：「血緣什麼的不是重點！我哋就係一家人啊。」


9. 麗潔嘅劍同盾都係魔力附加品，劍可以放衝擊波震開敵人，盾唔記得有咩特別了想知？小說有答案


10. 帶太多人入迷宮只會拖慢節奏，所以冇帶另外2條女入去


11. 盧迪帶果個燈之精靈非常有用，原本佢哋係用火把，一來迷宮內唔適合使用火，二來戰鬥人員拎住火把會限制發揮。
呢個燈之精靈嘅亮度同持續時間取決於使用時輸入嘅魔力量，由盧迪發動之下呢2粒光球可以話唔會熄滅。


12. 動畫見保羅成日衝上前斬怪，但保羅只係副攻，主攻其實係盧迪；另外塔爾韓德雖然都可以攻擊，但佢選擇做副坦掩護盧迪；盧迪係主攻兼治療師。


13. 基斯鞋底條十字鐵係為咗加深腳印，方便隊友跟住行。


14. 呢個迷宮恐怖在於玩心理，有時比隻怪嚇一驚，失重心想重整姿態，但隻腳又唔想踩落堆蟲度，於是就好自然咁踩落一個冇蟲嘅位置，然而呢啲位大多數都係傳送陣⋯⋯


15. 令保羅一直攻唔破第二層嘅其中一個原因係蜘蛛絲，呢種蛛絲會癡住把劍，令斬擊變弱。
對此基斯都有對策，佢喺地面買到一種藥水，專門用來洗走蛛絲。盧迪一睇就發現：「呢個咪係強力洗潔精？？？買啲翻去比希露菲做手信先」然後推薦老豆佢哋用呢種藥水洗埋其他野，效果拔群。

16. 下集希望會有盧迪視角，唔講盧迪點救洛琪希了，想快啲知道點救就去小說吧！！！！
https://www.bookwalker.com.tw/product/165680

計錯數
保羅應該係34歲