其實道德撚正正就係佢地自己所講
未見個世面嘅毒撚
![](https://cdn.lihkg.com/assets/faces/lomoji/25.png)
套小說計埋最受爭議性嘅後傳
同現實相比真係濕碎到新手村咁
攞返個社工/醫護牌
入去保護設施同醫院精神科
睇下世界上有幾多人可以對親生仔女出手
1. 動畫為咗令盧迪可以更快上路,改動咗麗潔同克里夫「商量」果part。原作:麗潔自行去說服,然後克里夫直接求婚,被打動嘅麗潔同盧迪講話唔去了,要救你自己去都夠做啦,我冇可能離開我心愛嘅夫君足足2年。然後盧迪話有傳送陣,幾個月可以返來了,咁樣先勸服麗潔一齊去。呢part 突顯其實麗潔有得揀真係唔想見保羅,心諗盧迪咁勁,佢一個都夠做啦。但真係冇時間做呢啲畫面。
2. 為咗方便兩人行李一齊上路,所以佢哋買咗一匹馬,由金潔挑選,佢係擅長長途旅行同埋拖運貨物嘅大型馬,後來盧迪幫佢改名「松風」。另外再請多一個牽夫幫佢哋帶松風返夏利亞。
3. 入到森林之後,盧迪擔心認唔清方向,但麗潔表示一切包喺我身上。發現麗潔方向感極佳,好似內置指南針咁,盧迪認為係長耳族天賦,因為佢哋一族不嬲都係深居大森林。
4. 另外經過森林嘅合作之後,2位已經可以好好配合,麗潔靠氣息感察魔物,避唔到就指出方位,由盧迪秒殺。
可以短時間內就做好配合好大部分原因係2位都係高等冒險者,而且經常穿梭各個小隊。
盧迪對麗潔嘅前衛能力再次感嘆:薑不愧是老的辣。
5. 一路殺到座標,對無職世界觀有興趣嘅可以留意下盧迪解結界果句咒語。
佢同外傳「古龍昔話」有關聯,但建議睇完無職小說再去。
6. 有人問盧迪問副校長借書,咁副校長咪知道盧迪要用傳送陣囉。其實唔係,佢本書叫《轉移迷宮探險記》,故事講一組人攻略一個叫「轉移迷宮」地下城,最後事敗,唯一倖存者將佢哋嘅進度寫成書,希望有人代佢哋通關。
而「轉移迷宮」就係貝卡利特最出名嘅地下城,所以副校長多數會以為盧迪想去打迷宮。
而盧迪會知道呢本書就係當初調查轉移事件果時,菲兹推介比盧迪的,睇翻上半季動畫其實有講。
7. 踩上傳送陣之前,同麗潔傾過如果魔法陣有問題,傳送佢哋唔知去邊點算。麗潔:到時我哋一齊返去揾七星算帳,我負責捉住佢手,你就狠狠咁插佢!
8. 盧迪踩上傳送陣嗰一刻,個畫面有一瞬間好似去咗見人神個白色空間咁,細節加一
9. 麗潔返去重試傳送陣,盧迪發現「傳送」並唔係立即瞬移,而係要經一段時間先會到,但當事人只會覺得係一瞬間嘅事。
盧迪推斷「傳送」其實係高速移動。順帶一提,今次盧迪等咗15分鐘,姐係單程傳送一次要7分半鐘。
10. 盧迪揾到果套當然係北方大隊長威亞貝爾龍神件衫
11. 有人問點解盧迪唔用魔力整舊大石飛住行,原作比過解釋就係麗潔希望盧迪可以節省魔力,事源盧迪例牌幫麗潔條底褲補魔,但之前克里夫已經提過,呢舊野極耗魔,就連克里夫都用唔到幾耐,見盧迪日日為條底褲用咁多魔力,麗潔勸佢底褲事小,冇魔事大,平時都係慳翻喺戰鬥好啲。
盧迪心明自己雖然係好多魔,但唔係無限魔,如果關鍵時刻冇魔就碌柒啦,更何況自己已經好耐冇經歷過魔力乾枯,完全唔知用到咩程度先會洗晒啲魔,所以佢都唔敢大手大腳咁用魔。
12. 關於魅魔,係400年前拉普拉斯引入貝卡利特大陸,用意未明。
佢會散發一種對男性好香嘅味道誘惑男性,但對女性而言係一種好臭嘅味道
。
所以麗潔當晚係被臭醒的。
魅惑效果會持續,直至用解毒魔術/來一發先會解除。
再多內容可以參考卡車巴。
13. 「沙漠仲著咁厚?」比太陽直曬流失嘅水份係多過包住自己,所以防中暑嘅其中一個要訣係避免太陽直曬。
14. 由於成日行雪地,所以盧迪好快習慣同樣軟綿綿嘅沙地,而盧迪將融雪跑步果套技術反轉來用,變成自帶冷氣,將身邊氣溫由50℃變40℃,再將水袋結成冰放喺背脊先算係解決到高熱問題。
15. 盧迪做好最壞打算,如果真係陷入絕境嘅時候會選擇冰封周圍嘅沙漠,因為聽聞呢度嘅魔物怕凍。
16. 關於沙漠魔物可以睇卡車巴嘅補充。
17. 動畫有見到一隻超巨型嘅白色魔物喺盧迪同麗潔附近行,佢名叫「貝西摩斯」,外觀就係一條大鯨魚,生咗一堆象腳,然後喺陸地行。性格温和,唔會主動攻擊人,受到攻擊會潛翻落沙底。
18. 仲有個細節,一爬上岩頂,盧迪被獅鷲攻擊果刻,麗潔大嗌「趴低!」,盧迪直接條件反射咁趴低,除咗因為佢信任麗潔,另外係以前同瑞傑組隊果陣都經常會咁,久而久之盧迪練成咗條件反射咁跟隨隊友嘅訊號。
19. 飲食同語言方面可以睇翻卡車巴補充。
20. 盧迪唔係直接行過岩棚就到拉龐,中間仲有2話劇情skip 咗,而係先到達一個綠洲,再揾到去拉龐嘅商隊,然後做佢哋護衛去到拉龐。
好簡短咁補充下:
盧迪上到岩棚有啲多事咁救咗一隊沙漠戰士,但可惜已經死咗2個人,見隊沙漠戰士仲忙緊,盧迪本身都唔係諗住要回報,於是就同麗潔去綠洲食飯+過夜算。
食完飯揾到位露營之後撞見翻隊沙漠戰士,發現佢哋係做商隊護衛,咁啱又去拉龐,眼見死2個隊友,盧迪同麗潔又勁,所以就揾老闆比佢哋加入一齊去拉龐。
去拉龐中途比全團盜賊團埋伏,唔熟對人戰嘅盧迪差啲死,由於盧迪冇出全力殺人,導致陷入道德2難,反思自己,經麗潔開導之後繼續前往拉龐。
呢part 好難補充,建議真係小說。呢段cut 走真係好可惜,大家可以幻想下貝卡利特大陸就好似沙丘瀚戰咁,有一堆外地人進駐,但本身當地仍然有獨特嘅生態環境,人文風氣。
21. 其實盧迪傳送到嘅地方係貝卡利特大陸嘅「禁區」,之所以叫禁區係因為果個位置長期有個沙塵暴結界阻隔,而且禁區內嘅魔物都比較勁,所以一般人根本唔會走過去,但因為盧迪同麗潔都係第一次來貝卡利特大陸,所以唔知佢哋一到埗就係面對地獄級難度動畫其實有做佢哋穿結界果刻,中間有幕盧迪同麗潔穿緊沙塵暴
,最後盧迪都係選擇用風聖級魔術吹散個沙塵暴再行