[討論區]猿人爭霸戰-猩凶帝國

最尾條女背後拎住支鎗果個位幾正

其實最唔明真係點解啲ape文明倒退（雖然夾硬兜都兜到 可能又係咩打仗跟住匿咗入深山 之後就失傳）
第3集已經識用槍

我覺得兩個原因

第一係其實唔係文明倒退，而係佢哋智力跟本冇你想像中咁高，大概等如原始人啱啱識用火嘅程度，只係凱撒同埋第一代嗰班特別勁聰明。
可能佢哋學習能力仲勁過人類，見到人用槍佢哋睇一次就識，但係啲人類死曬之後冇咗模仿對像，隔幾百年就變返佢哋應有嘅智力程度同文明（農耕社會）

第二就係冇發展文字，佢哋嘅文明係因為病毒原因爆發式成長而唔係慢慢發展，所以冇時間發展自己嘅文字而係口耳相傳，所以第一代學識嘅流傳唔到落去

其實有樣唔係好明，既然大部份猿人都唔知人類曾經係dominant，咁佢哋點睇啲電槍大廈嗰啲人造物？係當咗山石咁自然生出嚟定係第一代長老整出嚟嘅

呢個推斷好合理
電影都好強調文字可以記載知識再傳承

係好奇好多空白位
凱撒死後啲部落點樣分裂
唔同部落對過去猿人歷史嘅認知
第一代見識過人類科技 理論上口耳相傳都會用得返啲技術 (例如點樣揸車點樣揸槍)

咁佢可能想下集先解答
今集基本上0進展

超立方個解說再深層探討故事背後嘅喻意
https://youtu.be/x5Elk6jWiIc?si=royDAdOxoZKFNNdk


趴啦趴啦研究室個解說就簡單直接啲
https://youtu.be/UEEIER0FPEg?si=PN-czwnwgVDxvTlk

佢哋冇文字概念，所有歷史都係口耳相傳。

仲有猿人有智力之後，唔係集中生活，而係散落去唔同族群去深山自成一角，所以有大部份後代其實冇見過人類，更加唔知人類識講嘢。

至於你問猿人後代點睇現代化建築
我諗可以理解做你細個嘅時候第一次見到森林，你唔會奇怪森林係點形成
電影入面嘅猿人只係同我哋調返轉。

睇完之後 覺得唔算幾好睇
但係又未算難睇

好大部分 都係文戲
講啲唔知想講咩既文戲
自問都有用腦去睇 但係都唔係好明

可能有睇以前3集 太大期待

普通嗰班應該當山石

當而家啲馬騮都識踩單車，砌puzzle, etc
我都識用槍都唔係啲咩好有力嘅智力表現

咁諗嘅話佢整得返把電槍應該唔止新caesar咁講有啲聰明，直頭係猩猩界嘅愛因斯坦

你唔講都唔記得佢整好支電槍
印象只係掂兩掂就有返電

冇乜高潮位

講緊ape對成個世界嘅認知點解會唔同曬
原本全部ape都知道人類係世界主宰
人類勞役ape 係敵人
想解放
而家就全部好似原始人咁

識得用槍好有智力喎
首先理解到原來子彈係由槍射出嚟
同埋你要認知到槍個結構
我喺隻狗隔離開槍
開到佢死 佢都唔會學識
佢最多會知好危險但唔知點解會"射得死人"

要用電嘅冇得叉變垃圾，刀劍鐵器生銹又掉得，精密儀器冇維護又好快收皮，淨返啲簡單物料（木器，織布）同技術（建築，曬魚）

冇維護嘅話人類嘢全部都好似消耗品咁用一樣少一樣，幾百年都用得七七八八啦，係支電槍咁撚勁，應該耐用過3310

如果用狗做例子，我諗係因為狗身體構造學唔到可能性大啲。

例子︰馬騮識開樽蓋剝香蕉，狗唔會學識

開槍可以殺人＝撳粒制可以出食物
喺我觀點係一個好簡單嘅if then關係

問題係而家馬騮有冇呢個意識去用槍攻擊你

咁而家就係講緊套戲啲高智慧馬騮
用現實嗰啲比較都已經唔同
現實嗰啲你狂train都有可能嘅
但係套戲啲高智慧馬騮
你喺佢隔離開一槍 佢就會好學識
全部有自我認知,語言能力

同埋我主要想講嘅唔係智力
即係用上面話馬騮知唔知高樓大廈係人造物做例子
而家全部都唔知+當人類係低等生物
咁就係好奇有咩原因導致咁
咁點都有解釋
例如嗰班elder知道但係特登隱瞞
或者n年前流離失所失傳曬

第一集就係特登唔講留返啲謎團,係咁鋪啲伏筆
所以先話呢集睇完=冇睇好迷

文字嗰度 雖然佢係咁強調ape同人類嘅決定性差距係冇文字,書本
但你養鷹嘅知識咪又係口耳相傳 仲見到有啲薩滿文化

咁始終只係電影，全部都係靠我哋腦補。

300年前，即係第三集已經講到99％人類因為猿流感死亡，只有1％人類生還，而呢1％又再分2兩批人，一批失去智力 一批完全免疫。

第三集嗰時人類已經係瀕危動物，大部份失去智力繼續生存喺野外變成普通動物﹐免疫嗰班就喺避難所繼續生存。所以今集猿人後代唔知人類識講嘢我覺得好合理。

而撚鳥族文化唔需要文字傳承都唔係新鮮事﹐非洲長頸族同唇盤族就係例子。

唔洗幫導演諗啦 班猩見斑馬都眼都凸 根本成個劇本廢

唔好再拍就最好

咁荷里活電影全宇宙都係講英文啦

咁都有Han solo做翻譯吖，你唔係想好似嗰套傳說中嘅star wars holiday special 咁聽住chewie同啲族人鬼叫成集

講得無錯
今集真係好垃圾
又悶又冇高潮位D劇情又格硬黎
是但捉一大班猩猩係海邊行行企企拉下門就帝國
真係求撚其到呢