[討論區]猿人爭霸戰-猩凶帝國

過繼唔到、文明有斷層先係正常狀態
就算人類文明喺古代都成日有斷層同倒退

講返劇情
首先，大部份猿人都對人類文明反感，覺得人類一係蠢一係邪惡，唔願意學
倭黑猩猩大部份都跟祖法唔會入去人類城市
猿人嘅智識係由紅毛猩一族掌管，但已經近乎滅族
而大猩猩想用軍事力量統治，操控智識傳播，甚至扭曲祖法
所以大猩猩一見到代表智慧嘅紅毛猩就要殺佢
猿人文明某啲層面你可以話係退步緊

人類古代都一樣，古代智識都係當權者及貴族掌握著，平民唔識字
獨裁者唔高興就篡改歷史或者禁止某啲科學智識
而且文明部落被野蠻部落嘅軍事力量打敗及屠殺先係常態
文明發展一向都係好多阻力、起起伏伏，唔係一帆風順

希望第二集可以解釋返第一集啲謎團
完整返個故事
唔想冇二、三集睇

邊到睇返五集
Disney+得三集

加拿大睇Disney plus 有齊晒9集

武肺期間有冇全球停戰啊？

講緊猩流感係勁過武肺同沙士
第一集到第二集中間已經死咗勁多人呀大佬
仲要本身第一集單嘢都未上到國家層面
又點會用到飛機大砲呀

巧合性太高
唔足夠令人信服

出左一班擁有高攻擊性武器嘅實驗室產物
點會唔係嗰幾日一次過清除？
想像現實如果有一班白卡搶左一批軍火
眾目睽睽咁匿去深山
個政府邊有可能唔係即刻當日就去圍剿？
仲要如果個傳染病同班猩猩有關
政府更加有理由盡快消滅病毒源頭

政府邊有可能唔係即刻當日就去圍剿？

真
肯定總動員3萬黑警，再24小時戰斧狂炸坐山

三部曲無解釋清楚人類文明點解會沒落
人類臨死前點都會放下核彈攬炒

如果淨係傳染病同猩猩
我覺得無咩可能會發展到最新嗰集咁
最新嗰集講個vault咁多軍事裝備
全球會得嗰個地方有武器？

不過聽故唔駁故
當睇下花生片
廢事深究落去

你都係重睇啦
隻病毒係實驗室洩漏
只係班猩猩同人類感染咗有唔同影響
都唔知你所講嘅巧合性係啲咩

自己唔重睇就話冇講
第3集已經清清楚楚話畀你聽人類文明點解會沒落啦
你就算唔重睇套戲都睇下維基啦

就係重睇左先有咁嘅結論
第三集講病毒會令人啞
但唔係所有人都會死
例如個𡃁妹
所以人類都一樣可以發展出唔講野嘅文明

仲有第三集最後堆軍隊比雪崩搞掂
依隊係全人類最後一隊兵？
如果係點解會搞到得返最後一隊？

我話佢無解釋清楚係指
最新嗰集入面得返匿埋左嘅人有文明
而佢地又聯絡到其他人
咁即係人類文明原來無沒落到
只係匿埋咗
咁點解匿三百年都唔打出去
無理由全球得嗰堆武器

淨係第三集講嘅病毒同猩猩
根本唔會發展到最新依集咁嘅局面
唯一解釋係導演無拍哂三百年後人類真正嘅文明出黎

第四集係鳩
唔代表頭三集都係
而第四集個問題你可以理解因為出面有猩流感
冇裝備就會奶嘢變弱智

見佢係新三部曲第一集都預咗好多野會唔交代
但佢真係乜撚都唔交代
例如人類退化之後嘅生態
無啦啦改個名叫回聲族但其實又無意思

Eagle 族與世無爭嘅程度係完全唔用武器
就算無其他敵人起碼都會有獅子老虎猛獸之類
佢地就真係帶兩梳蕉就騎馬出村

病毒唔會殺死所有人，但係殺死左好撚多人喎
至少冇入地底既已經死左九成幾啦，仲發展到乜野文明？
仲有點解三百年都唔上返地面，你見人出門要著保護衣就知，女主角果team係免疫人士先出到門搵野

同埋你話原來人類文明冇沒落到，咁不如你諗下d避難所由病毒爆發開始起，甚至係原有既避難設施，可以容納到幾多人？香港一條公屋邨可能都多人過佢地

你如果想講清左班猩猩就解决病毒，咁你真係唔留心睇處
病毒=10倍強度既武肺，爆發左就爆發左，清源頭就解决到咁點解當年有武肺
人感染會死，猩猩感染會聰明，個邏輯明明好簡單

講緊知個源頭
點會唔滅左個源頭或者捉源頭猩猩去研究

用武肺做比較
你諗下武肺係咩國家？
世衛派人入去武漢研究都唔比咁濟

正常其他國家應該會搵人去源頭拎樣本比班專家研究解藥
點會由個源頭生勾勾係到無人理

一係一開始就講明
電影入面個世界
人類未感染前已經係弱智

套戲無交代捉完班低智人類點處置

古埃及金字塔技術都無流傳啦
歷史總會有失傳、錯誤的地方，猩猩呢D短壽命物種，300年可能已經係十代以上，仲要唔係隻隻都直接吸取過果D進化氣體，係混種情況下，可能慢慢溝淡左呢

隻病毒傳播力太勁，重啟的第一集尾個帶病飛機師令病毒散到全世界都係

病毒傳播力呢點有咩值得討論既餘地
總之個病毒+人性無政府狀態搞到咁樣囉

舊版：捉嚟當運動同娛樂，之後當動物咁做實驗同研究，玩死咗就解剖

其實電影入面病毒源頭唔係猩猩
係主角研究點用隻病毒醫老人痴呆
要研究是但捉個病人都已經有病毒sample
同埋點解病毒係會有解藥？

無限腦補 拍十集都唔會完