[遊記]慢慢打，希望唔好爛尾 - 日本(主要)東北睇櫻花之旅

竟然係咁！咁我真係無入到去果邊
有機會去返先得

去到盛岡有冇試碗子蕎麥麵呀

無 下次有機會一戰

是咪收好早？
早出晚歸剩係食到收夜嘅冷麵

今年北上鯉魚旗失蹤

少子化？、連鯉魚旗都少埋

咪就係，真係可惜

都唔係

東家會早啲

我呢間喺盛岡駅隔離個Fesan mall basement

收9點

好

同你鬥多碗

我呢間無論食幾多碗都有證書

大正十二年創業

D9：茨城常陸海濱公園、栃木足利花卉公園

四五月除左係東北櫻花之外，其實都可以睇到粉藍花同紫藤花，咁所以今次都加埋睇呢兩種花嘅行程落黎啦。本來就想搭內陸機飛福岡去河內藤園睇紫藤花嘅，不過果時候好似都未開曬，所以都係唔去果邊啦。

咁網上 blog 就話，其實去呢兩度就最好分開兩日去，不過個人就覺得如果旨在純打卡嘅話，都可以擺埋同一日嘅。而足利花卉公園比想像中其實無咁大。

所以查乘換案內最後就變成咁：
7:00 - 8:16 上野-勝田 （常磐線 特急ひたち1号）
12:21 - 13:35 勝田 - 上野 - 常磐線（特急ひたち12号）
搭返上野有下時間食下野咁，然後再去
14:18-14:52 上野 - 小山（東北新幹線 やまびこ211号）
15:02-15:36 小山 - あしかがフラワーパーク（両毛線）
19:18 - 19:53 あしかがフラワーパーク-小山（両毛線）
20:01 - 20:38 小山 - 上野（東北新幹線 やまびこ218号）

不過可惜臨到呢兩日成個日本天氣都麻麻地。

又返返到黎上野站，唔計機場出黎果程，一開始嘅旅程都係從上野站開始搭車上仙台開始。


一開始搭嘅常磐線特急ひたち1号。應該係 E657系？


車內一攝。


去常陸海濱公園就從勝田站落車，然後轉巴士去。一去到勝田站，覺得呢個站比我想像中現代。

又有齒科廣告


勝田站個車站牌都印上當地景色嘅圖案。


唔知散賣係咪會更加便宜。不過見佢包埋入場券同巴士，之後唔使煩，就起一出車站個 counter 買好曬。


粉藍花開嘅季節，都會有特別巴士班次來回勝田站同常陸海濱公園，中間唔停其他站。睇呢張告示就應該 suica 等起上面就用唔到啦。


官網寫個公園九點半先開（不過我唔記得果排粉藍花開得最厲害果陣係咪都係開九點半，好似唔使等咁耐就入到去？）一開門，個個都保特九秒九咁向住粉藍花果個區域跑過去

個人覺得齋睇一大片藍色粉藍花個畫面好單調，所以都係搵返廣告果個有棵樹果個位影左先。



其實種滿粉藍花嘅地方係一個山丘仔黎嘅。拿，呢張就P走曬D啲人，其實就算係一開始早上呢度都已經好多人下


行到最上就見到個摩天輪。同埋近海，其實當時呢度好大風都有啲寒冷感


同埋都有啲指示牌話俾你聽邊個方向有D mud




果個時候除左粉藍花之外，其實都有油菜花田都開緊，所以可以睇埋油菜花。



個公園都大，其實有另外一邊，不過時間所限我就無行到果邊啦。同埋當時候好似主要得粉藍花同油菜花開得最盛咁。近入口啲鬱金香好似都開完，所以就唔多影。

咁大個公園都會有野買同有野食嘅。呢個特別樣嘅雪糕好似係秋田直送，不過數量有限，好似已經賣曬。所以就只好買其他粉藍色造型嘅雪糕同杯野飲下啦



之後就搭返去勝田站搭返車去返上野站啦。呢架就係黃色塗裝嘅，唔知係咪有特別所以塗上其他顏色。


成日見到嘅常磐線普通列車。



待續。

D9：栃木足利花卉公園

去上野站就食下野，見有間uniqlo就買返件薄少少嘅外套，如果唔係咁大風真係頂唔順，跟住就去呢一日嘅下半場旅程啦。

又搭返東北新幹線


去到小山站轉両毛線


如果搭鐵嘅話，要去足利花卉公園其實都算方便，因為 JR 都起個公園隔離果度開左個站，一落車行大概三四分鐘就到公園個入口。



入口果度都有商品可以買，最後我買左兩包啲香包返屋企，擺起床邊都成間房都係紫藤花果款味，香噴噴好正。


一開始就試下紫藤花味嘅雪糕。咁又唔係藥水味嘅。


呢度都有啲紫藤花盆栽仔俾人買返屋企


天氣都變得更加差啦，又開始落起雨黎，所以今次去呢度都唔太多好靚嘅相。起呢度有幾部分嘅，有一部分就有啲細小啲嘅紫藤花，好似個花圃咁，你可以起啲一棵棵嘅紫藤花中間行黎行去。隔離其他種嘅花都開時開緊。


呢個位比人休息下嘅，都整得幾靚。



呢個位就係一大棵紫藤花牆


咁園入面應該有大約三四個棚左右，而成個棚上面就係紫藤花。如果無記錯，成個棚啲花都好似係同一棵樹度生出黎嘅。日頭嘅版本係咁嘅。



中間肚餓食下野，呢個包真係好好味。其實係滑蛋芝士包。上面啲蛋滑得黎未散，個包暖暖地軟軟地，然後上面加埋黑椒調一調味（好似太好賣，之後黑椒無貨變成紫菜），邪惡芝士拉絲咁，好正


咁點解三點半左右黎都覺得可以呢，其實起夜晚會有點燈嘅環節。咁睇埋夜晚版先走人。

有一款嘅紫藤花係比較白色啲嘅。種左起中間嘅一條橋上面。



有一個紫藤花棚隔離就有個水池咁樣，可以影埋個點燈嘅倒影。



一層一層嘅紫藤花，起夜晚點燈之後睇都覺得好正。




行多陣之後見越黎越大雨都行返去搭車返上野啦。

起上野站最想食嘅就係 suica penguin 果間 cafe。八點幾仲有得賣，不過佢寫就寫日日限量供應
覺得可惜啊，有次短遊東京見到佢果時候出左款suica penguin 同 西日本果隻鴨嘴獸嘅公仔 set，果隻鴨嘴獸上面帶住企鵝帽，而企鵝又帶住鴨嘴獸帽，去紀念兩款卡共通十週年。不過果一次就嫌行李無位（果次都係得carry on，又唔想寄行李），咁就無買到。不過應該太多人買所以都無曬貨啦


之後就食下野就返酒店去整理下行李啦。起上野搵野食真係方便




待續。

我第一次去嗰時行過有個職員同我講有♡，我無做資料捜集完全唔知乜事
好彩走入去就影到

其實見到好多人圍住就行埋去多數都冇蝕底

D10：最終日：明明玩東北關東竟然走去關西

其實上野去東京係咪出唔到新幹線車飛？ 為左避開晨早返工嘅人潮，都係行多幾層搭新幹線去東京站穩陣啲 之前試過早繁攞住行李走去搭山手線，齋係等車已經係絕望


漲價之後嘅 JR PASS，總算可以搭到 nozomi


起東京站選擇困難症，最後試左呢一個便當 掛住揀便當就完美 miss 左本來班車。 好彩 nozomi 夠密


個人感覺總係鍾意京都多啲，感覺上起京都總係容易啲搵到啲鋪頭，超級市場咁樣。


咁黎京都其實都係探下朋友啊，同埋之前睇 vlog 見到一個地方都想去下，就係起高槻市，高槻站附近行過去都唔算難嘅一個公園，起兒童節附近都係會舉辦 鯉魚旗節1000，大約有一千條鯉魚會掛起空中。高槻身為大阪同京都中間嘅城市，主要都係住宅區，所以如果唔係好想睇應該都會唔多人走黎呢度 可惜天氣唔好啦，不過見到鯉魚旗隨風飄動，都係個幾寫意嘅放空地方。



返返去京都站。見到好古怪嘅世界博覽會吉祥物



每次去京都總係會去下間 mister donut 去買donut食，果排好似係有綠茶限定口味。不過我記得呢個系列應該之前都有出過。

好啦，走人啦。

依家起關西機場好似都逼非經濟/頭等人士用自助行李機去寄行李咁。



之前大裝修嘅禁區範圍，總算都開返。裝修完之後個環境的確幾舒服嘅，不過始終都係唔明點解咁多電子顯示板，明明夠位，佢總係唔會順序咁顯示曬咁多班航機資訊。次次都要等佢轉下版先知道班機邊個 gate

今次搭嘅都係 A350，都係搭 PEY，最後開左部《毒舌大狀》黎睇。





果日全個日本天氣都係麻麻地，不過好好彩，起飛之後可以見到雲海同晚霞



最後返返黎 HK 樂園啦

好啦，呢次個 trip 總算寫完啦。多謝各位收睇。最深印象嘅始終都係弘前嘅櫻花，果度真係如果全個trip只選擇一個點去嘅話，我應該都會選呢一個點。
之後睇下會唔會貼下之前短遊睇河津櫻，或者2023年京都》河口湖》東京睇紅葉銀杏富士山之旅嘅遊記啦 要搵返啲相片睇下夠唔夠料寫先得。不過都計劃緊七月可能去下青森、北海道一帶，可能到時候再見大家啦

============================

咁今次主要就係用十四日 JR Pass 嘅。

漲價唔少，包括我在內之前都話加幅誇張，今次又只係用得十日。不過如果要咁樣玩又好似得佢一款 pass 夠方便。計落條數其實都有賺嘅。（方便起見，每一程就作分開計算）

方便大家
#1 目錄
#4 一切從機場開始，仙台船岡城址公園、白石川堤一目千本櫻
#17 仙台白石川堤一目千本櫻
#18 山形霞城公園
#33 福島縣 - 觀音寺川
#34 福島縣 - 日中線
#37 福島縣移動去盛岡
#60 北上
#61 角館，檜內河堤防
#68 青森 （一）
#73 弘前公園 外濠
#78 弘前公園 中濠、內濠附近
#82 弘前公園 西濠、春陽橋
#113 蘆野公園
#133 十和田市
#148，#156 小岩井農場
#189 茨城常陸海濱公園
#190 栃木足利花卉公園
#193 關西好短寫
#194 飛機返香港
#195 完。

手誤：逼非經濟商務

都真係會趕趕地啊，不過好在點燈就延長關門時間。如果唔係點燈嘅話，紫藤花果個公園五點就關門，點燈嘅話最盡就去到八點半九點。唔點燈嘅話，玩得個幾鐘嘅話都趕。

我係見落雨所以放棄