[遊記]慢慢打，希望唔好爛尾 - 日本(主要)東北睇櫻花之旅

我又share

好靚

五稜郭4月底就滿開

樓主po完啦？

未啦。青森仲有兩個點，小岩井，然後其他花都未貼

跟

等睇靚相

你嗰日好多人喎

4月得3款唔夠喉，上次10月去有6款揀

咁可能係因為啲蘋果七八月開始收成有關啦！

跟

原來有咁多款
我見到都係會食晒6款

D6 蘆野公園

咁唔係成日都係起蘆野公園睇櫻花嘅。呢一日都係去完蘆野之後就去弘前睇櫻花，咁弘前果啲之前都集中貼曬咁就只係貼蘆野公園啦。


我記得有啲 Resort 白神號 班次可以中間唔使停咁多個站就可以從青森到五所川原，咁我一開始用機去想出張飛但好似full booking 所以出唔到


結果聽車掌話就起呢一度度坐咁去搭到去五所川原站啦


車廂內一攝


呢啲車入面都有一個位俾人去 cup 印仔，去日本我都會帶本細細地嘅筆記本去搜集唔同嘅車站印。


去到 JR 五所川原站。要轉一次車搭津輕鐵道先可以去到蘆野公園。其實津輕鐵道同 JR 個站都係同一個車站結構咁濟，不過要出返站去津輕果邊買飛先可以再入返站搭津輕鐵道。


車站內大堂。津輕果邊就比較原始，車飛都唔係磁帶車票。


津輕入面嘅車廂內一攝。入面有一個暖爐。入面好大浸味，唔知係咪冬天燒完魷魚剩低落黎啲味 咁成程車好似都會有人起度講下兩邊個風景，唱下歌咁，唔知係咪因為我呢一卡係有旅行團定點。



去到蘆野公園啦！津輕鐵道啲站牌係手寫咁，啲字體好型。



蘆野公園我個人覺得櫻花景色好似麻麻（可能係因為弘前實在太厲害啦所以比唔上 ）不過黎呢度嘅人多數都係影未入到蘆野公園，起蘆野公園站果度條櫻花隧道+火車。



帶曬武器同幾部機黎，我嫌重無帶到支 tamron 50-400 黎，影落其實都有啲後悔。


每一次部車就快黎，平交道附近總係會咁

睇班次表其實都算密嘅（同之前去過嘅JR北海道地頭相比 ），所以都影左幾 round 車。有一張我 P 走左D月台上面嘅人仔，敬請留意，點會咁少人起呢度影車啊？當時個月台都逼滿曬人，都要車站職員去維持下秩序。





影到差唔多，查埋時間表，就搭返去弘前睇夜櫻啦。


我懷疑係工程車嘅車頭 咁樣一舊野起度好似有啲得意咁


待續

btw 網上睇五能線都好似幾好風景。有機會都想去搭下先得！

lm 差唔多時間去 行程差唔多
不過無去蘆野轉咗去函館 點知1-3分咲 部分5分 果陣後悔咗
老母翻香港話後悔無帶羽絨同覺得白石川堤同弘前最好睇

無去蘆野+1

嗰日租車去咗奧入瀨 高山稻荷神社

高山稻荷神社 好似都幾正 唔識揸車真係唔知點搞

弘前櫻花真係好正成個trip 影得最多都係佢

留弘前最長時間 日夜都好睇 仲有好多野食 不過就好多人

唔識揸車呢個地方真係唔使去冇巴士冇火車的士隨時有去冇回

有冇得叫的士司機Chottomatte

唔知果度 taxi go 覆唔覆蓋到
睇下神社有無人幫到手call到的士掛

弘前至少要3日2夜先夠，好後悔只留1日1夜