[遊記]慢慢打，希望唔好爛尾 - 日本(主要)東北睇櫻花之旅

我早你好多去櫻花都睇唔到

我去嗰陣一本櫻仲未開花
不過都照去農場
諗住可以睇牛睇羊
點知咩都冇
好彩仲有碗牛乳湯拉麵幾好食
酸奶都好正

小岩井-續
隔左條馬路果邊就係牛舍果邊。不過我今次無好好參觀啲牛舍，唔知係咪可以睇到更近距離咁樣睇到啲牛牛架呢？有機會去盛岡果頭又無野做嘅話就上下去參觀下都好

不過果邊就多櫻花睇





不過小岩井呢度最吸引人嘅應該就係岩手山同果棵櫻花啦。如果只去呢個位嘅就唔使買入場券嘅。落巴士之後就行返出大路跟住指示牌就會行到。大約行十至十五分鐘。


行過去條路兩邊啲景觀都唔差。 近農場果段路就仍然見到櫻花嘅蹤影。



行到某啲位，見到下面啲地形襯托下都唔錯。


不過可惜我去果日就開得五分，就唔係最好嘅時刻。不過算啦，曬下太陽都算唔錯。


之後行返去農場度對住個自然環境食下雪糕啊布丁啊 本來想行埋去果邊間餐廳同手信店睇下有無特別嘢，不過見到時間就差唔多到兩點，有巴士落返去盛岡，咁就無去到果邊睇啦。

落返盛岡，十五十六，想去埋雫石個櫻花地，不過諗起應該都係櫻花隧道同咁多日，櫻花狀態應該都開始麻麻，咁就放棄左啦。轉個頭去站務處去 book 落東京嘅指定席，點知下一班就全車book曬。咁就要再等下一班，趁等下有時間就去盛岡站間 cafe 食下個 pancakes 打發下時間

都係之前起星乃食果個好食好多

好，差唔多時間，就搭新幹線落返上野啦。東北櫻花就到呢一度為止。不過仲有一日多嘅行程都會打埋嘅。


次次住東京嘅話都係會選擇住上野一帶，覺得起呢一帶要搵鋪頭好似都容易過其他啲區域，同埋搭新幹線同搭返去機場嘅話住呢一帶都方便過新宿果一邊。

去到上野一開始就唔慣咁多人，同埋唔慣可以唔使睇時間表就有山手線、京濱東北線嘅車搭

起青森懶得搵野食，十點幾都係起酒店隔離間 family mart 同吉野家處理左就算。黎到東京就點都要燒下野食




同埋要集下東京鐵塔呢個景。起兒童節左右，東京鐵塔下面都會掛左啲鯉魚旗！



待續。

牛乳湯拉麵
聽個名覺得幾好食咁。有機會去食下先得

近牛舍嗰邊仲有燒烤爐可以即場燒肉食
不過時間關係冇燒
睇落都幾吸引

唔知平時啲牛會唔會行出嚟
嗰日就申個頭入去望啲牛牛

2019年兒童節正日、好似其他地方都無乜睇到鯉魚旗另外一處就係白川鄉

會架，不過我掛住睇櫻花，又見好似無路去果邊近距離睇啲牛牛咁，所以就無去再深入研究落去啦。

不過我幻想係啲牛起塊大草地度，背景係岩木山咁㗎嘛

btw 應該係 岩手山，打錯

啲牛咁chill 嘅
雖然冇岩木山
不過有櫻花個畫面都好靚

跟你一齊錯

無望到
以為得燒牛，果時候又覺得唔夠時間或者太heavy所以無去到果邊

臨走都買多枝大酸奶飲
之後發現其他地方都有得買
不過已經唔記得咗係邊度

鯉魚旗都有地方嘅，如果早啲可以走上去群馬嘅館林，有鯉魚旗祭同櫻花一齊嘅畫面。不過就唔到櫻花開嘅時間，同埋就算搭火車，從東京好似轉上去都比較麻煩所以就無去到。

弘前果個係岩木，手快搞亂左，sor

Lm

咁影又幾得意

2018年白川鄉有櫻花&鯉魚旗、但就係同框唔到

我無咁近距離嘅牛牛相