[遊記]慢慢打，希望唔好爛尾 - 日本(主要)東北睇櫻花之旅

只見線，青春18x2
飯山線隧道出嚟嗰下都好正

隔離post 震災遺構啲相睇完令人好沉重
親眼睇到一定更加傷感

早樓豬幾日到仙台福島山形等地。櫻花盛開+天氣好好。
走前2日又係睇新聞知四國近海6級地震。
樓豬D相好靚，我只用手機差好遠，雖然都唔失禮

青春18x2！！
題外話，首歌終於出左啦，都loop 左好多次

環境好天氣好已經贏左
諗起之前去瑞士，周街都係明信片風景，亂影都掂

sa~yo~nara

D4：北上，角館

住盛岡，其中一個想去嘅行程係北上同角館，因為兩個地方從盛岡搭過去都係方便。

上次講到見到一個台灣遊客都鍾意睇櫻花，咁果時候都話，你都係直接殺上青森好過啦，北上同角館啲櫻花都麻麻地啦。角館我就同意嘅，咁我留意 ig 啲相都有心理準備嘅，所以下面我應該唔會出到一張角館嘅櫻花相，因為睇返都綠曬咁濟 不過北上應該都叫有野執下，所以就繼續呢一日嘅行程啦。


首先就去北上啦。其實過左條橋一開始果部分嘅櫻花花況都麻麻地架啦，不過勝在大棵，遠睇都叫做可以。越行越入啲櫻花狀況就越黎越好。

可能黎呢度嘅時間尚早，所以都唔係好多遊人。


行到最篤篤就有啲雨傘擺設擺起地度。


過埋條馬路，行大約五分鐘嘅一個小山仔，上面有一個觀景台嘅地方，可以咁樣睇北上展勝地櫻花隧道嘅全貌。不過唔知點解呢幾日起日本見到嘅天色好似唔係咁清，唔通係季節嘅分別？


起ig見到呢個構圖，覺得幾正，幾棵大枝垂櫻起前面，後面就有啲彎彎曲曲嘅路咁，所以都影低埋。


北上展勝地最出名都係呢架馬車。見到都即刻追住佢黎影

接近條橋果度啲櫻花狀態就麻麻地。不過見到掛住燈籠就影低埋。

而前面有個體育場咁款，果度幾大棵嘅櫻花都跌曬落地，成個球場邊嘅地下都變曬白色，好鬼厲害。

之後就搭車去埋角館啦。

之前搭 E6 記憶中好似啲位唔係咁黃色咁色彩繽紛架，唔通中間有做過啲翻新？

角館櫻花我就搞唔掂，所以都係放棄啦。所以就走左去檜內河堤防果邊睇櫻花。呢度櫻花路好長，長到我都行唔曬 行行下都有啲櫻花審美疲勞



咁起附近都有個賞櫻都會見到嘅攤檔群嘅。而攤檔群隔離嘅呢一度就幾吸引我，有鄉郊嘅感覺。


睇資料話呢一度有夜櫻，心諗好似呢幾日都未好好睇過夜櫻，咁就諗住等埋啦。點知亮燈嘅地方只係成條路嘅其中一小部分 咁早知唔等啦，話說果時候日頭溫度叫唔係話好熱，不過又未至於要著外套或者長tee咁，但係一收陽光啲風就係咁吹起 果時候我仲唔記得帶件外套旁身，好在無吹風吹病


好啦，點都要俾返少少存在價值比角館嘅，夜晚行返去車站見到，出黎反而唔係話真係全綠咁全軍覆沒，起燈光嘅效果下都有一兩張見得下人嘅，而枝垂櫻咁散落好似啲櫻花瀑布咁 。不過略嫌現場睇啲燈光效果其實唔係咁多咁夠，如果有心機啲加多啲燈效果會更加好。


待續。

又一個東北櫻花遊記，等睇你啲櫻花靚相

櫻花行程就差青森同小岩井未貼

可能你撈亂咗E5 同E6? E6 day 1 開始已經係黃色

原來係咁！ 可能我記錯啦咁

推

Day 5 、6、7 青森


好，行程繼續！黎到青森嘅行程～～～搭新幹線由盛岡上青森。


未去過夏祭嘅青森，所以都係第一次見到新青森站咁多人 。持pass 就可以行人工通道唔使慢慢等出閘機 多人到有一次下午四五點站入面間doutor 好多野都已經賣曬 人流主要去弘前方面，不過我就訂到青森嘅酒店，一開始都係入一入青森安頓左件行李先。


呢三日都唔知搭左幾多次嘅奧羽本線 弘前<=>青森區間嘅車。


每一次去青森總係要影下車同埋後面條橋起一齊嘅樣。

一出車站就真係要開 gip 攞返件外套著，明明之前起下面溫度適中，上到黎係好涼爽，好少少寒意添 啲風真係唔講得少，加左件外套都叫勉強頂得順


日日咁check咁濟，總算 book 齊起車站一出黎對面間 route inn 酒店嘅房。位置方便，又有早餐食，又唔算貴。某日起身見到原來間房望到車站。上年二月去好似周圍都圍緊板，而寫緊嘅呢一刻就鋪頭都開埋啦（不過去果陣就未開）。入面好似有好日山莊，無印，松本清，standard products，咁起青森黎講開返呢啲鋪頭都叫方便返嘅。



一開始去A factory 度飲飲食食先。因為知道之後早出晚歸嘅行程應該唔會再撞到佢開門 個蘋果批好似幾出名架佢行入去上二樓有個位可以買張卡去試下酒咁，雖然唔係太識得飲酒，不過都記得幾容易入口。下次有機會想試埋A factory個雪糕。（研究緊七月個行程可能有機會停停青森）



酒店附近就有古川市場，雖然啲人就話入面啲水產水準好似麻麻地咁，不過食到自己鍾意嘅海鮮丼做早餐都叫做滿足啦。

待續。

JR青森駅東口ビル「&LOVINA」オープンに約1300人の大行列　店内のにぎわい　平日でも活気あふれる風景広がる
https://www.aba-net.com/news/news-110262.html

青森真係無乜野行街、新商場開張千幾人排隊入去

正常啊，新嘢開點都襯下熱鬧

咁睇黎宜家盛岡站附近應該悶過青森站附近

雪糕好食

青森 Day5、6、7
弘前公園櫻花放題

掃過今個旅程影得最多，最覺得靚得誇張，最震撼，最覺得要 encore 嘅地方莫過於就係弘前公園。三日起青森，三日都有去弘前，咁就第一次去留左成日，然後覺得，咦，好似成個公園咁大都未行曬咁（去日本其他果啲城嘅公園都唔覺得咁大同咁多野睇咁），所以就另外兩日都抽時間去多幾轉弘前睇櫻花咁。依家睇返啲相，其實都未行曬 好似植物園要比錢果邊，同北濠影岩木山同櫻花果個位我就總係嫌遠得濟就無去到 有機會去返呢兩個位先得。

好彩搵到青森嘅酒店，本來都想住弘前，不過弘前果邊啲酒店好似貴到呢，又爆鬼曬所以都係住唔到果邊啦。呢三日都搭尾二果班車從弘前走返去青森 結果就要日日咁睇住 1.7、1.6、1.5km 來往弘前站同弘前公園條路嘅指示牌

三日都見識到旺過旺角站嘅人潮 不過弘前公園比想像中大好多，我係星期五六日呢三日參觀弘前公園嘅，所以就算撞正星期六日堆人潮好似都無想像中咁人貼人咁逼人，不過就係人多得濟，去到弘前果度就好似係個黑洞咁，上網速度慢過鍋牛 send 一個 fb message 齋字都好似用左三四十分鐘先 send 到



呢度應該唔少版友對住呢個蘋果擺設，呢堆燈籠都有啲熟識嘅感覺


其實以前有次秋天好似都入過一次弘前公園，我記得果一次係行到蕩失路嘅。所以今次三日都係攞返份地圖黎行先得 佢個心心景個位置地圖特登唔寫個位置，好彩上網搵到攻略
==========
一：外濠
一過條馬路就已經好多野影，點解要去咁多次？因為都係見到啲人話開始有花筏所以把握機會去影低


未見到花筏，睇夜晚倒影都好正


打直就容易有被櫻花包圍嘅感覺


櫻花開始散落起河面上面。



好似係起第三日集到藍天同夜晚嘅花筏 起長曝之下影埋水流就更有動感

正啊，佢仲要有幾種蘋果味選擇，下次有機會一定要去！

心心果到、走去問派地圖的人員、佢都諗左一陣、可能見我係外國人、指左地圖係邊個位置比我睇