[遊記]慢慢打，希望唔好爛尾 - 日本(主要)東北睇櫻花之旅

仙台果邊都熱熱地，可能咁所以就生得快

最容易換出發前幾日、但酒店最貴
有諗過4月頭去東京、但要住到成田、放棄

熱到著短袖都出汗

但係上到青森又涼到要加件唔算太薄嘅外套先頂得順

喺弘前又大風又凍
好彩冇吹病

後悔無帶羽絨、好彩有帶多幾件heattech

直頭要帶頂帽
吹到頭痛

D3：福島縣 - 觀音寺川，日中線

之前其實都去過一次東北地方睇紅葉，不過就未踏足過福島縣呢個地方，因為感覺上福島縣啲交通總係卡卡地。所以今次都試下搵下福島縣有無啲可以睇櫻花嘅地方。咁夜晚臨訓前 google 就 google 到觀音寺川、藤田川、日中線呢啲比較接近車站，適合唔識揸車又想玩東北嘅人，所以就mark左呢幾個點去研究下啦。藤田川落過車睇過，啲櫻花都散得七七八八，所以就無起下面記載啦。

好，首先起仙台站度搵個早餐食先！

起車站見到間裝修幾好嘅 cafe 。


有一次去日本試過便利店啲生果三文治之後，就覺得呢樣嘢幾好食。所以有機會都會叫下生果三文治黎食。



試飽飽就開始搭新幹線落去啦。成個仙台站都係 E5 嘅蹤影。個人幾鍾意E5。


本來起仙台都仲係落雨，唔係毛毛雨果種，係要開遮嘅level，不過隔一個站就已經見到藍天白雲。


好，去到郡山站就轉 磐越西線 去川桁、會津若松、喜多方果邊。



第一站就係觀音寺川，要起川桁站落車。起呢個站落車，呢個時候，都多數都係會去觀音寺川度睇櫻花，好似都七八成開，所以都多人黎呢度睇櫻花，跟住人群就會知道點行。呢度主要就係起觀音寺川兩邊都種滿櫻花，起河邊度慢慢行，坐起河邊度食野，一路聽住流水聲一路咁睇住櫻花係好正嘅享受！個感覺真係好放空 睇資料呢度夜晚都會點燈，不過感覺好似麻麻地所以就無睇啦。

本來就無預計會去喜多方嘅。不過一開始見到個台灣黎嘅遊人，都係去睇櫻花，跟住講下講下就話，其實唔係好遠架咋，咁見時間尚早，就好啦，再次踏上 盤越西線，去等有緣人班次，去 會津若松 轉車入 喜多方啦。


等等下有緣人班次見到附近有櫻花樹都影下啦，反正無野做。

會津若松其實都係個睇櫻花嘅地方，不過我果個時候啲人都已經話落得七七八八啦，咁去喜多方果班火車度都撞返呢個台灣遊人，都話，係啊，你都係下次先去會津若松啦，佢行過一轉都見到啲櫻花都已經散落啦。唔值得去。

再次踏上盤越西線。


起會津若松站要轉一次車先到呢一個站。


頂唔順要去食下野。食左櫻花攤檔常見嘅炒麵，同埋感覺上呢次咁多個櫻花市集入面都見得多檸檬茶。


其實呢度以前係一條鐵路黎嘅，不過起1984年就廢除左啦，之後就變成左櫻花步道。今次主要都係行到去地圖所示嘅會津村松站附近。

都有舊有嘅站牌。


起呢度種嘅主要都係枝垂櫻。行到越後就越少人，同埋朝早天氣麻麻地，去到下午三四點就開始放晴，所以都打卡一流 啲枝垂櫻好大棵，有幾棵感覺就好似一大把遮咁。同埋枝垂櫻帶黎嘅都係另外一種嘅感覺。

日本水果三文治好好食
之前喺靜岡食過蜜瓜三文治
又甜又爆汁

Btw，今次無緣去福島賞櫻
應該都係個好靚嘅地方

樓主用咩相機影？

其實果晚就住盛岡嘅，所以就查尾三果個配搭就搭返去盛岡。

五點幾六點在來線開始搭搭到九點幾 本來一開始覺得東北睇櫻花之旅應該唔會好似之前其他行程咁 chur，點知要收返呢個諗法



起郡山站搭去仙台，第一程車就遇上 E2 系。好似都越黎越少機會見到佢地啦。



起仙台大約有半小時空檔，咁都係去起車站度研究下有乜好食又唔會miss左班車（雖然都未到終電，但係都唔想咁夜返到酒店）


行下行下見到呢檔，其實係咪豆加奶嘅飲品？又幾好飲


係今日嘅最後一程車。


為左節省時間最後都係食便當算啦 （因為記憶中盛岡都係一個夜晚麻麻地有野食嘅地方，所以都係食左野先）。上次食過呢個便當無投訴，今次都覺得幾正。有返東北咁多個縣嘅食材，同埋有埋簡介話俾你聽邊樣打邊樣，好有心機。


返到酒店見到facebook 話日本地震就即刻開電視啦，好彩就唔係東北呢邊。


最後食埋呢個系列嘅另外一種味嘅雪糕作結！呢個係杏仁焦糖曲奇味，都好足料！ 焦糖又唔係話死甜甜得過火果款，

待續。

風景果啲係 Sony a7r3
tamron 17-28 // tamron 28-200
帶埋支 tamron 50-400，焦段應該幾好用，不過就最後發覺就少用呢支，下次考慮帶唔帶 。

而隨影果啲多數都係 iPhone 影

有機會都想多次福島縣啊。
豬苗代湖冬天去，會津若松冬天去，只見線， 不過交通就真係有啲卡

同埋隔離 post 提過嘅地震相關係 tour，雖然唔想有大地震發生，不過我就覺得透過啲 tour 睇到歷史，睇到大自然威力，人類嘅微小，應該都幾值得去。

樓主去嗰陣都冇乜人，咁正
櫻花季真係好靚

實際上都有人去呢啲位睇櫻花嘅 不過暫時呢幾個點我去嘅時候人流就尚可

留名

不過唔知點解有啲相 up 上黎好似鬆鬆地濛濛地 不過算啦 減低偷圖機會都好