[遊記]慢慢打，希望唔好爛尾 - 日本(主要)東北睇櫻花之旅

佢櫻祭攤檔啲規模都勁過人

連鬼屋都有 真係其他地方未見過

btw 我都係見好似最多5分所以無上函館 不過睇落函館櫻好似都正
唯有下次有機會先補啦

我去嗰陣都未滿開，5分左右
但粒星都唔錯

好在你冇去函館，唔係就冇咁多咁靚嘅弘前公園相

津輕鉄道臨時加密左班次、話曬一年一度長洲搶包山咁

D7：十和田市
呢樹個交通都有啲卡，起八戶有巴士，一兩班咁入呢度。


其實七戶十和田站好似近啲，不過巴士班次就更加少，睇完app時間表，結果就八戶入，走就搭的士出返七戶十和田，費事太夜走，然後可以有多啲時間去弘前繼續睇夜櫻。



用 JR Pass 搭呢程巴士都包埋。

想去十和田最主要就係想去十和田美術館附近啲位去睇櫻花。十和田市嘅歷史好似同馬有關，所以呢條路舊有駒街道嘅別名。而呢一件起美術館出面嘅藝術品就係黎自韓國藝術家崔正化，叫做《花馬》。


見到點點點就知道呢一件就係草間彌生嘅手筆。個南瓜入面都有幾個洞可以伸個頭出黎咁，都起呢個地方玩左好耐。



起呢堆藝術品隔離就有一隻鬼，係黎自德國藝術家嘅作品《幽靈》。起軟林林嘅草地上面攤起度享受唔係好刺眼嘅午後陽光，成個感覺真係好正好舒服。隔離原來係個廁所。起某一個角度黎個人覺得好似係同隻幽靈玩近捉迷藏咁。




今次就無入到去美術館入面睇啦。不過個樣好似都幾吸引。睇其他人嘅相好似有個大大嘅女人嘅展品，感覺都好似幾吸引。


咁條街兩邊都種左櫻花樹。人少少行上去都幾舒服。最鍾意就係有單車果個角落。



有個位就有啲鯉魚旗掛左起出面。總算都搵到一個位可以影到櫻花同鯉魚旗一齊嘅畫面。北上唔知點解今年就無掛到啲鯉魚旗。


最後行多陣就去返交通廣場度搵的士搭，不過係無嘅，然後果個時候起 Taxi Go 個 App 入面就顯示方圓都係無的士 最後見到有座酒店，就衝入去叫counter幫手 call 的士去返七戶十和田站搭新幹線去返青森果邊，繼續夜晚嘅行程啦。



待續。

請問去七戶十和田站程旳士大概幾錢？？
我下個月都去，但啲車班次好疏，預左要搭的士

師兄你都好聰明

見到有間酒店就入去receptionist 搵佢吔幫手call taxi

大約四五千yen

Thanks

巴打應該好有call 的經驗

通常便利店，酒店都幫到手。
依家有 Taxi Go 起城市都方便，不過唔係度度都係服務範圍。

日本旅行必備印仔簿
有啲站唔會放個印出嚟
可以問職員拎嚟印

我反而疫後先開始儲
儲埋御朱印、百大&續百大名城
去九州帶埋駅印帳
日本旅遊新手

Hi 樓主 我18號都去左北上
無記錯既話 果2日係黃砂來襲 所以個天好矇

我去到北上天氣麻麻

馬車冇開



只有人力車

個師傅話係北上人

平時喺淺車開工

原來係咁。
我都覺得奇怪啦，之前去日本，同埋最後果幾日去小岩井個天都唔係咁。

D8：青森=>盛岡=>東京

呢一日係 22/4。一起身見非常好天，其實都有啲心動想上上去函館睇櫻花，不過查完 app 又覺得如果睇埋夜晚開燈嘅話又未必趕到尾班車/尾班飛機咁落東京，所以最後都係睇睇其他地方啦。然後搵落其實 茨城同足利 雖然啲blog 都話分開兩日會更加好，不過查落 app 其實一日咁去曬又唔係話無可能，結果就睇睇下，都係搵返個東北嘅櫻花地點好啦。其實果時候東北櫻花季都七七八八啦。不過起 plan 行程嘅時候見到 mark 左呢一個地方，咁就應該都可以一試，咁就去埋先落東京。


估唔到又會落返盛岡站。

起車站出面等巴士去小岩井農場。咁好似一日都有三班。如果要去就留意時間啦。


農場嘅入口同埋入場券。農場有兩部分，中間有一條路分隔開。無人守住入口果邊，就要用佢另外果張嘅QR code 去開閘。

咁一開始都係睇左有人果邊先啦。而呢邊有啲櫻花都已經花落啦。不過咁好天黎曬下太陽都好嘅。見到岩手山同櫻花一齊，或者係見到一大片草地嘅畫面都覺得好正。






我見果一排一啲櫻花下面都多呢一款嘅植物，咁影出黎個感覺又好似係置身於另外一個國度咁，所以就影低埋。紫紫地色，唔知係叫咩名呢。


行下附近有一個叫天文館嘅地方，應該入面有展覽睇嘅，同埋應該有啲睇星星嘅儀器，不過我就無入到去。不過出面擺左好四五張果啲網網床，訓起上面簡直係享受！果日雖然好好太陽，不過風就從下面咁吹上黎，感覺完全唔覺得熱，而旁邊就係堆羊食緊草嘅地方。一時時都傳黎成班羊起度叫嘅聲音，起度聽羊嘅大合唱同雀仔聲，我應該起度訓左成幾個字都覺得唔夠，訓起度真係可以好放空！

Ching 係咪同我同一日去
我又係岩手山遮咗一忽
羊毛都唔見條