請問有冇連仔係CKY蔡繼有讀？

點解各位好似對小朋友咁有信心， 講真， 俾人reject 左d 一線， 已經知道小朋友不是大圍入面既學術型， 而且冇信心自己可以谷到小朋友轉校添

咁首先要問師兄小朋友讀咩幼稚園先
（利申：我自己果個以前就中途國際幼稚園插LH）
我可以話初初入去感覺完全係兩個世界，簡單啲嘅例子：我果個仲係度blending 階段，但人哋啲小朋友已經可以成篇英文讀曬（唔係好多字，大概30個字到）
我真係O左，雖然人哋年齡計係超大B
咁當然唔係話個個都咁犀利，我哋果班28人 大概10個左右係學術方面，我歸類為比較強（預咗目標係一線），而我果個同人比就叫做average 再低少少，唔駛包尾係因為有啲家長唔谷，唔考直資，預左用世襲入
果陣時一路去啲學校面試，我哋都覺得唔係好夠人爭，陪跑多，但結果又唔係預期咁差，除咗被純要求學術嘅學校被之外，好多都碌到過1st in。

我想表達嘅唔係話LH有幾好，而係你要知道佢支援同資源就係為咗小朋友考直資入小一，學校+家長發功，優勢好明顯；比著你係面試果個，反正個個小朋友我都係唔識，要我揀 我梗係揀個精靈、乖嘅啦。另外好似我上面講嘅，佢哋係乜都報，上至SPCC、下至音小，但最後都只係會讀一間，啲家長唔知點解會想做offer king/offer queen 結果咪造到好似好多「分身」同你爭緊位所以黎黎去去，對手都係果堆，到音樂椅開始轉，形勢就明朗架啦，未必係小朋友差，只係對手太強

我果個我都覺得唔係傳統學術型，我就唔想日日同佢準備默書、小測、考試之類，太勞氣，所以預咗幫佢行IB方向

但行ib 都要佢自律先得 haha, 同埋咁細， 性格未成型，未知佢係點

其實LH d 小朋友去到小學都係又頭帶到尾？

所以你咪自己睇定啲再決定點行，大器晚成都唔奇，總之就唔駛咁早就打沉自己同個細

梗係唔係啦，由頭帶到尾少之又少，因為要家長同小朋友一齊上，一年、兩年、三年可能無問題，但要衝足十二年，你諗下都知變數幾大，是旦一邊唔夾已經差好遠；而且開頭係贏在幼稚園果下，其他幼稚園小朋友可能返學仲玩緊遊戲、唱緊歌、happy school，LH係準備緊點「打仗」、「上戰場」
（補充：我問過小朋友，佢自己答係鍾意返學，就算功課果啲多過以前、玩遊戲時間少左好多）
所以唔駛懷疑人生

haha 將來可能變黎生

ky 同 直資既 匯基書院（東九龍） 有d 關係

師兄有冇報聖三一