請問有冇連仔係CKY蔡繼有讀？

唔係話想當呢度baby condom , 但如果呢度有真實用家，我諗我會信連仔多過bk
我作為家長去過CKY open day , 感覺好好, 好happy.
請問有冇用家係入面讀過？係咪真係學術得嚟咁happy? 校風如何？會唔會德育爭咁d?

同埋你覺得佢哋偏向鍾意收咩學生多？
外向？多嗲？

因為問過某一啲入到呢間學校既家長，佢哋既答案都係話唔知用乜做準則，有啲係谷家長，但有啲係hea家長，唔會點要小朋友學好多野。

Up

Up

Up

你真係當呢度baby condom喎

Up

買咗4百萬學劵
再俾幾十萬校長寫推薦信
咁咪入到去讀囉

Happy 係真係happy，校風睇吓同咩學校比，只可以不過不失、比上不足 比下有餘，德育就⋯⋯老實講唔係local school 你唔好預學校會教D咩循規道距，想好只要靠自己屋企教，因為好多都係癲癲地，好易潛移默化

至於收咩學生真係睇合唔合眼緣老師buy你就恭喜你，不過最起碼都要正正常常，所謂hea都係有基本能力，唔係就

最後唔好太大期望，唔係你諗到咁「完美」，好多學生都出面補到傻，等你真係入到去就明⋯⋯

利申：前老師

多謝ching咁如果同國際學校比，佢哋應該冇咁癲吖話？同埋你覺唔覺得係真係happy得來學到野？我見佢好着重要小朋友去睇好多書。
同埋想請問吓你覺得入邊讀嘅小朋友開唔開心？老師關唔關愛？同埋始終保良局，驚紅紅地
另外你所講嘅基本嘢，係咪都係要嗰啲所謂十全大補？

紅就唔紅， 完全無愛國教育， 無升旗，無國歌， 連讀香港本地常識都無

小學唔計排名，但成積差會有保底班

2年班開始普教中， 但學校入面課餘英文同廣東話為主

唔同其他國際學校， 正體中文

happy school但都有考試默書測驗

品德一定無傳統學校咁好， 唔嚴， 但又未至於無王管， 尚算ok

中學多其他科讀， textile木工，但要追求成積外面補習都幾貴同難搵

學費小學8k中學10k up, 平過國際學校但IB嚟講未算高

體育極輕視， 校隊同興趣班無分別

重音樂，每個學生都分配一種樂器學， 但好多冷門樂器， 會好無奈

4年班後， 每年有遊學團， 幾重皮費， 仲會越去越遠

入過去做, 有你錢就入去讀, 冇得輸
係禁多

都可以咁講，相對果D國際學校 CKY叫做貼地D，起碼無係學校隊草果D事啦⋯⋯happy 我就同意，學唔學到野就睇學生自學能力同有冇遇到好老師（詳細就唔講廢事得罪人）
至於關愛的話唔好太多幻想，普遍都係打份工心態 紅方面，基本一定要有啦，不過唔算深紅
所謂基本野，起碼考你、問你都要答得到，題目無果D神校咁深，但你無prepare 就預咗唔夠人爭

Lm

我去openday 嗰陣時有問過d學生，的確好重視音樂，佢哋話每一個人一入學就要塞一件樂器俾佢玩，唔理佢適唔適合。但係我見佢又有咁大籃球場、又游泳池，就冇諗過原來唔重視體育

真心講，佢連Open Day都咁多人，仲未計啲抽唔中嗰堆。。。你估真係個個有錢就入到去咩？考得嘅都畀得起錢㗎啦。。。。

Ching , 咁你做開教育，除咗呢啲神化咗嘅學校之外，一d 活動教學、主要行IB等等你有冇啲心水其實都幾好嘅學校？

我讀過，見到胡杏兒個仔

係，佢個仔係CKY讀。
Ching 你中途轉走左？讀左幾耐？覺得呢間學校點？

近幾年CKY點解咁多人爭，其實講到尾因為佢學費平過人一大截，但年年出嚟嘅成績唔差，要知道佢只係最後2年IBDP，算唔上係IB School，不過你拎真IB School VSA嘅「使費」同CKY去比，以「成本」同「結果」論CKY無得輸，所以每年啲家長都一窩蜂去爭，你話CIS、新加坡國際、猶太國際⋯⋯呢啲唔好咩？只係「成本」已經篩左一堆人，當然CKY入面一樣都有有錢人，但更多係正常家庭。認同樓上所講，假如入到就讀，想高分就唔好諗住學校教就夠，＇勁果啲好多都有「外援」

想請教下，你講嗰3間會唔會都著重翻學術既I school ? 因為I school 成日比我感覺係出到嚟社會好似乜都唔識，淨係識英文咁 (遇過好多I school 畢業出嚟嘅人) 同埋呢3間會唔會好似一般I school 咁太自由奔放？ 真心係呢個社會見過好多國際學校出嚟嘅人佢哋好自我中心，淨係識英文之後乜柒都唔識咁。

中學師資差左好多，高中可能好啲，因為要谷IB同igcse

Ching 用家？ 可摸耳講下初中點差法？

冇，一定係帶小朋友移民

咁勉強就無幸福
唔通個個都係咁樣入咩，自己考唔到都唔使咁酸架