請問有冇連仔係CKY蔡繼有讀？

師兄， 仲有冇野update 下， 知唔知wkf 係點，如果同cky 比

學制方面：wkf唔同Cky，上到最後階段wkf一半以上要讀DSE，少過一半甚至得三分一人可揀IAL/GCE AL，呢點CKY基本上係個個都唔駛揀，全部IB，最多讀唔掂就讀CP 唔係DP，而wkf係要爭（如果唔想行DSE）
2間行嘅路線不同，小學階段或者前期分別或者不大，但去到後面因應學制，wkf會更著重操卷、應試技巧

學校方面：wkf傾向多元化，就算你係SEN 只要你有某方面特別叻，都無任歡迎，佢哋都sell自己支援資優生配套好

之前有個AL學生就話唔鍾意wkf，因為有bullying，學校無人理，但其他方面佢自己話無投訴

我覺得bullying 就間間都有機會發生，避免唔到，有時個人性格，譬如口舌招尤、得罪人多 稱呼人少，遲早出到社會一樣都會受教訓；只要正正常常，無緣無故都唔會特登去搞你，所以呢方面如果有興趣wkf就睇吓小朋友包容同適應力強唔強，假如個性比較內斂可能要諗諗，要預有「陣痛朝」

感激師兄

其實我想問點睇俾人reject 之後， 寫信俾校長求位有冇用。 如果攞到一d 教授級既人或者院長幫小朋友寫推薦信，有冇幫助

係咪講緊小一？如果係就當然有用啦，wkf又唔係熱門到SPCC嘅神校，大把人去考完都無take offer，叻果D主要都係靠家長發功，呢啲家長通常乜都同個小朋友報去面試但佢哋係aim 一線，wkf唔係佢哋目標。
你搵有關係嘅人幫你求情，表示誠意，講番小朋友表現點解失準、點解無wkf不要、家庭理念同學校近似etc
係有得救，始終任何面試都會睇漏眼，況且你睇大B同細B 相差一年，能力已經好大分別

係呀， 小一，唔該師兄

spcc 考到， 家長都跟死， 做家長都未必有信心幫到佢安然度過6年，同埋小朋友要受谷先得🙈

睇返你之前同其他師兄講cky, 其實佢真係冇想像中咁好， 特別係中學

SPCC 流動性好高，出同入都大把，因為讀唔掂就讀唔掂，正如你所講受谷先得，有辦你睇鄭志剛個大仔都係讀到三年班頂唔順轉左去HKIS 好應果句：有人辭官歸故里 有人漏夜趕科場

其實係所有學校都係咁，只不過人性對憧憬嘅未來傾向「美化」，如果唔係你就無左個動力，成個人生即刻灰晒所以表面聽呢個講、果個講，A學校正、B學校好、C學校掂，間間都無負面野，尤其係港同，劃一讚到天上有地下無你信唔信
我自己揀學校，距離係我優先諗，之後先係考慮「好唔好」同提供學制（因為我哋唔會讀DSE），讀書講到尾都係睇讀果個，唔通除咗SPCC （仲要已經盡收天下兵器）其他學校就無狀元咩
最後，考唔到心儀小一都唔駛太灰，比著愛因斯坦翻生分分鐘音小都唔收 用誠意搭夠，一次唔得咪兩次，好多case最後都係positive

有冇聽過 九龍有cky, 港島南有spcc, 港島東有港同，港同媲美spcc... 我唔係住港島，對我來講兩間太遠， 所以我好認同你講距離係第一考慮條件

我都係，所以完全無考慮過SPCC、港同，有能力搵間OK嘅IS、無就平價版嘅CKY進可攻退可守，將來要走都冇咁頭痕

港同我覺得吹大左仲要受小紅書吹捧，更加想負評佢

haha 呢d 野就唔好提 la , 頭痕中

話時話， 好多家長已經幼稚園狂谷， 其實d 小朋友係咪真係可以由頭谷到中學🙄