請問有冇連仔係CKY蔡繼有讀？

係
呢兩星期應該7788 d 2nd in/offer

我等埋下星期一就收工啦

想請教吓
如果冇諗住俾小朋友去外國讀書，係咪唔好讀CK Y？

點解唔去外國讀書就唔好讀CKY? 佢IB成績入香港啲大學都易過DSE，反而如果入到建議讀，除非你有更好選擇或者覺得操卷、背書更加適合小朋友

讀唔掂學校係咪會勸退？
多唔多呢啲例子？

只會去到考完IGCSE，學校先會睇你讀唔讀得掂IB，你可以放心hea到year 9
老老實實IGCSE 真係好易，讀唔掂只得一個原因：懶 所以無論你繼續上定轉DSE/A level 都一樣死
勸退就一定有，但唔會話好多，全級計一隻手數得曬

多謝你講解咁詳細
咁以你嘅經驗，你見到啲小朋友通常Year幾開始補習啊？
因為我哋冇諗住送小朋友去外國讀書，最怕佢到時讀唔掂，到時唔知點幫佢
報果時無諗過呢間會有2nd in，優才果啲起碼可以大啲先決定讀DSE定I B
面試嗰陣時學校係咪會揀啲性格啱讀IB嘅小朋友呀？

犀利丫師兄，今年少咗好多人有2nd in，證明小朋友水平好好
學校揀都係動靜皆宜，能收能放嘅小朋友，小學收生無睇到咁長遠，純粹真係睇能力，因為12年中間出出入入唔到學校控制，等到IGCSE 先會篩選人上IB。至於諗讀唔讀得掂，我都係話如果IB讀唔掂，行DSE只會死得更慘，行IB 你有屋企人財力支持、課金補習，入大學基本上無問題（想入神科就另計）
撇除地理位置，如果行優才條path 你要爭入精英班先有得揀IB，否則只能讀DSE，呢一樣係CKY全部人都可以讀IB 嘅賣點，我會話去優才一定要比係CKY勤力先得，因為競爭相對大，所以有得揀都唔一定係好事

本身最心儀港同，不過無2nd in
暫時7間學校有2nd in，下星期又出SFA同就黎自行有結果
而家諗緊優先次序想讀邊間，唔想有offer/call waiting先臨急抱佛腳，到時先上網問乜vs乜
如果屋企財力普通，CKY係咪唔好放第一？
入面啲小朋友多唔多睇家底做朋友？如果窮小朋友係咪校園生活冇咁快樂？

Ic
如果財力一般，唔係唔讀得IB，不過係無得出「金手指」呢方面就蝕底啲者，另外因為CKY無成績表之類，得評估，所以到時再跳其他學校都有啲難度，建議再諗再清楚（通常都係IGCSE先開始需要外補）
可以放心入面小朋友唔會睇家底，各有各玩 純粹睇夾唔夾埋做朋友，心底裹有冇自卑就睇小朋友自己點諗

小朋友好叻 有7間2nd in

恭喜， 可以去旅行了