各位朋友鍾意食咩魚?

早六七年前翻大陸食過
之後一路都冇再食

石剎好多春煎炸一流

Smoke Salmon好多種，有隻用楓糖醃製，當小食啪入口好正！

計最有印象既話
蒸：
1.花英2.海冧蚌3.三刀4.蘇眉
打邊爐：
1.日本大石斑2.花金鼓3.東升斑4.鯇魚
鹽燒：
1.鰂魚2.山女魚3.目光魚4鮎魚
炸就個人麻麻地所以唔評

盤龍鱔

食過一次蘇眉 好好食

我都覺呢個post 正
完全唔識分d 魚，想搭單問埋有咩魚係少刺

屋企完全唔煮魚，我出面食飯有魚都會嗌魚
但分唔清邊d 有刺邊d無
次次都要google search 下佢多唔多刺

另外食過一款唔係用魚既形狀出菜
係會切到一舊舊，係咪叫鯇魚？
(可能餐廳煮法問題，但我見好似得果款魚會咁樣煮）
果個我好鍾意食，少刺

沙鯭 獅頭魚(? 唔肯定係唔係呢個名 九肚魚 倉魚

馬頭正啊，尋晚食完

鑵頭沙丁魚。味道唔錯，但又未好到叫絕。但細個時工人姐姐整俾我食，回憶上來特別好。

條骨可以一齊食，細個玩時會皮、肉、骨、肉、皮咁逐層逐層食。

以前食開有間大排檔有，但都要預早訂
之後執咗笠就無再見過

係咪沙巴龍躉或者石斑嗰類

死魚魚

唔係有毒定唔俾食既咩？

唔同嘅䱽魚其實有咩分別
街市見得最多好似得黃立䱽

街市有咩魚簡單蒸香好好食
我好中意食魚但唔中意洗魚成手腥味藏係手指頭到幾日唔散

瀕危絕種 所以立左法冇得食
我係十幾年前食既

十幾年前食都仲回味緊
咁應該真係好好食

係好易有毒 因為佢地食珊瑚果啲 積好多毒 （好似係咁
即係愈大條>年紀大（自然就食得好多呢啲野）
唔比食就… 有啲鋪頭有牌可以賣的 但多數做熟客先買到

黃皮老虎係咪炒好食過煎
我印象食過青衣炒球好食過蒸

想問下呢隻魚叫咩名

懵仔蒸先正，打邊爐無曬魚油
打邊爐用盲槽啦

一定係大眼雞，仲要食埋對眼

有冇試過凍食