交友app真係會搵到鍾意既人？

事關小弟單身左幾年又想拍返拖咁咪dl個交友app隨心玩下
前前後後玩左半年 夾夾埋埋百幾二百個match
好少主動start chat
好多女hi完nice to meet u就等你接話題
傾計既好多都無乜溫度 尬聊多
最後出到街既得一兩個
出完就知道唔岩就無聯絡
究竟係人大咗唔識鍾意人定係交友app唔岩我玩？

我同你個情況差唔多，師兄用咩app?

啲女慣咗等人entertain自己

我唔知你哋係點啦，我自己本身唔係好識同人傾計，去埋交友app對住個完全唔了解嘅人更加冇嘢傾，啲無謂嘢講多幾句雙方都唔想繼續落去

唔容易㗎葉師傅

係呀，最慘係兩個人真實生活都無咩交集點，有時同男仔傾計都唔知應該點樣開啟話題先好。覺得好攰，現實生活圈子得女仔，又無男仔。

好多女都唔識傾計，一問一答咁

唔好追女仔唔識傾計 男咪一樣 根本好多人都唔擅長係冇生活交集前提下升溫
再者d人都係無聊開apps覆2句啫 諗唔到咪算

呢啲app根本無撚用
唯一用途就係比你大海撈針式搵炮友，大範圍開宗明義約炮總會約到一兩個
但用嚟正常媾女真係哂鳩氣
啲女呢一刻可以同你傾下計，下一刻就可以應都唔撚應，直接消失
因為啲女想搵個陌生男人吹兩句完全係睇心情，你有一刻令佢唔想覆佢就可能永遠唔再覆，對佢嚟講根本零成本
但如果你係一個平時好多嘢做嘅正常男人，你就會發覺你浪費咗自己嘅寶貴時間
除非好快直接約到出嚟見面，條女見到你真人同你傾落都覺得你OK，先會肯之後繼續應你機
但慘在大部份女係連呢少少成本（出一次街）都唔捨得付出，除非你個profile係Jeffrey咁，或者佢會肯出嚟睇下你係咪真係貨真價實
記住，唔肯出嚟見面嘅app傾計，一律係無意思

上面講到話見面
好多痴線佬傾個一個禮拜就要出
我講明好傾傾左4個禮拜先見下
本身ok 後來係到發脾氣

交友app本來就好多精神病人躁狂 唔容易架葉師傅

其實除咗sales，有乜嘢正常香港人係會千方百計響同你素未謀面嘅情況不提諗話題同你升溫，呢個係佢搵食技能，佢一定要咁做
其他人，起碼都要見過面，有真確嘅印象，先會有心機去開拓話題，可能生活上都一樣係無交集，但起碼有延續互相交流嘅基礎
但見都無見過，根本講講下無嘢講係好正常

sales係好chur傾1-2日見面
見到面就好大機會sell到你買野
有大部分就攞到contqct同約到人已經算係跑到數

以前無咁多sale 真係唔需要咁警戒
而家多sale到難上加難

cmb淨係玩1個

係呀 姐係大家無咩交集 好難一直有計傾
有係有好好傾既 但真係好少
同埋自己都心動唔到

同你一樣相反 個感覺就係大家為傾而傾咁

你「一問」嗰下已經輸咗啦，interview咩，啲女比你問多兩句已經唔想答你，肯「一答」你已經好比面
你係要主動提供話題比機會對方同你交流
但要把握分寸都要估到對方有無興趣接你呢個話題
你一輪咀講自己嘢但對方無興趣就會覺得你柒

我都唔鍾意勁快換contact同見面
大家慢慢傾下係ok既先見啦

咁係你柒

真係會有 不過真係講緣份
天時地利人和缺一不可

無玩過無相app 驚中大伏

無咩交集依個真 大家都係成年人每日番工放工 有咩好講 興趣又多數唔會搵到同自己一樣 我玩左大半年都覺得好攰

高手

雖然我身邊都有朋友係玩app識到結埋婚
但係自己玩咁耐一個會心動既都無

呢個就係男人同女人嘅思維分別做成呢啲APP係無乜用，唔係話邊一邊啱與錯
男人係目標為本嘅生物，同你見都無見過其實係唔會想要去滿足你「啱傾」嘅需要，無見過嘅話理論上你只係一個虛擬嘅人，除非佢平時好得閒無嘢做又無朋友，先會去花時間同一個虛擬嘅人不停傾計
而女人就會覺得對方要先滿足自己「啱傾」嘅需要，先會肯同一個陌生人見面
唔係話「啱傾」唔重要，但如果唔係建立響雙方能夠見到面，覺得對方印象都OK嘅前題下，其實客觀上係無乜意思
男人會諗，見到之後發覺唔對路＝之前浪費哂我啲時間，所以見面前未必有心機同你傾到令你覺得係啱傾（但見過面後你可能會發覺其實佢係幾啱傾，因為對方見到面後先會肯同你盡情傾）
女人會諗，就算見到之後先發覺唔啱都無乜所謂啦，而家啱傾咪傾下先，到時唔啱咪算，所以不如唔好咁快見住
不過其實現實都有好多女人係覺得用APP傾計係浪費時間，不如見下面先決定好唔好再傾多啲嘢嘅，睇你個人啦