我阿爸腎功能得返2,3成 但唔肯戒口

之前返兼職照顧佢 換片打針餵藥沖涼帶覆診玩到成床屎 搞到我攰到半條人命 好彩中間有啲明愛家庭服務幫手帶佢覆診
但之後老豆不停入院後連坐都坐唔到 明愛都幫唔到手要自己陪佢坐非車覆診同每日抹身
到我媽都開始要人照顧就變左全職照顧佢地

而家每晚會煮一餐落老人院餵佢 已經餵左八個月
因為伙食太差🤢燒賣配飯或者貢丸配飯已經算果度既好味野黎

你好厲害呀 做照顧者一啲都唔簡單架
如果我阿爸都咁長命 會同你一樣面對呢啲問題 我諗我搞唔掂 經濟問題 照顧問題
祝你生活安好

唔好戒

做照顧者都係被迫既你快手搵醫務社工或長者地區中心幫手排長者評估 最後就算未適合排老人院
都有家居照顧服務幫下陪診之類
一年後又會再有人幫佢重新評估多次
到時如果身體變差即時排埋政府老人院

腎功能只會愈黎愈惡化
佢再唔戒口好快去到末期架咋 到時拿手唔成勢
Btw我老豆原本上年入完R房都差啲走
賺多一年同時辛苦我多一年
日日嗌痕嗌痛
真心希望佢早日離苦得樂

我阿爸始終唔肯戒口
照去飲茶 鋸扒 飲凍檸茶
我控制唔到

問佢銀行有没錢留比你先，没咩就唔理佢，有就幫佢。

冇咩錢
點可以唔理佢
我同父母住

但你辛苦你事，唔好影響到你身邊人。

唔肯戒口 由得病情惡化 無問題

但死又死唔去，大小二便要人幫個陣，唔肯接受現實，唔去老人院。

要個老婆70幾歲，仲要幫你沖涼又成

一係就道德綁架d仔女 話佢地無良心 臨老踢佢入老人院

有咩留返拜山先講

無用
死廢老唔聽人講就係唔聽人講
你管佢屌撚多你幾錢重
只能夠係心中咒佢快撚啲死

我有心理準備 要幫阿爸 抹屎抹尿 沖涼餵飯去覆診 我當然唔想喇 我係獨子 唔通唔理佢自己走出去一個人住 我又冇錢請工人

我而家日日咒佢死
佢唔肯聽人講 又鍾意賭波賭馬
輸晒啲死

你有孝心 係乖仔 但現實操作唔係咁易。

首先你要番工，你番左工 係你媽媽接手，你覺得老人家頂到幾耐

第2，好多男人，尤其上一代，好要面。唔想俾個仔睇到自己最醜個面，寧願辛苦老婆，都唔肯俾個仔照顧

第3 呢d病，以而家科技 可以拖到好撚長命。慢慢你有自己家室 到時你都係要放手入老人院

第4 照顧長期病患個種壓力 唔係你想像中咁簡單。 我自己有小朋友 有長老 但無工人 bb仲識慢慢長大，又會氹你開心 但有時，我都覺得有d壓大，好想自己me time 下。

更何況要照顧一個老人家，永遠睇唔到盡頭，分分鐘仲要發你脾氣。跟住你會慢慢衍生一d好邪惡念頭 就係 到底你幾時先肯死

趁仲有彎轉，好好勸你老豆，及時戒口

多謝你建議
佢肯聽既話一早就戒口
好似佢鍾意賭波賭馬
我叫佢賭細啲 佢都唔聽
佢而家出街 都要我幫佢推輪椅
佢腳痛加跌親個patpat

不如你襯而家仲有彎轉，狠心小小

試下唔好幫佢推輪椅

佢要咩需要 暫時唔好幫佢

等佢發哂脾氣

你就同佢講

老豆 求人不如求己

我再孝順 總無可能24小時on call照顧你

你自己諗清楚。

如果佢咁都唔醒 你就算數啦

愚孝唔會得到回報

過來人既勸告 排左評估先 做好準備

我由2016年熬到2023先掟佢入私家老人院
次次以為佢就死 點知都無事
無底深潭黎 你唔好以為換屎片好易
突然身體有事走唔到又要卧床
一入得耐院或者身體變好差 腦退化又突然黎
日日痾爛屎 換遲五分鐘就周圍搽
搞到成床都係臭屎 一日玩一次都玩到崩潰
加埋如果佢卧床 浴室門口唔夠大既
仲要抱佢入沖涼房

點解要咁講野
人地一定好彷徨無助先上網求助搵其他建議
你唔想睇就咪睇+block左佢
唔好落井下石

睇黎同你差不多命運
我都係排下評估先
點解你老人家唔一早入私家老人院?

2016年2017分別跌斷兩邊髖骨 兩次手術後都仲行到
仲睇到下野 活動係差啲但扶佢入去沖涼 只係晚上用尿片都無乜大問題 排埋評估可以等老人院

2019開始糖尿上眼失明 腦退化 雖然佢睇唔到野但係屋企行到認到路 只係沖涼要協助同煮野佢食

2020年排到盲人老人院 覺得照顧問題唔大同埋疫情問題院舍全禁探訪 放棄入政府老人院

相安無事到2022年1月突然譫妄 心口唔舒服
送醫院 話佢雙肺花晒
腎衰竭 嚴重貧血 心梗 反覆出院幾日再送院

加加埋埋訓左三個幾月返黎屋企
變左腦退化嚴重 行唔到 全日要用尿片
訓醫院床訓到頸椎退化 吞嚥困難
係醫院惹埋Cra 同Mrsa
全卧床同佢沖唔到涼只靠每日抹身
每日餵食六餐糊食（驚佢血糖低）
睇住佢個背脊痕 R到爛 出水

最後係2022年5月頂唔順送去屋企附近老人院方便探訪同照顧 其間有入過一星期既私院 沖佢凍水涼搞到發高燒又肺炎 入左院又比人惹到武肺
即時搵醫務社工幫 排評估
出院後揀過第間屋企附近綜援全包既私院住到而家
同埋8月評估結果成功 揀左三間政府護養院
所以做評估好重要 同埋要佢自己想排定老人院先可以排到 如果唔係 排到家居服務都唔錯 有陪診 送飯服務 幫手買野 帶佢出街 同埋定時有中心小旅行 有姑娘推佢地同照顧者出去玩

2023年5月頂唔順

76歲都唔肯放過佢俾啲好日子佢過要佢捱苦

咪由得佢囉，就是頻死先知咩事。

好返未　

都預咗死, 點都要食餐好嘅, 有咩問題

我阿爸始終唔肯戒口
鍾意食麥當勞炸雞 飲可樂
出街飲茶 食辣野
個意願應該都係唔會洗腎