關東遊記

2023最後一個旅行都係去日本，順便體驗當地倒數活動

Day 1 ：淺草》日光一日遊 （SPACIA X) 》鬼怒川溫泉
Day 2：鬼怒川溫泉》下今（SL 大樹）》新宿、增上寺倒數
Day 3：明治神宮初詣、東京大神宮
(Day4-7 山梨自駕遊）
Day 4：新宿》河口湖（富士迴遊巴士）、山中湖
Day 5：河口湖淺間神社、天空鳥居、富士山遺產中心、精進湖
Day 6：精進湖》甲府一日遊（甲府城、要害山城、新府城）》河口湖Glamping
Day 7：大石公園、忠靈塔、富士山駅
Day 8：河口湖》大月（FUJISAN VIEW EXPRESS)》八王子城跡、高尾山》日暮里
Day 9：川越一日遊
Day 10：Disneysea 一日遊
Day 11：群馬縣-前橋自駕一日遊、名胡桃城址、沼田城址、箕輪城
Day 12：雷門、江戶城、佐倉城

日光-中禪寺湖


河口湖-Sunnide Resort


群馬縣-初市祭


其他遊記：

［開心share]北九州玩上東京之旅
https://lihkg.com/thread/3303984/page/1
新加坡+馬代遊記
https://lihkg.com/thread/3474371/page/1?post=1
山陰山陽遊記
https://lihkg.com/thread/3440432/page/1
九州遊記
https://lihkg.com/thread/3446293/page/1
台北hea遊記
https://lihkg.com/thread/3462540/page/1
東京靜岡遊記
https://lihkg.com/thread/3484074/page/1
瑞士淺度遊記
https://lihkg.com/thread/3514280/page/1

lm支持

lm

Day 1
Hkexpress 夜機出發，去到羽田機場拎好行李已經1點幾，去咗新開嘅天空溫泉休息

不過上去之前要先將行李鎖好喺機場locker 先入得

由於咁夜去到都有啲攰，相都唔記得影，補上官方圖片兩張
https://www.shopping-sumitomo-rd.com/haneda/spa-izumi/img/spa/04.jpg
https://www.shopping-sumitomo-rd.com/haneda/spa-izumi/img/onsen/04.jpg

整體感覺唔錯，環境舒適又安靜，不過比較多人，瞓得舒服嘅地方大部分俾人霸晒，求其浸完溫泉喺長凳休息就算

瞓醒再浸多次溫泉就出發去淺草


呢日會搭SPACIA X去日光，成架車好靚，搭車前仲可以買定SPACIA X火車便當




去到日光啦，見到日光詣



第一站搭巴士去明智平觀景台，落車後要再搭纜車上


冬天嘅景色，地下啲冰仲未融晒




之後就搭巴士去中禪寺湖，天氣好好呀！




繼續步行去華嚴寺瀑布，瀑布有收費同免費嘅觀景位置
都值得俾錢睇嘅，俾錢之後就搭lift 落去睇瀑布



上返嚟去咗附近嘅小店食嘢，日光名物係湯波，啫係腐竹，呢個湯波可樂餅又幾好食


燒飯團


其他小食





食完野就搭巴士去兩社一寺，啲神社要俾錢入

我哋揀咗去日光東照宮，啲建築都幾靚


三隻馬餾

眠貓


最後行到輪王寺嘅時候，佢已經收工
喺出面行咗個圈就走啦


跟住去返車站搭去鬼怒川溫泉，落車後有架巴士會車啲人去唔同嘅旅館，只要喺個list入面嘅旅館佢都會車你去，留意返班次就得啦

間房嘅露台就望到鬼怒川啦，果然有啲廢墟嘅感覺


食夜晚嘅餐廳，都係啲會席料理，仲有名物湯波


Day 1完

Day 2
一朝早就去露台睇吓風景，可惜天氣麻麻，影唔到藍天


早餐


食完早餐就搭巴士去車站，巴士都幾多人，拎住個大喼要早啲排隊上車

呢架巴士好得意


準備迎接SL大樹


掉頭中嘅SL大樹，車上嘅職員好熱情，不斷同人打招呼





對面月台嚟埋另外一架，係藍色牌


買埋SL大樹便當先上車，不過超搶手，想買嘅人可以早啲去買咗先，入面仲跟埋兩枝鐵餐具


上車冇幾耐就開始派紀念品，同埋會有人行埋嚟兜售其他紀念品


士多啤梨雪糕


落車後可以去SL展示館行吓


睇完展館就去咗報德二宮神社，嗰度嘅御朱印好靚，最特別緊係SL大樹嘅御朱印



參觀完神社就返夜晚住嘅酒店-新宿
Check in 之後就去食夜晚

人形町今半，正常好味嘅壽喜燒，不過我都係鍾意落糖煎嘅壽喜燒多啲



嗰日係31號，食完晚餐好多舖頭都閂咗，去咗夾公仔舖玩咗陣

行過吉野家有啲想食，平價版壽喜燒


食完就出發去增上寺倒數


去到增上寺附近已經見到人潮，入面兩旁都有啲攤檔買野食同玩，不過超多人，淨係可以跟住人潮去參拜先



燒御守


年糕


搵定個位聽鐘聲


倒數十秒嘅時候，主持就叫大家一齊倒數，踏入2024就敲鐘，之後有籌嘅人就會逐個上去敲鐘，敲夠108下

我哋聽咗幾吓就去咗啲攤當買嘢食


試埋年糕湯


食飽就返酒店，其實日本新年倒數都幾熱鬧


Day 2完

lm支持

Lm

lm

Day 3
1月1日緊係要去參拜神社，今次揀咗去明治神宮，雖然去過幾次，不過都想體驗吓大社嘅初詣係點，出發之前食個麥記早餐先


明治神宮果然有好多人，同埋有好多警察stand by ，安排啲人一組組入去參拜


擺咗龍年大繪馬上去


神社出面間咗個位，擺咗一大塊白布裝錢


路過7仔買關東煮


參拜完就去咗池袋，雖然係1月1，但係池袋sunshine city 入面嘅商舖都有開，舖頭差唔多4、5點收，我哋行到收舖就走

照舊行吓Pokémon center



下一站去東京大神宮，咁夜都仲好多人



行咗個圈就去附近餐廳食晚餐

非常咸嘅牛肉


其他食物正常




Day 3完

Day 4
呢日喺新宿搭巴士去河口湖
買咗wendy 喺巴士站附近食


第一日去到天氣好差，仲要落雨
果然睇唔到富士山先係正常


呢架車好靚


去到車站就拎車，開始4日嘅自駕遊
由於天氣麻麻，仲落緊雨，原本計劃嘅行程變咗去手信店買野同食野

茶味濃郁嘅雪糕


焦糖布甸雪糕


牛柳粒，好食


之後去咗諏訪神社


後尾見天氣慢慢轉好就去咗山中湖

等待慢慢露出嘅富士山


Finally


富士山大道


富士吉田道之驛附近嘅博物館



富士山車仔


最後返溫泉旅館，個景好靚


晚餐




有個西式嘅忌廉洋蔥雞湯


甜品


夜晚落咗去湖邊影相，仲見到好多星星


Day 4完

強帖留名

LM

Day 5
朝早起身就去露台睇風景，好靚呀！


不過好快就變咗陰天溫泉旅館lobby 有個位俾人坐下睇風景


早餐


麵包係任食嘅


之後去咗淺間神社


天空鳥居，雖然都係陰天，但係見到富士山都算係咁


好多人排隊，每人有3分鐘時間影相仲要俾2、300yen 先入得，大家可以換定銀仔先


下一站：富士山世界遺產中心




炸雞幾好食


熱辣辣朱古力蛋糕


仲有各式各樣同富士山有關嘅御朱印


下午茶去咗東戀路嘅餺飩不動，呢間野有幾間分店，不過得東戀路係呢個造型，但係其他分店都係好多人，本身諗住day 4去，見好多人排隊就走咗，今日路過見到冇咩人就去咗食



窗邊望到富士山


全場都係食呢個麵，味道正常，唔知點解咁多人排隊


夜晚去另一間溫泉旅館，喺精進湖附近

晚餐



Day 5完

Day 6
呢間旅館嘅格局有啲家庭feel ，天氣好就望到富士山啦


早餐有日式同西式揀


啱啱煎好嘅玉子燒


原本諗住喺湖邊行吓，不過見唔到富士山就決定早啲出發去甲府市


出發去甲府市啦，呢個好似係日本阿爾卑斯嘅一少部分


甲府時の鐘


第一站去武田神社，雖然已經1月4日，依然好多人好參拜，好塞車


神社出面都有好多攤檔賣野食


之後開始儲城印活動，第一個印係續百大名城嘅要害山城，個印喺藤村紀念館
真正嘅城我地就冇去啦要爬山先去到，印完個印仔就走了



睇完就去甲府城跡，呢個就可以睇到實景啦



風景仲好靚



最後去韮崎市印埋新府城嘅印


雖然好偏遠，不過都有幾個人嚟參觀



返去甲府郵便局買磁石貼，終於買到


完咗甲府嘅行程就返去富士五湖嗰邊，難得天氣咁好，我哋去咗西湖、本栖湖、精進湖影吓相

本栖湖


啲人話係1000yen 上面嘅湖


望住富士山感覺好舒服


去返朝早溫泉旅館出面嘅精進湖，有好多鴨仔


西湖，去到都差唔多日落，有少少金黃色嘅富士山



影完相就去今晚住嘅地方
係Glamping 呀！環境非常好，望出去就見到富士山啦



一到步就有職員同你簡介下，講下晚餐、沖涼時間，提你9點後保持安靜呢度沖涼set 咗時段，到你沖嗰陣就去reception 拎鎖匙，浴室又大又乾淨，有廁所、按摩浴池（雖然力度唔係好夠）仲有抹身位，唔會濕漉漉，同埋有暖氣
沖完涼夠鐘就開始食晚餐，房入面有個手提保温箱，裡面裝住晚餐，呢個時候職員都會過嚟講吓點整野食，仲拎咗飯、煮好嘅雞同番薯嚟

野飲係自備嘅，reception 都可以買野飲，棉花糖都有


開始煮飯仔


煮煮下有隻貓嚟咗


野食都唔錯，雖然有暖爐喺出面，不過啲食物好快就凍要食快啲


食完買咗煙花玩


玩完好快入返營入面，出面真係好凍
見到好多星星


睇Netflix 都得


整體入住體驗唔錯，房入面嘅設備都好充足，環境幾好，雖然冇獨立廁所同沖涼房，不過公眾嘅都好乾淨

Day 7
一起身就見到富士山啦


早餐喺房入面嘅雪櫃，同埋有個飛碟機整熱啲料
唔知做咩咁多野飲


尋日隻貓貓


話咁快就整好早餐，不過太凍，整完入返房食


我哋住嘅位


慢慢執好嘢就check out ，印象中可以11點走，然後繼續喺河口湖附近玩

大石公園，雖然冬天冇咩花，不過啲芒草都好靚



日川時計嗰條打卡街道，真係超多人，仲有交通警
好快影咗幾張相就離開


富士淺間神社，又係超多人


之後行勁多級樓梯先上到忠靈塔，我都係第一次上去，好靚




富士山駅


呢度個觀景台睇到嘅風景都幾靚架，食杯雪糕坐下幾舒服



還車前喺河口湖站附近兜下




Lawson 好多人影，7仔就冇人理


晚餐
好juicy 嘅炸雞



Day 7完

正呀我月底都去河口湖

有無租車玩呀？

Day 8
前一晚揀咗河口湖站附近啲酒店住，朝早都睇到好靚嘅富士山


職員仲送咗張post card 俾我哋


河口湖站



今次係好天見到呢架車


呢日坐嘅靚車係Fujisan View Express ，由河口湖去大月
全車有3卡，第一卡係特別車輛，可以一個月前book 定，費用包括特別車輛使用費、特急費，車費就到時再俾
第二卡係指定席，要俾指定席費用、特急費、車費
最後一卡係自由席，要車費同特急費
不過第二、三卡唔可以去第一卡參觀或者買野，同埋第一卡星期六、日會有甜點plan ，平日就得soft drink 任飲
我地今次就係平日，book 咗第一卡坐




充滿儀式感嘅第一卡


車上有得賣嘅小食


唔俾買嘅傾斜杯影張相留念


話咁快就落車啦，走嗰陣有個日本人話想影兩個職員我都影返張先，kawaii


下一站就去八王子城吸印，展館都有啲嘢睇





好快行咗個圈就出發去高尾山


去纜車站前見到博物館就入咗去睇



去到纜車站啦，買來回飛可以自己揀搭纜車或者吊車，我哋去程就吊車，回程纜車



上山之後買咗個芝士撻食


再去咗間餐廳，風景好好



準備去藥王院，前一日去忠靈塔先行完一堆樓梯，呢日又要行樓梯


喘晒氣


好佩服由山腳行上嚟嘅人


上到高尾山都見到富士山嘅影子，你哋搵唔搵到喺邊


行埋個大運就走了，希望中六合彩


回程纜車，非常斜


返酒店之前去八王子食嘢同埋拎返個喼，作為專業嘅儲印師，緊係去埋道之駅 八王子滝山吸滝山城嘅印
印完就食雪糕


晚餐係拉麵，溏心蛋超好食，非常入味，好耐冇食過咁好食嘅溏心蛋，麵嗰啲就正正常常店內師父極之好客，會介紹有咩食，食飽又送你出去


返車站經過夾公仔機，夾咗筒朱古力



嚟緊幾日都會住日暮里，酒店附近嘅CD舖竟然有啲咁嘅福袋賣唔知幾時賣得晒



Day 8完

我都想無車牌係唔係睇少好多嘢

如果淨係玩河口湖都ok嘅，好似大約3個字一班車
但要玩晒5個湖就唔得啦

高汁

lm

Day 9
出發去川越前買咗個早餐，非常好食嘅牛角包


然後喺東上線池袋站嘅檢票口買川越周遊劵升級版，包咗來回川越同池袋嘅車費，仲可以喺川越任搭東武巴士
第一站就去咗喜多院，當日都超多人去參拜，勁塞車


入面又係有啲攤檔，唔知係不嬲都有定新年先出嚟擺幾日


買咗雞皮餃子，普通


參拜完就等車去下一站，但係等咗好耐都未有車，過晒佢原本嘅時間，我諗應該係前面大塞車搞到架巴士嚟唔到，雖然有任搭巴士劵，最後都行過去算

嚟得川越緊係要去川越城，呢個城印要俾錢入館先有得印嘅


唔知幾時先儲齊


開始參觀



有個庭園幾靚


嗰日去咁啱有人扮武士


然後附近有個神社，啲人練習緊師調舞，佢都好歡迎人坐低欣賞


睇咗一陣就走咗，然後繼續步行去冰川神社
呢個冰川神社都好多活動，可以俾人釣鯛魚



仲有挖番薯


呢度可以放張紙落去，好似係將唔好嘅事流走


好多繪馬


去完冰川神社就嚟到川越時の鐘啦，依然係非常多人


川越名物，雖然睇個樣已經知唔好食，但見咁多人排隊諗住會有驚喜，點知都係同預計一樣


之後就喺呢度前前後後，左左右右咁周圍行
有啲舖頭賣嘅嘢幾得意



午餐食咗鰻魚飯，都係蒲燒好食啲


路過熊野神社


差唔多4點幾就搭車返車站，最後都俾我哋搭到巴士，令張飛值回票價

返到東京先6、7點，行咗陣街就食晚餐

呢晚係打邊爐，叫咗兩個set ，有三款和牛同豬肉
呢間舖頭地下係食燒肉，二樓就shabu shabu 同壽喜燒






路過影張相


Day 9完

唔揸車可以留多兩日玩，富士山有幾條巴士線，河口湖周遊巴士班次最密，15分鐘一班，搭纜車、大石公園都係呢條路線，不過纜車超多人排隊，想搭要預多少少時間排隊
之後有西湖嘅周遊巴士同精進湖、本栖湖嘅巴士

詳情可以睇下個網址：https://bus-fujikyu-co-jp.translate.goog/otoku/fuji-passport?_x_tr_sl=ja&_x_tr_tl=zh-TW&_x_tr_hl=ja&_x_tr_pto=wapp

Plan 嗰陣最好預鬆啲，因為大部分熱門景點都多人，影相、買野嗰啲要用啲時間

最大問題係巴士會脫班