［開心share]北九州玩上東京之旅

最近見到好多日本遊記，自己都想出返篇記錄返，又可以一齊交流下

上年11月尾出發去福岡，12月中東京返嚟
太耐冇去日本，真係去幾耐都唔夠
今次主要去咗北九州、大阪、名古屋、靜岡同東京

Day 1
一拎完行李就搭shuttle bus 去地鐵站，之後就搭車去博多
去完酒店check in ，拎埋北九州嘅周遊劵先食嘢，第一餐求其喺博多站中央街食咗個烏冬，正正常常



食飽就去福岡Pokemon centre，福岡呢個當然冇池袋咁大，不過作為fans 點都要去行下，覺得大致上嘅嘢都係差唔多，買咗少少野就走



行過車站見到啲水果糯米糍嘅嘢，張相睇落唔錯就買咗，水果幾好食，不過中間有啲餡唔係幾啱我口味



食相有啲核突


之後去咗天神嘅屋台，行過見冇咩人排隊就食



關東煮蘿蔔幾入味


餃子juice


明太子蔥花玉子燒，好足料


正常金菇


見人哋啲炒麵好正咁，諗住叫返碟，點知叫錯咗拉麵
叉燒一般，但係有勁多塊


Day 1完

快

Day 2 柳川，太宰府

朝早九點幾就出發去柳川，九州嘅鐵路真係好有特色同好靚，會慢慢變咗鐵膠，呢次就搭咗水都出發
六個車廂都代表咗唔同嘅野，每個車廂都有紀念卡，仲有個小展覽


其中一個車廂嘅紀念卡


印埋個印仔，正式成為鐵膠



到達柳川


啱啱去到松月乘船場就走咗班觀光船，唯有喺附近行陣再返去坐

有棵好靚嘅銀杏


啲柚子好新鮮，好想食


行行吓有隻龜行過


紅葉都好靚


終於搭到觀光船，沿途呢個呀叔一路介紹（日文），仲會唱歌，又唱得幾好聽


途經雪糕站，買咗個食



落船之後去咗若松屋食鰻魚飯，鰻魚燒得幾香



食完飯去咗太宰府，呢度間神社個御守好特別，喺皮革咁，不過送咗俾朋友冇影低，下次行過可以望吓


個梅枝餅又幾好食


行完神社就搭車返福岡，咁啱見到聖誕市集，不過入面嘅野都唔啱食又唔啱買


喺博多運河城入面買咗個gelato ，栗子味好好食，超濃郁嘅栗子味


夜晚又食屋台，覺得day1嗰間好食啲



屋台啲野食一般，要食埋宵夜先夠 藏壽司


Day 2完

Day 3
呢日晨咁早7點幾就起身出發去佐賀
首先搭呢架MIDORI 去武雄溫泉，呢架列車有兩邊，一邊係豪斯登堡，一邊係佐世堡。去到武雄溫泉之後就要麻煩朋友揸車去唔同景點，因為度咗好耐都諗唔到點樣去啲地方，最後就選擇揸半日車


行咗個圈就走嘅武雄神社


自駕遊主要目的就係睇大魚神社，點知個天氣…
仲要超大風，好l凍，好快影幾張相就閃


之後去咗附近竹崎海產食海鮮，啲扇貝超好食，好鮮甜仲食咗竹崎蟹，正正常常



下一站去咗佑德稻荷神社，嗰度啲紅葉都幾靚
有個位影紅葉好正，不過冇影到純風景照就唔po 了


跟住去咗有田gallery
呢間cafe 係可以用佢展示嘅杯嗌咗野食之後，佢會俾個牌仔你，上面寫住你要嘅飲品，然後你就可以揀佢展示出嚟嘅杯，拎住個杯連埋牌仔俾店員，佢就會將飲品裝喺隻杯度



所有裝食物嘅用具都好靚



洗手盤都好靚


然後去咗有田瓷器公園，由於趕住還車所以喺出面行咗陣就走，不過覺得有啲伏，咩都冇咁


回程搭咗呢架車返佐賀站


晚餐喺tabelog book 咗華守燒肉，食返餐佐賀牛，啲肉見到都覺得好食，但個套餐跟埋啲不明內藏，我麻麻地內藏


食咗咁多肉要食水果中和返


Day 3完

留名支持

燒肉你地幾多人食？ 個set 係佐賀和牛 11500yen 果個？

好羨慕你地可以係咁起旅行

JR PASS 唔係好貴，酒店住遠啲嘅車站就可以好平，其實唔難

冇假另計

Day 4
呢日又係7點幾起身出發去長崎今次影返張車頭相先，兩邊係唔一樣嘅



是靚早：麥記


喺武雄要再轉車，架車好型


去到長崎首先買咗張路面電車pass ，然後入咗附近商場買衫，之後就開始路面電車遊


首先搭車去食吉宗茶碗蒸，我個人超鍾意食茶碗蒸，平時壽司郎會叫兩個，嚟到長崎緊係要食返個


個茶碗蒸真係好好食，好滑，同碗飯一樣咁大
不過唔使叫埋嗰舊豬肉，冇特別


食完搭車去出島行咗個圈，終於有好天氣


搭車去哥拉巴園，落車之後慢慢行上去，沿路都有好多長崎蛋糕買


上到去啦，睇到長崎嘅日景


睇完落返山出發去原爆資料館，去到就嚟閂門，所以都冇咩人



最後一站去睇長崎夜景，搭纜車之前會經過呢個鳥居，幾有feel


稻佐山夜景
食住長崎蛋糕睇長崎夜景，好凍



之後貪得意搭咗款slope car ，落車發現原來係人自己揸車嚟嘅泊車位，仲乜嘢都冇，又要上返去再搭返纜車走，搞到晚餐都冇時間食，求其食咗間餐廳就趕車走，試唔到長崎嘅鄉土料理



Day 4完

燒肉我哋兩個人食，叫咗豪華嗰個，好似係11500yen
份菜同牛舌就另外加嘅，但啲菜全部都燒燶咗

完咗合約之後就去旅行
諗住去多幾個旅行先再返工

留名

lm

Day 5
呢日又係7點幾起身返到嚟香港都冇試過咁早起身
搭MIDORI 出發去佐世堡



緊係要食鐵道便當


搭咗成兩個鐘車終於到，嚟佐世堡要食漢堡



食飽就搭巴士去九十九島
上網睇錯假日同平日嘅船表，差啲搭唔到，要跑去搭船


上船啦，好彩今日天氣幾好，架船有好多高中生


有圖


完咗之後就食飛魚拉麵，頭先啲便當同漢堡未消化完仲好飽，不過講到名物咁就叫咗一碗兩個人share 食，但係佢話每人要叫樣野，所以加咗杯飲品


湯底都係唔同啲，如果係溏心蛋就好


食完去咗附近嘅水族館行，雖然唔係好大，但係都幾靚，啲大路野都有


可以摸嘅海星


仲有海豚表演，曬到好熱


完咗搭返巴士出去轉地鐵，前往豪斯登堡
真係唔係好啱我行，冇乜野做，叫做去打卡
如果鍾意miffy 嘅人都可以去下




坐完摩天輪，影吓聖誕樹，食埋晚飯就走




喺豪斯登堡見到個樣幾靚買咗嚟試，唔係幾好食


Day 5完

Day 6
呢日終於瞓晏少少，都9點左右出發
去KFC 食返個早餐先，覺得個酥皮湯幾好飲，雞就一般


之後就係本日嘅重點行程！！搭甜點列車離開福岡！
呢架車要預早預約，至於要預早幾多我都唔係好記得，但係啲觀光列車通常都係一個月前book定，可以再check 吓，同埋佢嘅行車路線都會改，我地今次就係由福岡去由布院
參考link ：https://www.jrkyushu-aruressha.jp


架車真係好靚！之後有兩個車務員（唔知叫佢咩好）會出嚟舖紅地墊，check 飛同幫你放好行李




入到車入面，全部都係打卡位
佢嘅座位有開放式同包廂形式，嗰陣好似訂咗位，坐邊就係隨機，我哋就係坐包廂款嘅，有道趟門
拍咗條片影晒成架車，冇逐個位影相，留返你哋自己體驗



呢架列車嘅特色就係會喺車入面食飯，係一個set
佢個餐牌每隔一段時間就會轉，到時可以上網睇吓有咩食，飲品就任飲嘅


啲食物好精緻




中途站，會落去影吓相咁
呢個站好近河童，有啲河童野賣



之後上車食埋個甜品，食完都好飽



去到由布院啦，喺呢度做咗個好錯嘅決定
本身book 咗溫泉旅館，見有時間就諗住自己搬個喼上去，點知路途遙遠又要上斜，早知就放喺站到俾人拎上去。搞到之後行街都好趕急
由布院站有個位專係幫人送啲行李去溫泉旅館，幾錢就唔記得


放好行李又行返去由布院站行溫泉街，天氣又變得好差


叫咗個豐後牛兩個人share食，好正


加咗個一般嘅甜品，啲口感怪怪地


繼續行街


去到金鱗湖已經就嚟天黑，陰天真係好可惜兜個圈就返溫泉旅館



入住嘅旅館叫風の森，一泊兩食仲有私人溫泉
4000千幾蚊港紙



食飽即刻浸溫泉，消除前幾日嘅疲勞



Day 6完

好鍾意九州福岡想去多次

Day 7

第二朝起身，一出去就見到落緊雨，行去對面食早餐



食嘢嘅地方有啲娛樂


成地紅葉


浸多陣溫泉就離開啦，又去咗溫泉街行吓
去到日本都見到古早味蛋糕


買咗隻雞翼食，食完雞翼買咗可樂餅


跟住搭由布院之森去別府啦，出發前喺網上訂咗便當



蛋糕就上車買，不過由由布院去別府係一個鐘車程左右，又食便當又打卡真係唔夠時間，個飯接近倒落口建議唔使食便當



落車嘅時候見到七星號，都係我好想試嘅列車
係過夜列車，不過唔知有冇機會搭，多人book 到要抽籤抽中咗先有得搭


睇返由布院之森歲月嘅痕跡


去到別府就放低行李喺黑貓宅度，之後搭巴士睇啲地獄
我哋淨係去咗海地獄同赤地獄，冇買到佢嘅劵




行完拎返行李，再搭巴士去別府渡輪碼頭
搭sun flower去大阪


佢有啲床位係喺一大間房入面，有唔同人一齊瞓，另外仲有啲主題房。本身想住熊本熊房，不過冇房，所以就住普通房，唔記得咗影房入面嘅環境
有張碌架床，枱仔，電視，洗手盤，至於沖涼去廁所嗰啲就要出返去公眾地方做，有大浴場
有啲貴啲嘅房有獨立廁所同沖涼，可以睇返官網check 邊款房



晚餐食咗船上嘅自助餐：1500yen
刺身都係任食，抵食過九龍灣





由布院買嘅士多啤梨，壓扁咗啲


間房都開到兩個喼執行李
三枝列車酒，樽身都係列車樣，好靚


船上面有張傳單係講唔同時間會經過咩橋，凌晨1兩點嗰陣出咗去睇瀨戶內海嘅大橋，出去嘅時候冇拎電話冇影低，不過真係好靚！

喺船上面其實瞓得唔係幾好，成日紥醒，不過朋友就一覺瞓天光，我諗都係睇人呢次搭郵輪去大阪都係個幾好嘅體驗，下次會再試

Day 7完

去完都覺得九州最正

Lm支持

可能其他地方遊記分享太多，睇親都已去過
但九州仲有好多未發掘到

樓主覺得九十九島值唔值得去
嚟緊去九州諗緊去唔去佐世保

Day 8
朝早6點幾就到大阪，成晚冇瞓過咁


搭地鐵去大阪，酒店門口
呢間酒店每晚十點至十點半都有免費杯麵同雪糕，不過浴室有啲細，仲要有浴缸，出入唔係好方便


喺關西每日嘅行程都好多
第一站，木津市場，冇乜野行
有間舖頭好多香港人排隊，去咗隔離冇人排嘅舖頭食




食完就出發去京都啦，唔知嗰日有咩活動呢呢日都係行吓啲大路景點



第一次紅葉季節嚟


Pokemon 孔蓋專登去嘅


二年坂


紅葉清水寺，真係好多人
天氣變得好快



行完清水寺就去鴨川食壽喜燒，呢間都係預先喺tabelog book 定，揀好套餐之後就上菜，店員會幫你燒，套餐仲有前菜甜品，白飯任添



食完飯去埋千本鳥居，都係好多人，避開人潮影都幾靚



走咗轉京都就返大阪，由大阪去京都有一架特色列車，不過因為計劃好晒行程之後先知有呢架列車，諗咗幾個方法都搭唔到，如果你哋想試都可以參考
車名：Aoniyoshi

去返大阪食pokemon cafe ，呢個又係要預早book





啲野食好靚，唔捨得食



食食吓比卡超會出嚟跳舞，不過坐太後睇得唔清楚


食完緊係要買嘢，有啲商品係cafe 限定，跟住去埋對面行



食飽去大阪team lab 行，親眼睇會靚好多
因為我好夜先去，差唔多閉館前一兩個鐘，所以冇咩人，同埋又係室外，散下步都幾舒服



行完又食唔知呢個行程肥咗幾多，食咗先算，咁大舊芋絲好正！


Day 8完

嚟緊又plan 咗去九州玩，今次去南九州，希望順利飛到，唔好俾人cut咗班機

九十九島都幾靚呀！你鍾意水族館仲可以去埋附近個水族館，冇乜人幾正
不過覺得搭觀光船冇高處望落去咁正，好似有觀景台可以望落去，附近仲有花海，我諗個風景仲靚睇吓你鍾意咩路線，如果plan 到可以兩邊走，睇晒唔同角度都幾正

唔知點解upload 相成日有灰色bar ，有啲相要重新upload 幾次先出返成張圖，所以有啲前菜相就唔放上嚟啦，如果真係好有興趣先再upload

夜晚再出，多謝支持

要自駕先好玩

等巴士太疏