起身搵食 最簡單就係毒丁專用嘅松屋
點餐機買飛睇mon等叫號 就算唔識日文或者毒到唔肯見人都好適合
其實我真係好鍾意飲面豉湯
食完記住拎餐盤去指定地方唔好留喺枱 呢啲連鎖餐廳多數都冇樓面
冇咩特別嘅公園 只係有啲似人中極度等波多野結衣嗰度啫
單車代步好常見 所以有唔少單車場泊車
放上去就會lock前轆 攞車嗰陣就埋去「咪錶」結算
但其實有唔少人會搏大霧輕輕放喺個kick上面扮泊車博泊霸王車或者畀少啲
設施嘅場都好啲 會有食蕉巡
好快就會幫你泊返好
路邊就除咗黑點就未必會成日有警察或者督導員睇住喇
睇地圖見有個嘢叫樂水園 一於睇下咩料先
隔籬係一座住吉神社
神主不思議事件簿個PO度神主有提到 鳥居正中係神明通道 所以不宜停留
見到有人企喺鳥居下面正中影相 果不然係韓國人嚟
大家都注意下喇 影就旁邊或者前面多啲啦
正下方中間睇嚟會於禮不合
睇嚟重有新年參拜氣氛
唔知佢哋係唔係都係去到十五先算淡呢