是咁的
由於好耐冇去旅行 所以打算去福岡玩幾日
未去過福岡唔知有咩去處
大鄉里出城周圍撞下啦唯有
得閒就隨心更新下做緊(做咗)咩
呢個PO會好悶 對唔字喇
當然開得PO就當然已經到咗埗啦
真係見識少 原來福岡機場喺市中心 隔籬不遠就係博多站
令我諗起以前啟德機場
一落機喺國際線大樓 要出去搭shuttle bus去返國的線大樓就有地鐵搭喇
shuttle當然係唔使錢啦
估唔到成6年前喺東京買嘅PASMO重用到(重有餘額)
嘟卡入閘搭地鐵兩個站由福岡機場站去博多站
book咗幾近博多站嘅酒店 出站冇耐就到
可惜我唔係住呢間睇落幾大間嘅酒店
(我唔會話你知我住邊畀就近嘅連登仔起底)
住啲冇咩service要就樣樣加錢嘅
不過勝在地點方便又夠寬敞
今日只係食咗早餐
嗱嗱臨醫肚仔
博多站附近夠晒多嘢食
最後喺西4號出口嘅地庫搵間烏冬嚟食
唔知食咩嘅時候最簡單就揀寫住話係招牌嘅套餐盛惠660
周圍都重有聖誕氣氛嘅
我渣 氣溫8度凍到手僵
唔講住 hea下買啲嘢飲下先