[毒撚出城]半自駕半鐵膠8日南九州之旅

時間唔夠，有Plan過由高千穗揸埋去熊本先還車，但咁就變成我要放棄日向或者熊本市內，咁寧願留返下次深入啲玩晒成個阿蘇

兩個唔同玩法嚟，你問我一定係Why not both

食方面，鍾意食一定係南九州正過名古屋 (宮崎牛、鹿兒島和牛、六白黑豚、鹿兒島地雞)
景方面，睇海就鹿兒島睇山就名古屋
住方面，溫泉旅館我認為名古屋稍勝一籌

最後，邊度有平機票咪去邊度

磁吸同貼紙係2樣唔同產品

打橫係磁石貼喺雪櫃嗰啲，打直係貼紙可以貼喺行李嗰啲

第五日再一次朝早6點起身，應該話成個行程都冇乜邊日唔係6點起身


一朝早就去熊本站搭車，好在揀咗住隔離

求其喺Family Mart買啲嘢做早餐就入去車站，大大隻熊本熊喺車站門口歡迎你

熊本站在來線閘口好低調咁縮咗入去，一唔留心就會錯過

在來線大堂都有熊本熊，不過呢隻就細隻啲坐喺櫈上

熊本站在來線版站牌

第一程車先搭豐肥本線去肥後大津站，呢架係815系電車，由1999年投入服務用到而家

豐肥本線上有個平成站，其他相關年號車站重有島原鐵道同大阪環狀線嘅大正站、鶴見線昭和站等

45分鐘車程去到肥後大津站就落車

我都好奇怪點解唔去完日向後揸車去熊本呢
咁又有下一次再去嘅理由

落車後行過對面月台搭南阿蘇鐵道MT-4000形氣動車，MT-4000形氣動車係南阿蘇鐵道2022年新造列車，對應2023年7月15號全線再通車後直通運轉去到JR豐肥本線肥後大津站

MT-4000形氣動車只係營運咗半年，上車都感覺到列車非常新淨

雖然有JR Pass係可以抵銷肥後大津到立野嘅車費，但當助養JR九州或者南阿蘇鐵道都好，上車後拎返張整理券落車直接俾錢就算

影完相我就直接企喺車頭影相同一陣拍片

豐肥本線其中一個路段啲樹密到好似Love Tunnel咁

十幾分鐘車程就到立野站，過咗立野站就正式進入南阿蘇鐵道高森線

直通運轉嘅列車先會停JR月台，其他南阿蘇鐵道列車就會停前面嘅月台

離開立野站後大家都聚精會神咁睇住窗外風景

喺立野橋望去右邊有立野ダム，立野ダム2018年開始建設2022年完工但未正式啟用
https://youtu.be/VILMQfLvD9Q?si=6msyqYgx8XNS0fta
跟住列車就會經過第一白川橋梁，第一白川橋梁曾經係日本最高鐵道橋，直到後來高千穗鐵道落成啟用就冇咗個頭銜

後來2016年熊本大地震時第一白川橋梁受到嚴重破壞，2021年4月第一代橋梁拆除，2022年中第二代橋梁興建完成，2023年7月15號南阿蘇鐵道全線再開通

南阿蘇鐵道嘅南阿蘇水の生まれる里白水高原站曾經係日本最長站名，但而家已經唔係

由肥後大津站開始計，50分鐘車程已經搭完全程去到總站高森站

我都book咗出年界霧島，不過擺行程最尾嗰晚
折咗真係幾抵住，我book最貴間特別室兩個都係77000，扣埋coupon就67000

高森站自熊本大地震後為復興旅遊業加咗好多設施
，其中一樣就係Franky銅像

另外將MT-3010改成One Piece「サニー号トレイン」，星期四至日會每日行走3個來回


而現時嘅高森站站房都係2023年4月開始使用，新站房內擺滿日本各地漫畫家送贈嘅打氣漫畫

站內亦有另一個One Piece打咭位

現時南阿蘇鐵道逢星期六日會行2個來回嘅小火車「ゆうすげ號」，10日前可以經網上預約 (https://www.mt-torokko.com/)，預約後要開車前到車站拎車飛先作實，而車飛竟然係咁原始嘅形式

網上預約時只可以揀人數唔可以揀座位，每位1500Yen，拎車飛後先見到被安排坐咩座位

拎車飛後重有1個鐘頭就出去行一陣，一出車站見到好得意嘅熊本熊的士

影完熊本熊就由高森站行10分鐘去高森湧水隧道參觀


南阿蘇鐵道高森線原定計劃係國鐵年代時連接高千穗鐵道成為另一條橫斷九州嘅路線，但因為建設高森隧道時湧出大量水令到建設計劃中止，隧道就變成高森湧水隧道而預定嘅新高森站範圍改建成高森湧水隧道公園

好睇

網上寫高森湧水隧道9點開門，但未夠9點都可以入去參觀，入場費300Yen


先有兩塊板介紹高森湧水隧道


高森湧水隧道地下中間有條溪流，兩旁就係行人路


整條隧道長2000米但只有550米公開，中間有2個影相打咭位

行到隧道尾段有高森不可思議影片播放，但我冇時間冇睇到有幾不可思議


再行前就見到水力發電試驗設備

去到盡頭見到水源由1975年到而家仍然不斷湧出，湧出量甚至達到每分鐘32噸

參觀高森湧水隧道大約用咗半個鐘，不過我都算行得幾急而且重有間湧水館未參觀，如果想行晒可能要預多啲時間

哩到幾正喎⋯⋯搞到我心郁郁

離開高森湧水隧道又行返10分鐘返高森站

返到去見到9點40分開嘅ゆうすげ2號已經停咗係月台，車頭同車尾分別由一架DB16型機關車牽引

ゆうすげ號有兩款客車，第1卡係較新嘅TORA200形，亦都係我今日坐嗰卡

第2同第3卡就係較舊嘅トラ700形

TORA200形車廂內係2+3座位配置，中間有張檯面對面咁坐

今次坐嘅2C同2D座位，好在係正面唔需要坐倒頭車

再次經過南阿蘇水の生まれる里白水高原站

ゆうすげ號沿途行駛都比普通列車慢停站亦會較耐，但去到長陽站停車後竟然有兩個忍者跑出嚟，全部乘客都有少少被嚇親
https://youtu.be/GfFm6rc8sw0?si=-xAyP_VqKR2zVav5
然後其中一個忍者重拎啲零食出嚟拋入車

最後停咗幾分鐘玩完先開車走，臨走時忍者同大家揮手拜拜

離開長陽站後ゆうすげ號好慢咁經過第一白川橋梁，今次我都有拍片但效果唔好就唔放出嚟

原定50分鐘車程，10點31分到立野站但最終10點33分先到達

由於我要轉10點37分嘅九州橫斷特急2號，ゆうすげ號遲咗到立野站搞到要快手行去JR月台

非常靚嘅立野站站牌，將阿蘇破火山口嘅景點都畫晒入去

去到JR月台見到九州橫斷特急2號已經到達，用車係キハ185系氣動車，1992年由JR四國賣過嚟JR九州

キハ185系車廂內都係水戶岡銳治所用開嘅木系風格，疫情前九州橫斷特急甚至係JR九州D&S列車其中一員，有乘車紀念證派發


座位就冇特別，都係一貫特急水平

35分鐘車程去到新水前寺站落車轉熊本市電

8日始終唔夠時間，有10日會好好多

有折真係差好遠，至少有空間住靚啲嘅房

唔渣車真係無咩可能去到晒高千穗咁多景點

我今次都係租Passo 踩到130 都唔飄

旅行就是要享受

樓主單人去d住宿都咁正 我北九州一個人都係住apa個d
一個人住好肉痛

你講高森湧水隧道？呢度順路可以參觀，特登去就未必咁值得

live 左
樓主好有心機

我試過踩單車去高千穗峽、高千穗神社、高千穗鐵道同天岩戶神社，踩到我死死吓

至於國見之丘可以搭巴士不過就冇得睇雲海

係宮崎覆緊你

班次疏都係一個問題