[毒撚出城]半自駕半鐵膠8日南九州之旅

行完青島已經過咗下晝5點半，免費停車場都閂咗門，不過都拎得返架車


由青島開車揸半個鐘先返去宮崎站，利用宮崎站前頭20分鐘免費泊車時間入去綠色窗口換JR Pass

今次用JR南九州3日Pass，10月1號加價前喺JR九州官網買，當時只係需要8000Yen，順便拎埋經JR九州網上預約系統用1000Yen預約嘅特急指宿玉手箱號指定席券

換完Pass剛剛好20分鐘內拎返架車，再揸5分鐘去第二晚住嘅宮崎Dormy Inn

預約酒店房間時已經備註會自駕，酒店喺收到確認後立即回覆自駕車輛可以泊酒店旁邊停車場2-4樓，收費900Yen一晚

Dormy Inn質素一如以往咁穩定，房間清潔、Wifi由入酒店門口已經自動連接


Check In完成後就出去宮崎橘通行吓順便睇吓有咩餐廳食晚飯，行過一個水果店買咗一抽香印提子2000Yen，係我今次旅程食過最好味嘅提子

龍蝦，燒蠔
蠔係要自己燒？會唔會爆得好犀利架

行完橘通發覺冇乜餐廳特別吸引，就返去一早Bookmark咗嘅幸加園食宮崎牛

幸加園本身係做宮崎牛批發，後來自己開埋餐廳賣宮崎牛燒肉，宮崎牛曾經連續3年獲得內閣總理大臣獎，係日本最頂級嘅和牛

入座後職員放低個Menu，上面寫住最受香港人歡迎菜單組合，佢哋咁快就知我係香港人

最後就喺呢個最受香港人歡迎菜單組合入面揀咗15000Yen呢個Set

落單後先送上沙律，沙律跟日式芝麻醬幾時都係咁好食

第二樣送到係熱狗腸，本身對佢期望唔大，但食落覺得好好味，唔係平時食嗰啲咁普通

好味指數

跟住有鹽味牛舌，牛舌雖然好食但我都係偏好仙台嗰隻厚切

好味指數



主角之一嘅鹽味牛柳，上菜前已經切好一塊塊，燒嘅時候更容易控制火候，牛柳入口即溶除咗好味唔識用其他形容詞

好味指數



第二個主角就係特上厚切牛扒，選用牛肋肉部分油花更靚更均勻，呢塊牛肉比剛才嘅更好味

好味指數

有兩款有汁嘅肉最尾先上，其中一樣就係上牛五花，肉質非常嫩滑

好味指數

而另一樣就係汁燒薄牛肉，呢一個都好好食但有冇巴打知道係牛邊一個部位

好味指數



好味嘅嘢留返最尾先食，最尾先燒特上厚切牛扒最中心嗰塊肉

食飽後返酒店休息一陣，然後就到酒店頂樓日向之湯浸一陣溫泉

浸完溫泉拎支雪條返房食

不過食完雪條冇落1樓食埋Dormy Inn出名嘅宵夜拉麵，因為餐宮崎牛燒肉實在食到太飽太滿足

間房個景好正下

要自己燒，但佢有教學會教你每邊要燒幾耐，見到出煙就離火攤一陣咁，成個過程唔難而且好好玩，有時間可以叫多啲燒耐啲或者幫襯放題

https://ryousinokakigoya.owst.jp/

但個房價都牙咁痛，住一晚要成80000Yen

第三日行程非常豐富，所以未夠7點就起身執行李Check Out


今次預訂Dormy Inn冇包早餐，早餐就行去橘通搵一間尋晚見到但冇食到嘅鳥冬店

呢間餐廳開朝早6點，而且食個烏冬最平500Yen有找，啱晒一朝早要搵地方食個簡單早餐，可惜個烏冬偏淋身，我都係鍾意有咬口多啲

食完烏冬就返酒店拎行李同拎車，然後開車去高千穗，順帶一提我喺Google Map做資料搜集時話車程只需2小時多啲，但實際上我已經開快咗都要揸2個半鐘

冇咩點揸車當然唔慣連續揸咁耐，第一個休息點揀咗東九州自動車道嘅川南PA，去個廁所伸伸懶腰，抖15分鐘再出發

九州真係好大，由宮崎全程高速公路揸咗個幾鐘頭先到達延岡JCT，然後就喺呢度轉入國道218號

第二個停車點就揀咗國道218號嘅道之駅北方よっちみろ屋，呢度環境冇高速公路PA咁靚，但手信同特產一啲都唔輸蝕

題外話，由延岡出發到高千穗呢段路結合咗國道218號同興建中嘅九州中央自動車道，部分路段有高速公路規格而部分就係山路，幾好揸



去到國道218號日之影段，駕駛者可以轉入2021年8月先通車嘅九州中央自動車道平底交叉點至雲海橋交叉點，不過我就繼續行返舊嘅國道218號，就係為咗影呢條高143米嘅日本一 天翔大橋

(不過回程我都係貪快揸返九州中央自動車道)

係貴,但未去到唔值既

經過2個半鐘頭車程 (未計停車休息)終於到達高千穗，去到高千穗峽想泊車時被職員指示第一同第二駐車場都滿咗，要揸到去第三同第四駐車場


然後去第三駐車場途中見到高千穗峽貸別莊有得課金泊車，決定用錢解決問題，將架車泊係高千穗大橋旁

不過課金唔代表一切，最終都係要行百幾級樓梯由高千穗大橋行落去高千穗峽

由高千穗大橋行到落去神橋，然後進入高千穗峽遊步道邊行邊睇風景

進入遊步道後就會睇到高千穗三段橋，分別係最高最遠國道218號嘅神都高千穂大橋、剛才泊車所在嘅高千穗大橋同最近嘅神橋

睇呢張圖就估到剛才我行咗幾多樓梯由高千穗大橋行去高千穗峽

沿住遊步道行嘅景色非常靚

可惜中間有一段遊步道因為打風爛咗需要改道

行馬路又冇風景睇又危險

急步都要15分鐘先由高千穗大橋行到高千穗峽

好快手影完名勝高千穗峽個石碑後就去乘船場報到

高千穗划船非常受歡迎，為咗確保去到當日有得划船，我喺7日前經高千穗町觀光協會 (https://eipro.jp/takachiho1/terms/view/toppage) 預約好11點嘅時段，星期五六日每隻船要5100Yen，划船時間30分鐘

如果冇預約就要睇當日有冇Walk in位置


報到拎咗號碼牌就落去碼頭等職員通知上船

上船後就開始划船，划到入去高千穗峽入面就見到真名井瀑布

真名井瀑布對出一段水道比較狹窄，通過咗瀑布後就可以影返瀑布同御橋合照

愈划得入就愈少艇係附近，可以慢慢享受係船上嘅時間

由船上望返展望台上面影相嘅遊客

划返去真名井瀑布附近停喺度慢慢影相，途中重幫隔離船嘅遊客同真名井瀑布影合照

差唔多夠鐘就划返去碼頭落船，30分鐘時間好快就過

划完船返到御橋，喺橋上望返下面高千穗峽划船嘅人，呢個角度就睇到啲船塞晒喺真名井瀑布附近嘅水道

剛才喺船上睇完真名井瀑布，而家就行去展望台由陸地上睇多次

喺岸上望出去高千穗峽同真名井瀑布

喺高千穗峽划完船同影完相，逗留咗大約2個鐘頭就行返去高千穗大橋走人

返到高千穗大橋後開始覺得肚餓，原本計劃係揸車到高千穗牛燒肉和午餐，但見到高千穗峽貸別莊旁邊有間炭火燒肉ジパング，而且個Menu都幾吸引就決定係度食埋晏先拎車離開

話明炭火燒肉，入座落單後職員就捧上一盤炭爐，旁邊嘅冰係炭爐著火時熄火用

我揀食極上宮崎牛定食，有沙律、湯、白飯同7塊宮崎牛


雖然冇特別寫明係咩部位或者咩等級，但食落好味就已經夠，2500Yen有咁嘅水準絕對係超值

係嘅，如果唔值就唔止牙痛，直頭肉赤

人一世物一世，陣中豪下無所謂
最緊要值

食飽後直接揸車去高千穗神社，高千穗神社鳥居旁邊就有個參拜者停車場，非常方便


經過鳥居入到神社內，再行上樓梯就到達本殿，高千穗神社有1900年歷史，係高千穗十八鄉八十八社嘅總社

高千穗神社神樂殿每晚8點都有夜神樂表，如果住係高千穗地區可以晚飯後嚟欣賞


高千穗神社內有唔少珍貴樹木，其中呢一棵巨樹百選係有800年樹齡嘅秩父杉


另外一棵 (定應該話係兩棵?) 就係同一樹根生出嚟但有兩枝樹幹嘅夫婦杉

高千穗神社範圍不大，逗留15-20分鐘已經參拜完整個神社

年頭去高千穗冇得玩船真係好可惜
但好靚好值得去
同埋小火車我覺得都值得坐

離開高千穗神社就到另一個我喺高千穗非常鍾意嘅景點，高千穗鐵道　
落樓梯後就見到高千穗鐵道高千穗站


入到站內第一時間買車飛，買到最快出發嘅2點20分班次，1800Yen搭30分鐘

至於站內白板上嘅金額係舊高千穗鐵道嘅車費，並不是而家觀光鐵道嘅收費

高千穗鐵道原本係宮崎縣內一間第三部門鐵道，有火車連接高千穗同延岡，但2005年一場颱風損毀咗高千穗鐵道大部分路段，最終無力修復而倒閉

車站仍然見到舊高千穗鐵道時刻表，時刻表都會顯示埋列車去到延岡後可接駁嘅JR九州列車時間

行出站房後見到路軌同月台，重有遠處嘅車庫

剛剛想行去月台影相就見到上一班小火車回程

高千穗站站牌，上面分別印有夜神樂、國見之丘同高千穗峽3個高千穗景點

高千穗小火車，由前後兩個車頭同中間兩個車廂組成，比起我2017年嚟嘅時候增加咗1個車廂

車中間有玻璃地板，去到高千穗鐵橋時可以透過玻璃望到橋下

小火車去到天岩戶站會停一停，用日文講完小火車上鐵橋嘅注意事項後，小火車就經過鐵欄去到全日本最高嘅鐵路橋

https://youtu.be/d8ivUATK3xM?si=QnkasCGE5QtP4jbx
去程時拍咗一條縮時影片記錄沿途風景

https://youtu.be/KYB9c9fLynY?si=SkOwI-UHqr2DOm9Y
小火車由天岩戶站開始行駛到高千穗鐵橋

冇追到post，好奇樓主租咩車自駕？

小火車去到高千穗鐵橋中間停低後，大家就可以企起身影相　

影下鐵橋兩邊風景

伸出少少影一影高千穗鐵橋，真係好高

https://youtu.be/0cFn5feWsNo?si=O74tdO3JviOLSsat
大家影相影到夠晒，司機會將小火車開到盡頭嘅隧道口，然後先返去高千穗站

天岩戶站站牌

返到高千穗站落車後參觀埋車庫


現時高千穗鐵道仍然有保留嘅列車得返呢兩架，TR101同TR202

其他列車好似TR201轉讓咗去四國嘅阿佐海岸鐵道；兩部TR400系氣動車就賣咗去JR九州改成キハ125-401同402，特急海幸山幸觀光列車

做咩冇得玩船

我見好多人去高千穗冇玩船都係冇預約玩唔到

睇返相應該係Toyota Passo 2017

利申唔太熟車

lm

https://m.youtube.com/watch?v=9F-0vg8aZgw&pp=ygUJ5b635LmL5bO2

有得睇鬥牛
無乜遊客可以chill住周圍兜