[毒撚出城]半自駕半鐵膠8日南九州之旅

好

不過都可以另外出post專講今次冲繩見学報告

到時再支持

謝謝網上行師兄

肥薩線有個致命傷就係佢幾乎無通勤作用
得返旅遊既價值
無地方自治體既壓力JR九州緊係放軟手腳

網上行巴打個行程超級豐富
自駕真係慳唔少時間
有啲食店/住宿bookmark 左佢先

當年自己個行程有啲景點同大大差唔多
但就好可憐要倚賴交通工具

南九好多地方要靠巴士但鄉下地方啲巴士唔係俾遊客用
一日最多2-3個目的地已經好盡
好多時仲要靠步行
計行程計到頭大
當年去完西大山打完卡就沿住農田行廿分鐘去村口坐巴士去長崎鼻

高森除咗想坐鐵外就係想去那座 上色見熊野座神社，大大反而無去

對宮崎縣北部（高千穗、日向）嚟講一定係，但宮崎縣真係好大，南部（宮崎市、日南）應該受惠唔到

一架車行3個來回為止3對，唔係3架車

老實講九洲玩觀光列車都勁，好多地方比佢玩到變熱點，啲火車又靚，要serve普通人又得，serve鐵膠又可以

我覺得雙星就好例子明明有新幹線，都可以吸引到你坐黎慢慢碌，碌完仲想下次去下佢其他地方

沖繩飛得3日太短，喺度出埋算啦

南九州如果唔自駕玩會唔會搭車好辛苦

JR九州本業唔係做鐵路運輸，係地產兼旅行社

最慘人吉本身唔係旅遊熱門地，景點旅館餐廳都唔多，就算得返自駕遊客對佢地影響都唔大

有諗過熊本去人吉即日來回
但熊本巴士而家都只去到人吉IC唔入市中心呢點比較大問題車程太耐
由鹿兒島機場去人吉反而仲近

我2017年第一次去都係靠巴士，當時宮崎日南同指宿都易Plan好多，而家唔自駕一係行到斷腳一係選擇唔去

我去高森只係為搭南阿蘇鐵道，整個阿蘇地區留返下次一齊玩

時間鬆動就唔辛苦，好似宮崎日南分2日去慢慢玩其實好舒服，但好似我咁8日去咁多景點就唔得

而家去人吉搭車時間耐過玩嘅時間

開始講番外篇，順便推一推Post

喺10月中去完南九州之後，11月頭快閃咗3日沖繩，一嚟早前香港航空飛遇世界鉅賞買到沖繩機票包20KG行李只係685蚊，二嚟日本47個都道府縣我只係差沖繩縣完全未踏足過 (福井、鳥取未玩過但搭車有經過，下年3月去埋鳥取就差福井未玩過)，兩個因素之下造就今次沖繩旅行

由於今次只係番外篇，唔會好似以往咁詳細由機場開始、每樣交通工具搭到邊個站都圖文並茂，希望大家喜歡呢個新形式

一落機喺那霸機場已經見到沖繩縣同Pokemon嘅影相佈景板，Pokemon喺沖繩縣不同地方都有Crossover，喜歡Pokemon嘅旅客絕對唔可以錯過

由那霸機場國際線大樓經過國內線大樓，大約行10至15分鐘先去到那霸空港站

早前去過佐世保站影咗JR日本最西端車站，但真正日本最西端車站係沖繩單軌電車嘅那霸空港站

沖繩單軌電車單程車費由230至370Yen，亦都有1日或2日乘車券賣，分別800同1400Yen可以由買飛一刻起用足24或48小時，對於快閃3日行程買張2日乘車券就非常適合

沖繩單軌電車大部分路段都係高架橋，不論喺車站定車內睇風景都一流
.
另外，沖繩單軌電車2003年開業時使用2卡列車運行，但由2023年8月開始沖繩單軌電車會有3卡列車加入，搭車前記得望清楚下一班車係2卡列車定3卡列車，以免喺月台企錯位置 (我一開始冇留意企咗喺3卡列車位置，差啲坐唔到展望席)

https://youtu.be/dINMucZ1a-8?si=VRsncnBt40Uy6ZLN
身為鐵膠當然係等下一班車坐車頭展望席，拍攝由日本最西端車站那霸空港站到日本最南端車站赤嶺站嘅縮時影片

番外篇lm

本身見到11月3至5號係日本三連休有少少擔心會非常多旅客有影響，但反而撞正沖繩舉辦首里城復興祭
\

離開沖繩單軌電車首里站去到鳥堀交差點已經見到非常熱鬧，整條龍潭通封閉作為復興祭場地

龍潭通上除咗有當地居民表演 (定係祭典儀式?)，亦都有好多路邊檔攤


今次去沖繩有幾個景點我一定要去，守禮門就係其中一個

日本有非常多三大，三大名城、三大和牛、三大溫泉等等，而守禮門就同高知播磨屋橋、札幌時計台並列日本三大失望景點，我喺2017年同2022年分別去過後兩者，今次去埋守禮門就集齊日本三大失望景點.

去齊三大失望景點，有冇真係失望到？

沿住順路參觀首里城會經過好多城門，穿過牌坊形式嘅守禮門後就係第一個真正嘅城門 - 歡會門

轉右上樓梯就係第二個城門 - 瑞泉門

第三個城門 - 漏刻門

剛才三個城門之間都冇乜特別嘢睇，但過咗漏刻門後有個展望台望出去風景好靚，整個首里市區一覽無遺，最重要係行去呢個位置唔需要入場費


影完相就穿過埋廣福門進入下之御庭，呢度有座建築物保存住正殿前被火災燒過嘅大龍柱，幸好大龍柱係細砂岩製成，經過大火後仍然屹立不倒但都要進行修補

行完下之御庭後想繼續參觀就要課金俾入場費，原價400Yen但有沖繩單軌電車1日或2日乘車券有8折優惠，只需要320Yen

奉神門後就係收費區域，奉神門喺2019年火災都有部分位置被焚毀，但已經修復好

奉神門前有個舊收費區域案內圖，火災前嘅收費區域係一大片御庭望住正殿

2019年火災就將當中嘅正殿、北殿、南殿等8庭建築物燒晒

而家入到收費區域就見到御庭變成木材倉庫，為重建正殿提供作業空間，木材倉庫嘅牆上就畫返當年御庭內嘅景色


沿住順路去到被燒毀嘅北殿位置，呢個位變成另一個展望台望出去首里市區，日落時份喺度影相非常之靚

咁快又開新
寫完鹿兒島好似先幾日

想問下巴打鹿兒島返嚟，UO check 手提行李嚴唔嚴？我嚟都去，一個人，諗住hand carry個袋，但應該8-9kg

咁樓主係咪喺單軌電車站寄存咗行李，冇去酒店check-in 先？