[多圖多字] 獨遊4日名古屋、高山之旅

正 有得睇揸波

我通常經過風月地段都係會急急腳dup低頭行就算
有人jer住就講英文就算，唔少日本人聽到英文都會卻步

Day 4

朝早起身食完早餐
第一件事要做嘅就係將本身10點落名古屋個班巴士cancel ，改11點落岐阜
點解?

因為今日個天好靚


我寧願犧牲自己係名古屋個半鐘shopping改留係高山多一陣

《宮川朝市》

黎到高山，一定要黎「高山朝市」


「宮川朝市」係日本3大朝市之一，由江戶時代一路延續到而家
4-11月會係7點開始，12-3月就會8點開始，去到中午左右就收檔

琴日都行左陣，不過費事東一忽西一忽，我擺曬係呢個環節一次過分享

「宮川朝市」係依住宮川擺檔
再加埋本身固定嘅商店就形成一個市集/商店街咁


朝市會有好多飾物、花卉檔



生果舖、調味料檔當然都唔少得


固定鋪頭就選擇會更多



幾檔賣味增鋪頭，順便試飲湯


好多小食店都好多人排隊，好似有炸雞、章魚燒、咖啡都有



有間賣呢款叫Tamaten嘅甜品好特別，￥130


係用蛋白同砂糖做成，口感好似梳芙厘，好綿
但係超級無敵甜


呢間咖啡檔特別介紹


因為個杯係特別用曲奇餅皮造，裏面塗上一層糖霜
令到咖啡唔會快速滲透入曲奇杯，又會令咖啡/餅皮添上甜味


不過呢間唔係所有飲品都係用曲奇杯
只有細杯裝Espresso / Caffe Macchiato先可以
而Caffe Macchiato更加會幫你拉下花添




我就叫左杯Espresso
見到2隻杯唔好誤會，隔離隻杯係其他人


好chill啊


店主吩咐，Espresso飲到一半就要停，過去叫店主幫你加cream


Espresso少少微酸同苦，不過就唔算太濃
對於我呢啲少飲咖啡就相對容易入口，但如果飲開咖啡應該會覺得淡
加左cream就令咖啡甜味更重，配合埋餅皮食就更豐富

我反而鐘意向下嘅伊勢

請問如果想去白川鄉、金澤、高山、新穗高
應該住兩日高山兩日金澤定全部住晒高山好啲？
金澤返名古屋係咪車程太長 要落返高山分開兩日搭好啲？

真心 名古屋CROOM 呢間酒店真心推介，性價比都高
久屋大通站 （4 號出口）一上就係，同埋最正係樓下就有間7 仔，夜晚肚仔餓都可以補給

今日開番第二段

11月尾去靚唔靚？定係早啲返名古屋行吓算

剛剛我就係逗留晌高山 三日兩夜
而金沢就逗留兩日一夜

個人覺得留晌高山就舒服 ge , 人唔多，加上你又去新穗高，白川鄉呢啲景點，高山濃飛巴士中心就有齊要去呢啲巴士劵，所以都方便。

至於金澤，其實最主要去近江町市場（入到去食到你唔想返出黎），不過附近都有金澤城，兼六園呢啲景點。

另外金澤返名古屋，睇下你坐乜
我坐JR 白鷺號，由金澤返名古屋，足3 個鐘車程。但就一程過，唔洗轉車。

我估應該都靚。

難得去到高山，留兩三日都唔錯

金澤直接搭返名古屋pass唔包
我嗰陣去金澤用pass係要搭去富山轉新幹線

都係 ge
如果唔係，就要由金澤落番富山
再由富山坐飛驒號返名古屋 （呢個就 JR pass 包）
不過車程就4 個鐘
等於香港飛去東京機程

請問金澤一日夠唔夠玩？如果夠好似住晒高山方便啲
諗住買五日pass,係咪巴士好過jr? 好似巴士先包新穗高？巴士係咪好多要預先卜？好似複雜過jr，第一次去驚巴士冇位同易miss班次
因為買pass所以唔考慮另外俾錢搭jr金澤直去名古屋嗰程

3件飛驒牛手握壽司賣相唔錯

白川鄉 新穗高 住高山比較方便
巴士的話金澤返(4h15m)同高山返(2h35m)名古屋大概都爭1個半鐘

我自己唔搭得車就覺得4hr真係好耐

會唔會可以
Day 1 高山(住高山) --> Day 2 新穗高 (住高山/黃昏前返高山夜晚過金澤) --> Day 3 金澤 (住金澤) --> Day 4 白川鄉 (落名古屋)

講真的，金澤野食 e.g.壽司拉麵燒肉選擇都真係多好多

個3件係真係要食 好正
夠油份軟淋但又有肉味唔腥

呢個真係要早啲去，我嗰日兩點已經賣晒

飲飲下先醒起已經遲左！！！
即刻9秒9衝去神社



一去到表參道已經係呢個場面


御巡幸已經開始左
好彩我生得矮，左穿右插就揾到個位
一大班人員穿上傳統服飾開始巡遊





同一刻時間屋台曳き揃え亦都接住開始
我都移動到去神社門口

11個屋台會係四方八面入黎表參道



第一架映入我眼簾係神樂台
神樂台係我覺得外觀最特別最華麗
上面坐住幾個樂手吹簫



之後出場就係鳳凰台
真係車如其名，上面有隻鳳凰



之後其他屋台都陸陸續續被拉到表參道


再拖曳到特定位置
男男女女都有，好熱血



全世界就係望住屋台各就各位



當所有屋台都到位，場面就好墟冚
所有人都係近距離去觀賞屋台





神樂台
雖然比較矮，但頭頂個鳳凰同鼓係超奪人眼球


金鳳台
上面坐住2個人偶公仔



鳩峯台
係歷史最悠久嘅屋台



寶珠台
寶珠台特色竟然係花，我之前以為會係珍珠/首飾圖樣



行神台
一樣有人偶係上面，而呢個人偶係拜祭神靈
車身雕刻左好多圖案，好似龍/門神之類，非常精緻





大八台
想對比較簡單樸素，無非常華麗嘅裝飾
但最重點係個輪，係同皇室用車同規格直徑1.56米



神馬台
個名叫得馬，就緊係有人偶同神嘅坐騎馬偶係上面
匹馬真係都幾似真




鳳凰台
係所有屋台中最多金具裝飾，背後亦都有一幅鳳凰刺綉圖
而兩側都有谷越獅子浮雕





豐明台
個名係取自應神天皇皇居-豐明宮
浮木雕刻圍繞全架車




仙人台
上面個人偶真係一個仙人...好搞笑


最後我係漏左最多機關嘅布袋台無影到

叔叔我不行了


11點就要走，唯有望多兩眼




跟住巡遊行左一陣



喂呀...點解我一走就出曬太陽架




老街都無乜人

上展望台尾班車係3:40
行落去展望台巴士站你預2個字啦

行李寄存個間屋仔我記得係收5點咋
不過我個日晏晝2-3點走個陣見locker都開始有吉位

唔洗

味藏530先拎飛好大機會冇得食

真就算有得食都可能好夜