[多圖多字] 獨遊4日名古屋、高山之旅

幾年前冬天去都係住呢間, 其實舊舊地都幾有風味
冇窗嗰兩個溫泉真係凍到鳩縮, 望到街景係幾正

呢啲時間行出去, 除咗便利店, 都唔有嘢食, 仲要無料

唔係淨係東海道新幹線擺行李先要預約咩？

間酒店最主要係間房太舊，其他配套我覺得係幾好
某程度上都係物超所值

新穗高纜車值唔值得去？

呢間酒店樓下就… 呢間的確唔錯，幾新同乾淨。

我之前都係12月中去新穗高, 部電話凍到開唔到

閑逛 +《高山老街》

食完個飯出黎已經停雨
但由於天雨路滑，高山祭下午所有環節都已經宣佈取消


不過主辦單位都仍然係櫻山八幡宮安排少量安全表演項目





行返去今朝鳳凰台個位置，見鳳凰台已經推左出黎
人山人海...cls
好彩我今朝已經影左相



而家主要都係等4點鐘公佈會否取消夜晚宵祭

趁呢個時間點就行下高山老街同附近周邊

救命啊...好多人



所謂高山老街其實係由上町同下町所組成
但基本上大家都係圍繞上一之町、上二之町同上三之町行

之前有介紹好多屋台都匿埋左係民居當中
而大部分都集中係高山老街裏面

寶珠台


鳩峯車


仙人台


剩低靠大家自己揾啦

部分巡遊路線已經掛上燈籠，當夜晚點亮個陣場面應該好靚



所謂老街要靚，最重要係3個元素
1. 人流唔好多 2. 天色要靚 3. 建築物要配合

今日首先好明顯天公不造美，其次人多到爆



高山老街真係好多酒廠，比你地班酒鬼入去用少少錢就可以試酒

例如好似呢間，就可以比￥450租隻杯任試店内擺係雪櫃嘅Sake




又好似呢間




好似我呢啲滴酒不沾，就可以去釀味增鋪試飲湯同味增醬


人少個陣就真係要快快手影多幾幅相





老街仍然保留住好多「出格子」建築，亦即係「KIMUSUKO/木蟲籠」建築風格



我又食五平餅啦
真係超中意呢種軟軟糯糯野


高山老街有好多小店都好值得大家入去兜個圈
好多飾品店、手信店、小食店




係「こって牛」買返個飛驒牛手握壽司食下先



￥1000有3件唔同款，生薑、鹽味、蛋黃卷物



3件都好好食，油份又多，肉質又軟淰
黎高山真係要食

「こって牛」都有另一間賣飛驒牛手握壽司，都係一樣排曬隊


如果少人個陣高山老街真係好有風味




至少如果好天，成個景都唔同啦




高山祭主辦方係4:30pm正式宣佈
由於天雨路滑+偶有毛毛雨，夜晚宵祭取消
即係我今次旅程最大重點就咁無左

所以就去民居個邊行下，再行下超市、藥妝店

玩昇龍道係咪唔渣車都算方便？

新幹線先要，行經嘅Hida唔使

明白
thx bro

冇咗第二段喎

高山如果齊左樓主講嘅三個條件真係好正，好舒服嗰日差啲飲醉酒

佢當初推廣昇龍道就係想等啲冇得揸車嘅人可以更加方便玩中部地區
如果你係去好大路嘅景點，巴士完全冇問題

睇餐廳啦，多遊客嗰啲大部分都冇問題
有啲較受歡迎預約制嘅/真係好local嘅都係可能唔俾1個入嘅

高山都幾岩hea玩一日 酒店又平夜晚又有溫泉浸下

夜晚如果行小路，真係黑媽媽
好有孤寂感


一去返大街就即刻另一種感覺


夜晚我就係「寿々や」同對面嘅「みかど」二選一
兩間我都bookmark左



最後我都係揀左「寿々や」

裏面都係和式風格，唔知點解異常地多鬼佬...


呢間我會形容都係和式家庭餐廳
賣嘅野都比較簡單，主要就係以下四個set


我就叫左個Sukiyaki (￥3900)，另外加杯橙汁

擺好陣勢


之後就會有職員過黎幫你搞



比大家望下碟飛驒牛


肉嘅部位無得選擇，但我目測應該係肩膊位
呢個位一向都係油花少，肉質普通，直接講就係渣嘅肉
不過￥4000有找又有人服侍，我就收貨嘅


店員只會幫你煮第一塊肉，其他肉就要靠自己啦



壽喜燒汁我覺得係做得ok，鹹甜比例平衡
豆腐我都覺得好食，就算裹上壽喜燒汁都仍然食到豆味

雖然我上面彈最重點嘅肉，但呢間餐廳氣氛係非常之好
店員都會好主動用好少量英文同你吹兩句
聽到我講幾個日文已經滔滔不絕讚我日文好，bababa咁同我講日文，然後我就死狗同佢我聽唔明，只係識少少

高山市内本身都有唔少呢類和式家庭餐廳
餐牌都幾乎一模一樣，就算另一間「みかど」都係
質素當然唔能夠要求太高，但氣氛真係搭救到

想問樓主一個女仔想住榮個圈，應該住邊間好？ 見你話有啲地方比較雜

高山仲有咩推介見啲youtube 只係推高山老街多

住近大街/車站/Donki附近會好啲
雖然有啲雜，但唔會真係滋擾旅客嘅 (醉酒除外啦)

高山有個飛驒民族村，裏面有合拿村，秋天有紅葉都幾靚
遠少少都有個光ミュージアム，係個博物館，外觀好似埃及啲建築咁
搭2個站JR去飛驒古川可以去電影你的名字嘅場面打卡，個邊都有條老街，規模細好多但好少人

Shopping就冇乜㗎啦，得ABC-Mart Uniqlo

我見個頭有兩間Donki, 請問師兄講緊邊間donki？

啲mk會同你講一大抽日文 但又聽唔明佢地講咩
有次撞到個地雷妹 剩係聽明咩揸波 之後自己揸咗吓自己

2邊Donki之間其實都ok
係近榮町站個donki再對上d小路先開始雜