[多圖多字] 獨遊4日名古屋、高山之旅

今晚！
日頭要做社畜

我諗住等25年瀨戶內海藝術節再去

《山本屋本店》

芸芸眾多麵類，我最鍾意就係烏冬

名古屋有幾間烏冬店評分都ok，我就選擇左評分最高係榮區嘅《手打うどん 錦》烏冬
點知一去到發現無開


唯有轉陣去連鎖品牌「山本屋本店」


大家要記住「山本屋本店」同「山本屋總本家」係完全兩間鋪頭，完全無關係嘅
不過兩間都係名古屋家傳戶曉，分店遍佈名古屋

榮分店座位唔多，所以都等左陣先入到去


我就叫左一款交趾雞烏冬

烏冬送到個陣係用砂鍋呈上
溫馨提示記得要焗一陣先好食，烏冬上菜個當刻仲仍然太硬，要透過熱力再焗一焗


打開之後就係呢個樣
有幾舊雞肉、少量大葱、生雞蛋


湯底係屬於濃厚派熟成期長嘅赤味增(紅味增)
赤味增熬出黎湯係會呈深啡/暗紅色，口味相對濃郁好多
我唔建議大家直接飲用，味道係非常非常鹹


「山本屋本店」烏冬一大特色係手打粗身烏冬，煮出黎口感相對偏硬
會有錯覺係問烏冬係咪熟架？
所以我先會建議大家焗一焗先，等烏冬變稍為軟少少，否則我相信無乜幾個香港人係食得慣

雞肉分量真係好少，完全係眾裏尋牠
而且我真係食唔出有咩特別


雖然已經溝左生雞蛋，但真係越食越鹹
我都擔心自己會唔會要洗腎

衝衝忙忙食完就要即刻趕去下一個地方

間嘢都唔知係咪執鳩咗
我三月嗰陣 夜晚同中午去都冇開

我同日夜晚經過有開
比google呃左我 寫話分中午/夜晚開

嗰頭深夜仲要好雜下
有啲淆底本身勁期待食個靚宵夜

樓豬唔使扮 肯定有去叫雞

個頭夜晚係比較多夜總會俱樂部，近大街donki個頭會好少少
我夜晚落去買雞翼食都瘋狂比人撩我幫襯

緊係有叫雞！雞翼咁出名點可以唔叫

世界之山好難食
風來坊好食好多

《吉卜力樂園》- 吉卜力大倉庫

「愛・地球博記念公園」係2022年11月正式改建成為「吉卜力樂園」
係全日本第2個吉卜力主題嘅場所


係2022年11月第一期已經正式開幕，當中包括：
以電影各種場景簡介為主題「吉卜力大倉庫」
大龍貓與參觀皋月和梅的家「DONDOKO之森」
展示哈爾移動城堡同夢幻街少女建築風格「青春之丘」

2023年11月即將展開第二期，亦都係展示幽靈公主綠油油草地「魔法故鄉」

剩餘第三期就會係2024年3月16日開放，同大家重現係吉卜力電影中眾多歐洲風格建築嘅「魔女之谷」

我細細個就睇吉卜力電影長大，當我一確定會去名古屋就已經將目標鎖定「吉卜力樂園」

如果你本身有日本電話號碼，就可以直接經官網進入日本購票網站
https://l-tike.com/bw-ticket/ghibli/ghibli-park/
容易買好多好多好多！預留門票真係多好多！
而且電話號碼唔一定係你本人，純粹係做驗證之用

但如果你好似我咁純海外人士，就需要參觀月份3個月前嘅10號1pm(香港時間)進入海外購票網站
例如想2月去，就必須要係11月10號下午1點進入系統
https://ghibli-park.jp/en/ticket/ticketb-nov.html
但門票數量真係少好多，尤其容納人數極少嘅「DONDOKO之森」 & 「青春之丘」
「DONDOKO之森」：11:00 / 15:00
「青春之丘」：11:00 / 15:00
「吉卜力大倉庫 & 魔法故鄉」：12:00 / 14:00

Tips就係先搶「青春之丘」同「DONDOKO之森」
因為真係無咩quota…而且極難搶
我當時準時入system，就好似大家搶機票咁n世先入到去，研究左一陣已經乜都無曬
而「大倉庫」門票好多，所以完全唔洗擔心

但最後去到「大倉庫」我已經好開心，其他留返下次再去！

要去「吉卜力樂園」最多人搭應該都係搭鐵去「愛·地球博紀念公園站」
搭地鐵去「藤が丘站」再轉私鐵入去
(其實名鐵巴士總站都有巴士直接去到架)

轉眼間就到左「吉卜力樂園」門口啦


話就話「吉卜力樂園」，但其實內裏都保留左好多原先「愛·地球博紀念公園」設施
都係一個非常悠閑舒適嘅公園

配合公園設計，觀光案内所同Lawson外觀都係有一番設計



認唔認得隻紳士貓!?
係貓之報恩裏面貓公爵啊!!
就係樂園門口歡迎大家


要去「大倉庫」就要搭呢個升降機落去下面公園



呢個升降機都唔係等閑之輩
係以「天空之城」同「哈爾移動城堡」嘅世界觀而設計，好有個種19世紀超現實感覺


燈柱都有圖案架

山本屋真係好撚咸

識食一定食親子丼

味噌烏冬真係搞唔掂

反而味蹭豬排我好中意 成個名古屋最掛住就係矢場

呢間嘢完全唔好食…

細細個就睇樓主日本遊記

自問已經係咸蟲都頂唔順

講呢啲...我青春少艾 18歲卜卜脆

繼續向前邁進


「大倉庫」入口就係山寨版羅浮宮隔離



入場會派1張小卡比你，唔好整唔見



入場後已經見到「化身吉卜力動畫人物名場面展」（ジブリのなりきり名場面展）超長人龍，跟住排隊先


點解要排長龍主要係所有人都好想同無面男影相
完全就係當年睇「千與千尋」
千尋為左救白龍而同無面男+老鼠+雀仔一齊搭火車去揾錢婆婆個場景



見到同「千與千尋」有關嘅我真係超high
細個有一年暑假幾乎每日都係度睇千與千尋，係我最愛嘅吉卜力電影
(有無人同我一樣都係吉卜力迷呢你地最愛又係邊套)

呢個可能無乜人有印象
其實就係千尋搭火車上面個查票員


之後再行入去會係唔同場景



同「飛天紅豬俠」一齊合照！


「風之谷」裏面娜烏西卡英勇場面


扮下「幽靈公主」雙手托山獸神頭啦


再唔係就抱住「天空之城」裏面從天而降嘅希達，一嘗做主角巴魯嘅滋味



好多套吉卜力我都好鍾意，但唯獨「崖上的波兒」我真係麻麻地


仲有好多佈景板比大家打卡，好似「百變貍貓」、「回憶中的瑪妮」、「輝夜姬物語」等，total有成14個架

冰菓

有冇人好中意狸貓 嘉鈴偉仔

我覺得好有意義

行完出返黎再周圍兜圈行下
會完全感受到自己真係置身係吉卜力個種超現實夢境世界咁
所有建築你都係吉卜力電影裏面會見過





湯婆婆嘅館長室
不過呢日唔俾人進入


遠距離就係「天空之城」機器人兵，下面就係「借東西的小矮人亞莉亞蒂」小人世界


我超推介大家唔可以錯過小人世界，仿照度超高，細節位好多
你真係會覺得自己就係亞莉亞蒂
但真係想打自己…我居然掛住睇唔記得影相

「企劃展示室」入面係展覽為主


第一節係「美食繪展」，主要展出同飲食有關嘅各電影場景
例如還原裏面出現過嘅食物、廚房環境、參考過咩料理食譜等等
好似千尋老豆老母食嘅野、「魔女宅急便」嘅蛋糕
不過留意呢個展覽係不准拍攝

第二節係「ジブリがいっぱい展」，主要將咁多年電影海報展出
會見到吉卜力電影真係有超多譯本，係世界上有幾出名




真係好似一個博物館咁





呢個icon真係標志性


裏面有龍貓，好可愛
坐下龍椅，又有貓巴士



記唔記得我叫大家唔好整唔見入場時派個張飛仔
因為憑飛可以去「影像展示廳獵戶座」欣賞一套短篇吉卜力動畫
一共10套會輪流播放，睇大家彩數



如果大家同我一樣都係吉卜力迷，我建議選擇上午11點個環節黎
因為齋一個「大倉庫」已經夠行好耐

唉 超唔捨得走啊
只可惜夜晚約左朋友

Lm

lm