[多圖多字] 獨遊4日名古屋、高山之旅

呢間連登酒店
八月去3xx 一晚 一個人瞓雙人床

快d出文 好期待

我3月去都係 包埋早餐

所以食燒肉配個飯岩岩好 咁肥既和牛真係岩share食多d

不過味藏真係幾抵食又好味 唔識煮野食亂咁燒已經好正

早排都住左晚 幾抵屌 間房是是正正又有溫泉浸下 地點又方便先$3xx

同埋個vibe又有d打卡feel

但間房入面其實好舊

同埋要一入酒店就除鞋+有床褥冇床

食左3碟肉+細飯 飽到仆街

嘩 3碟肉...飽到漲曬都似

Day 3

一朝起身打開窗
見到落雨已經心知不妙


事關今日係高山祭第一日，如果撞正落雨係會視乎天氣逐步取消活動
不過民以食為天，點都去食左早餐先

早餐都算豐富，仲有呢個飛驒牛丼同煎豆腐



《秋之高山祭〈八幡祭〉》


之前都有同大家簡單介紹過
「高山祭」係日本三大祭之一，亦都同時分成春/秋之高山祭
無論春定秋，都吸引非常多旅客前去參加
而春之高山祭就更犀利，有時會撞正櫻花期

每年嘅秋之高山祭都係10月9-10日舉行
分開左幾個活動：
御巡幸
- 9號1PM – 3:30PM / 10號8:30AM – 4:30PM係櫻山八幡宮出發
- 幾百個身穿日本傳統正裝服飾嘅人員組成遊行隊伍，圍繞祭典區域遊行
屋台曳き揃え(屋台花車展示)
- 連續2日9AM會有11座祭典屋台會列隊排係櫻山八幡宮表參道供大家觀賞
屋台花車巡遊
- 9號下午會有其中4座祭典屋台遊街示眾，係春之高山祭無架
人偶獻祭
- 好似扯綫公仔咁有人操控人偶企係屋台頂表演，每日有2個環節
宵祭
- 係最受歡迎環節
- 9號夜晚6點後會推裝曬燈籠嘅屋台巡遊，可以幻想到夜媽媽會幾氣氛

你會見到9號活動係最豐富，基本上你玩9號已經等於玩曬幾乎成個高山祭
我當初都係咁諗，所以打算玩9號，10號一早朝早走人

食完早餐出黎仲係落雨都心知不妙
但都係想碰下運氣


高山一向有小京都之稱，但京都係我心目中已經變得只係人海城市
高山好多建築仍然保留濃厚江戶時代特色




有好多人都好似我咁唔死心


表參道上面已經擺放左少少表演花車



櫻山八幡宮有兩個鳥居
一個係表參道入口，另一個就係神社門口



媒體都嚴陣以待


不過去到現場個陣其實都已經公佈左屋台曳き揃え同其他上午環節節目已經取消左

不過既然黎到櫻山八幡宮，點都周圍行下啦
先去「高山祭屋台會館」啦


「高山祭屋台會館」其實係一個展館
裏面擺放左幾個高山祭用黎巡遊嘅屋台，好似神樂台、神馬台、豐明台、行神台







日本傳統正裝服飾都有display，係御巡幸就會見到真人穿著


亦都有少少歷史簡介


「高山祭屋台會館」亦都分上下兩層
所以行完下層再慢慢兜去上層就可以望得更仔細屋台頂部




不過門票要成￥1000我就覺得好貴
講真，撞正高山祭會推出黎遊街示眾就唔洗比呢￥1000啦，留黎食野仲好

行完「高山祭屋台會館」記得要行埋隔離「櫻山日光館」


「櫻山日光館」入面展示左日光東照宮嘅模型
呢個模型係按10:1比例建造，邀請左33個工匠用左成15年先整好




陽明門、本地堂



你會見到所以雕刻都好仔細，detail位係超多
每個detail位上色都好平均，完全係同現實日光東照宮係一模一樣



連眠貓都仿照埋


出到黎見到繪馬殿有表演都睇左一陣
雖然我唔太明其實表演緊啲咩

lm

利申：4月去名古屋想參考樓主行程人生路不熟，第一次自己做導遊帶啊媽兩個人去，好撚驚

你去幾多日呀？
可以喺度大家交流吓
始終齋去名古屋好悶點都要搭配其他城市

自己一個食無問題麻？任你鐘意坐邊？

一個人完全冇問題呀
一個人會霸住成張4人枱 唔會搭枱

比咁貴酒店，然後落大雨真係喊撚咗

有冇去五箇山?
高山間酒店好似幾靚, 有冇多啲comment? 慢慢浸唔同溫泉?

我以前有去過五箇山
規模細好多嘅，但相對少好多遊客，反而成個feel傳統好多
高山嗰間酒店我只可以話係平價之選，其實就係再靚小小嘅dormy inn，房間比較舊，早餐選擇都OK，浸浴位置都好大，尤其露天位可以直接望住成個高山市
不過喺車站附近有幾間會再高一級，我經過都覺得幾靚

外觀靚㗎咋

真外觀似模似樣咁 但房好舊

真係勝在有風呂同包早餐

不過佢嘅風呂喺平價酒店裏面都真係算好得

我嗰兩晚成間酒店都係外國人 去到浸浴個個都高大威猛

建唔建議一日去晒五箇山同白川鄉?
有冇你講嗰幾間酒店嘅名, 想研究吓

一場黎到當然要上去「櫻山八幡宮」主殿參拜下





偷睇入面會見到有好莊嚴嘅拜祭儀式進行緊


行返出去表參道都keep住有人前來，落雨又有咩好怕wo！




係「高山祭屋台會館」裏面有4架屋台，但其他又係邊呢？
就係匿埋左係民居當中
而家落雨無得出動，就唯有中門大開任人影相啦


鳳凰台



仲有好多架，不過有緣相聚啦

幾乎所有大型日本祭殿都係架啦，一定有超多攤位係表參道一帶
高山祭攤檔主要集中係「不動橋 – 宮前橋 – 獼生橋」 之間
類型都係重複又重複啦


但我真係好中意食呢啲蛋糕仔，好香蛋味


「獼生橋」再行前少少就會係宮川朝市
全世界都擔遮...完全無曬mood
好彩本身plan左聽朝先行，就當自己經過算
(呢日係朝市影嘅相擺埋係聽朝先一次過po)


高山市區有超多條橋將「宮川」東西兩邊連接



行返去本町個邊揾野食，周圍餐廳都排滿人


你睇丸明燒肉幾誇張...講緊而家只係11點半



周圍都有呢啲牛串燒、五平餅同糰子

Mercure Hida Takayama / 東急STAY飛驒高山
都係車站附近同評價都幾好，又新

你自駕定搭巴士？
一日係可以去曬兩個，不過去五箇山巴士班次比較少，你要plan得仔細少少
印象中冬天12-3月好似係無巴士去五箇山
同埋五箇山站只有白川鄉<-->金澤段先有經營，你要再考慮埋前前後後點安排