約左朋友7點半食飯，見仲有少少時間就去左一間非常舒服嘅小酒館坐一坐
呢間小酒館係我朋友介紹，應承左朋友唔開鋪頭名
如果真係有心有緣，可以係google map揾矢場町-榮之間一帶就會揾到
入到去鋪頭好細，座位都唔多，會覺得好warm
一坐低就會送上細細份前菜 – 香油拌長鰭吞拿魚粒
吞拿魚切到好細粒，然後撈少少香油、薑蓉，再係面擺放一片百合花
油份mix埋香油味好香，但因為有加薑蓉同吸收左好輕微花香，所以唔會覺得好油膩
之後再叫左一份3色海膽(￥3000)
包括左禮文海膽 + 2隻北方四島海膽
禮文海膽相對比較creamy，入口後細嚼幾下甜味已經不斷湧出黎
中間呢款北方四島馬糞海膽，口感相對比較堅挺，味道都幾濃，除左甜味仲有海水個種鹹味
右手邊個款北方四島柔軟程度就介乎係上面2隻之間，海水鹹味唔重，但清甜味好突出
店家仲有提供wasabi同鹽比大家蘸
Wasabi真係幾唔錯，完全唔係一包包個種，而係磨出黎仲仍然保留少少一粒粒感覺，味道唔會太刺鼻
個人建議食禮文同右手邊個款北方四島可以蘸少少鹽，用鹽去吊個甜味更出
而中間個款北方四島就可以蘸wasabi，刺激返個濃厚感
之後我仲叫左個貝殼焗海鮮 (￥1100)
裏面有帶子、蟹肉、三文魚籽、芝士、Crean
超香超正
用匙羹一啖食落肚，真係Kimochi
帶子肉切粒都大粒，蟹肉一梳梳，三文魚籽又脆，口感好豐富
雖然等左好耐都值得！
鋪頭老細超nice，就算唔識英文都不斷撩我吹水、問下好唔好食
我都硬住頭皮用我個幾句嘅日文講野
食到6點半我就起身走啦
想早少少去到松坂屋個頭行下街
