LIHKG 箍牙集中討論區 52

你咁平嘅
我class 1 ，傳統，剝連箍連檢查要4000鎊

我都係英箍，依家箍咗1年了
我去consult 前自己做咗好多功課，要點用英文同佢解釋我想點
要注意佢地嘅審美同我地唔一樣，所以你要先清楚自己想點再同佢地講返

有冇人箍到有好嚴重副作用？我唔係香港箍...我由細到大鼻敏感用口呼吸，睇牙醫個陣問佢我係爆牙定下巴後縮，佢就話剝4隻箍就OK,依家箍咗2年10個月，佢一開始埋gap個陣淨係後退我上棚牙,搞到上下棚前牙一直掂實，下顎要退返後配合個咬合，咬合唔齊，成棚牙歪晒，我塊臉都歪埋一邊，下巴左右唔平衡，拉住我頸嘅肌肉，連住我背肌，左右肩胛骨都唔平，盤骨都歪埋，照X-ray見到氣管都窄咗，因為下巴後縮，呢幾個月啲症狀越黎越嚴重，同個牙醫講話幾次佢都唔理，直到對上一次覆完診個下巴超痛，要拎走個wire休息吓先，依家已經睇過幾個牙醫，每個說法都唔同，每日個咬合都變，一時左邊臉痛一時右邊痛，耳又痛眼又痛，因為塊臉不平衡，有一邊眼都輕微斜咗，有時轉個頭會暈，好辛苦，完全唔知可以做啲咩

我箍到一年嘅時候 見到法令紋冇啦啦深咗好多已經有問牙醫係咪唔應該剝牙，佢求其話唔係呀依家咁樣幾好，我究竟可以做啲咩，真係好絕望，我唔應該剝牙，我本身只係下巴有啲後縮，條脷一直冇放上顎，我原本只係做返mewing學返正常呼吸嘅姿勢就得，依家睇第2個牙醫佢話要整返要9萬+,仲唔包一定會整返好...我本身儲咗好耐錢箍牙，我根本冇咁嘅錢再整...本身已經有depression,我真係好絕望好絕望

有一個專科話其他症狀完全唔關箍牙事，淨係望住啲牙話排得好整齊，角度好好 塊臉睇唔出有歪，打發我走

另一個好啲，不過我睇佢係劇痛之前，佢建議我一邊繼續箍，一邊睇一個佢推薦嘅神經整骨師，同時有比treatment plan,要打橫擴闊返個牙弓，6萬+,但我塊臉已經凹，如果再打橫發展應該會再凹啲，另外睇咗佢個神經整骨師2次，冇咩料到

另外2個都係話因為我磨牙/平日無意識咬實啲牙/箍牙嘅pressure令下巴周邊嘅肌肉勞損所以痛，淨係話熱敷搽藥，冇咩點comment個牙醫箍成點，我話如果我咬實嘅話會仲痛，所以我冇咬過，佢又話啲pressure會build up,任佢地講

係9萬+果個先夠膽comment原本個牙醫，佢話白人同亞洲人個牙弓size本黎就唔一樣，佢個treatment plan就係向前打返開啲gap,再睇吓要唔要植返4隻牙上去，或者拉返啲大牙上前...但第一次consultation佢係咁講其他case有幾成功係咁sale我，冇真係focus係我個case到，都有啲擔心...同埋維持器又計錢，箍得耐超時每一個月又計1500,感覺比人㩒住砌咁

我會投訴依家呢個牙醫，但9萬+個牙醫話美國正牙協會有出一本厚嘅fake data係講啲牙同顳頜關節紊亂症（TMD)係唔關事，等啲人箍到啲牙同個顎骨唔對嘅時候想告都告唔入

可能都係繼續搵...大部份主流嘅牙醫都係話氣管變窄就搵耳鼻喉科，膊頭盤骨歪就搵physio,總之就唔關箍牙事，上面3個已經搵得好辛苦係會聽我講而且明白我嘅情況，9萬+睇落啲案例ok嘅...thankyou你咁有耐性睇晒回覆我

我依家拆咗wire同拆箍冇分別，本身個牙醫咁閪，我都打算下次覆診叫佢拆埋佢再搵另一個接，同埋個個朋友聽到都叫我止蝕，就算比晒錢都好，佢依家箍到一pat屎咁唔箍仲好，會繼續搵吓有冇好牙醫接手，thankyou你

好問題呀，因為我背脊以前有傷，所以一直有睇physio. 個傷一直都好stable,直到半年前個胸骨開始少少歪，做squat個陣feel pat pat肉用力唔平衡，行路左邊膝頭會痛，左下背會痛（唔係傷呢個位），我仲一直以為係舊傷問題，但明明我有睇physio,有拉筋，做physio運動仲密過之前，傷勢冇可能會變得咁差

加埋個鼻竇炎越黎越密（1-2個月一次，以前係可能半年一次）本身鼻骨歪，用手撩鼻屎feel到個鼻孔越黎越窄，照x-ray compare返之前個啲更加見到個鼻道形狀唔同咗，有晚照鏡見到左右下頜骨位好唔對稱，個角度無意間見到下頜骨連頸嘅長度都唔同，右邊下頜骨係上過左邊，自然拉住我右邊膊頭肌肉，所有野串連埋一齊完全make sense晒，我fb join咗個箍壞牙嘅group,一個post講左邊咬合會痛連左邊盤骨歪，底下有3,4個留言話一模一樣，左邊對左邊，右邊對右邊，我睇個神經正骨同個9萬+牙醫嘅office更加有講呢樣野嘅poster

最神奇嘅係，最後一次physio appointment嘅時候我同佢講咗呢個可能性，箍牙箍到背脊盤骨歪咗，佢話雖然冇聽過，但都唔係冇可能。跟住就幫我按摩同針灸左頸，右膊，左下背，個日返屋企之後冇幾耐就feel到下巴比人用手掌壓到實一實嘅感覺，持續咗幾日之後去牙醫覆診，一覆診，個晚下巴就開始劇痛然後要拆箍。

我推斷呢半年我身體一直嘗試compensate卸走箍牙不平衡嘅力，一見physio嘅時候就將呢啲力推返晒上我下巴，原本嘅root到。如果唔係我親身經歷，就算我讀nurse都真係唔會信人體嘅構造原來係咁神奇，同埋開始信中醫針灸

最後，good thinking呀，我依家拆咗wire同拆咗箍冇分別，一開頭我都諗住佢可以返返原位，依家已經差唔多一個月，每日我啲痛楚都唔一樣，啲牙同身體仲嘗試緊攞返個平衡。同埋如果冇external force嘅話，啲牙係唔會點移位，平時啲人會移位係因為佢地嘅身體（可能強壯啲掛）冇為啲牙compensate,但somehow我嘅身體就會遷就咗啲牙，呢一個月如果唔係我用手推返開啲牙，佢地都真係冇乜點郁。因為我箍到差唔多埋尾，同埋我有剝牙，所以啲牙唔會去得返原來嘅位置，甚至一直阻住我正常咬合。我懷疑我牙醫箍個wire太窄，下巴骨要就返啲牙齒所以下巴後縮，我上網睇用手拉返開上下牙弓啲痛即刻好好多，但去咗旅行冇拉幾日之後又開始越黎越痛。其實我唔知係咪換過個wire shape就得...不過我諗都係睇定啲先再繼續箍了，thankyou你呀

thankyou

去左睇牙醫，佢有2個建議，想問下大家意見
本身哨牙，上下排門牙向外斜，下巴縮左入去
選擇1: 只需磨牙，箍1年左右，但估計箍完上下排門牙都仲有4mm距離
選擇2: 剝上排一隻智慧齒(本身得一隻)，落橡筋箍，箍2年左右，最後上下門口距離縮到2mm
智慧齒無向橫生，仲係牙肉入面
價錢係選擇2貴10k
請問大家會點揀？剝唔剝智慧齒好