[偽鐵膠×非鐵膠] Green爆日本兩極超地獄級絕唱之旅

麥音我覺得最好食反而係炸雞同南瓜湯

17:00 白樺の湯 ドーミーイン帯広


JR行5分鐘來到成個行程唯一有溫泉浸下既住宿
連登最愛Dormy Inn~~


今次住最上階既和室


有Dormy Inn特製既welcome dessert
芒果布甸



好先進，洗衣機又多，其他酒店要好好學習下


呢頭無咩好食，仲要星期日
所以最後搭左巴士去AEON MALL買外賣返去食
不過返來果陣無車，end up行左半個鐘返來


去完大浴場食埋夜鳴拉麵完結呢一日！

北海道既第一日簡簡單單，無車趕係咪好悶呢……
不過跟住就開始一連七日既死亡大長征了，大家坐穩！

Day 2 / 北海道，從幸福開始
完

08:00


來Dormy Inn當然要加早餐，食食食，食盡北海道美食
係北海道粟米忌廉湯，最緊要係多野菜


唔少得十勝名物豚丼，加隻蛋正呀喂
呢餐食到好濟，因為好可能已經係最豐盛既一餐了，之後既旅程有得好好地坐低食野已經要感恩

呢間野既體驗同之前係博多既Premium差唔多
食完就check out喇，因為9點零鐘就要出發了，第一日就要仆去搭觀光列車！


路過見到一間印度料理，據說係當地好受歡迎


晨咁早就見到大大隻烏鴉追住架垃圾車，超大隻


終於搵到呢個坑渠蓋喇！北海道代表雪六尾 (即係六尾阿羅拉的樣子)！同埋六尾一齊騎住泥驢仔

我之前揸車都見到呢間印度餐廳

DAY 3 / 大道東物語↺+K

終於到左大家最想睇既趕車趕命遊記喇！今次係樓主第二次Green Pass旅行，同樣係7日，因為太長就會無緊張感了


雖然JR PASS隨住大幅加價趕走好多用家，但都趁呢個機會分享下使用心得作為歷史紀錄，同埋講下自己對呢種產品既個人見解，希望日後真係想玩多次既時候可以參考下

09:20 帯広駅


帶廣車站好靜，但兩個方向每小時都至少有一班車，算係唔差了
畢竟北海道特急還是比巴士快

我地迎接既就係一連七日地獄旅行
再見了，所有的幸福、所有的祝福


一開波就係KIHA 261系「大空 OOZORA」，前往道東既中心：釧路


無咩人搭，我地包左成卡Green車
btw係本日唯一一程Green


朝早天色麻麻地，但還是能欣賞太平洋海景 (老婆已經熟睡左 )

10:57 釧路駅


個半鐘就到左おおぞら終點站：以丹頂鶴及幣舞橋為名既釧路
釧路呢個名未必人人聽過，但對呢個地方第一次認識係來自聯和墟傳說級既爵士拉麵，以前個cfu就係釧路出身。所以有機會都想拜訪下被譽為北海道第四大既釧路拉麵


影到架幾丫年前漫畫魯邦三世塗裝車，其作者加藤一彦為厚岸出身
咁呢架車應該就係去根室啦，睇落都幾多乘客


釧路本身都無咩好玩，但位於道東既中心方便去附近唔同地方，最多人去應該係阿寒湖啦
根室今次就唔會去住喇，因為揸全國Green Pass入去都幾on9
預告：已經計劃緊下年去根室

老婆出左去買北之大地入場券，但綠窗太多人失敗而回
而今次只係來轉車而且時間很短，我諗唔少讀者已經知道跟住落來係搭乜野了

11:06 釧路湿原ノロッコ号


今日最主要目標就係搭到呢個釧路濕原小火車！超開心！

安排呢個行程唔算難，因為6-9月都係幾乎每日運行，係要check下有無運休。北海道另一架富良野美瑛小火車就麻煩好多了
指定席還是很緊張的，真係要足30日前就上去book車飛，唔洗10分鐘已經無晒位咁濟

武廢年代引入既JR PASS RESERVATION超級好用，雖然舊價錢年代上網買PASS係貴一截但絕對值得，因為好多車唔book定位根本無辦法搭到 (以前ekinet大法自改系統後亦一早唔work了)


車內狀況，坐滿乘客，當中唔少台灣人
小火車行釧網本線從釧路(精確來講係東釧路)去到塘路，兩邊都係路


北海道食食食，當然車上販賣都唔放過，一人一杯布甸先
至於最期待既紀念乘車證……得一張卡片！？玩野咩，知唔知咩係standard呀因鐵？


小火車好快就會穿過釧路濕原，屬於北海道六個國立公園之一，亦係Pokemon鑽石珍珠大濕原(即係神奧地區Safari Zone)既原型，所以隻game都有小火車搭
最頂癮係有乘客訛稱見到鹿，令到車上乘客嘩然伸個頭出去睇，然而不果，都唔知條友係咪搞C棍鳩吹咋


係幾有特色既釧路濕原站停車，都有D乘客係度落車去展望台睇濕原，但當然搭足全程既為大多數



後半部就徐行沿途欣賞釧路川，加上陰天睇相就無咩特別，但親身感受係唔錯既

我之前就見到丹頂鶴

唔記得追呢個po

香港動植物公園都有得睇

我大概早三個月買，都已經唔係班班有特

因為依家先係真正既開始！

睇完都未開始喎

睇野生開心啲

11:57 塘路駅




時間過得好快，好快就到左標茶町所在既塘路，SL冬之濕原號先會去埋標茶站
有排先到下班要搭既車，咁就趁呢個寶貴觀光時間係塘路遊覽下
北海道鐵道遊其實好易plan，因為根本就無咩車，想趕都無得趕


站內喫茶店可以租單車
店主(?)係個睇落身經百戰既肥宅，間野擺滿晒鐵道野，但唔俾影相

喫茶ノロッコ＆８００１
https://tabelog.com/hokkaido/A0112/A011202/1043800/


我地租兩個鐘，店主幫我地保管埋行裝就出行喇！



沿住貫通釧網既国道391号踩好爽快，毫無壓力，點都好過行路！呢種感覺香港唔會有！


大約2km去到展望台既停車場就擺低架單車，因為無專屬單車位就咁丟下係度算

12:30 サルボ．サルルン展望台



沿住條小路入去就可以搵到展望台入口


展望台有兩個，一個叫Sarurun，另一個叫Sarbo



我地先行去右邊既Sarbo展望台，好快見到間屋仔


errrr........


所以好快就去埋另一個，比較遠，條泥路又上又落


行左10分鐘就到左目的地喇


呢到就可以展望到宏大既釧路濕原了，係日本最大既濕原。左手邊就係塘路湖，如果上面有鴨就叫做塘路鴨
而且當有電車駛過，呢到都會聽得好清楚，轟隆轟隆

都係睇相無咩feel既地方，所以落返去搵野食了

13:30 パスタアンドコーヒー・プレッツェモーロ


踩單車原路回程，個天都仲係陰陰嘴笑，好似準備要落大雨咁


老婆搵左間睇落唔錯既洋食店，趁仲未last order狗衝入去


呢到乜都係北海道野
就算匯率10算，同等質素都係平過香港


我就叫阿輈豬
麵條超有實感，不過咬到辣椒中伏

Pasta&Coffee Prezzemolo (3.41)
https://tabelog.com/hokkaido/A0112/A011202/1013989/

食完就準備上路
到底今日最後可以去到邊到呢

14:45 続．釧網本線


返塘路站還車


係度磨左兩個幾鐘，事不宜遲準備前往下一個目的地


直踩釧網本線既終點：網走！兩個半鐘！


釧網本線無特急的一定要坐這個
呢架KIHA 54系遲左3分鐘出現
有11名乘客係呢個站上車


車上乘客滿多的，幾乎坐滯
感覺呢架氣動車地台比較低引擎聲好大，好有大長征既feel


去到清里町左右，係右邊可以望到日本百名山之一斜里富士
斜里岳 (1547m)


部分乘客係知床斜里落左車，無咁多人了
正式進入鄂霍次克段，可以睇到面向俄羅斯既鄂霍次克海


原生花園駅，11月至4月會閉鎖，所以都算臨時駅


網走市北浜，好多人係度露營咁開心

17:17 網走駅


un左兩個半鐘終於到左網走喇！
但成條釧網本線好多風景睇下又有變化，架車以普通車來講好好坐，係一段十分美好既鐵道旅行體驗


第一件事，買返張北之大地入場券先



好有特色既網走站，網走最出名係連續殺人事件 (好似係)

網走兩大重量級景點係博物館網走監獄同埋網走流冰船，所以二月先會最多人來，但off season都可以參觀監獄附近既流冰館

17:26 オホーツク



sorry咁多位今次只係預留左9分鐘俾網走
我地直落挑戰是日既大佬！
特急オホーツク！暴力穿越全條石北本線！


石北本線由網走開始去到旭川 (精確來講新旭川)
特急大雪就會去到旭川，而オホーツク會落埋札幌，幾乎係日本最長特急
※路線圖並最新版，某些路段已經唔存在

呢架特急既名稱係源自俄文Охо́тск (Okhotsk)
為網走一帶道東沿海地方既總稱，因為對出就係鄂霍次克海




要上車了，做好覺悟吧！
呢程都係無Green Car，因為今年3月183系已經退晒役
結果依家283系直接少左一卡車
準備坐到變忽必烈




正式開始！
琴日係帶廣買多左既麵包要大派用場喇！唔好死！


安国 (A51) 通過
天都黑晒，無風景睇了
石北本線最快得95km/h，坐到懷疑人生


差唔多兩個鐘
19:19 去到遠輕 (A50) 就改變列車運行方向，要自行扭轉座席方向
進入下半場




係白滝 (A45) 停站，無人之境，距離頭先個站成19.7km，你敢唔敢係呢度落車？
跟住就會通過奥白滝信号場、上白滝 (A44，已廢) 直落37.3km之後既上川 (A43)，日本在來線最長駅間

呢段路特急同各停基本上都無咩分別，D站都廢得7788

仲有283坐算係好彩
本來預佢全劏
十分懷疑JR北係突然決定留返呢3卡車行石北的

丸瀨布同白滝已經叫做有民居
其他乜白滝物白滝已經係無人地帶
之後仲有上越同中越信號場都係無人地帶

以前呢段叫白滝既車站有奥白滝>上白滝>白滝>旧白滝>下白滝
咩方向詞佢都用哂咁滯

21:13 旭川駅


坐左差唔多連續4個鐘，不，計埋係超過6個鐘
終！於！到左旭川！

patpat好痛！終於可以落車喇！
以後都唔會再坐石北本線！想死！
想去網走正常都係搵辦法直接飛去女満別空港


係旭川呀！係北極熊呀！係企鵝呀！
點解唔坐埋去札幌？咪癲拉，想坐睇你表演


旭川超方便！直結AEON MALL，酒店幾乎都係站前視線範圍，一眼就認到要落腳既地方。而且平過札幌，完全贏晒



因為係2月係金澤住過既AMANEK覺得唔錯，正好旭川都有，今次就決定係度住兩晚了


check in完就去搵野食，呢到夜晚比較靜夜市唔係咁集中，時候唔早所以已經搵左間開夜既拉麵店一嘗旭川拉麵，開始落雨了有D涼。


都要等一兩個字先有位坐，入面幾熱鬧有男有女
唔係好特別既拉麵，但勝在唔洗諗唔洗揀，夜嫣嫣食野要求真係唔高，5分鐘食得晒證明係OK
btw呢間野係原來父子一同營業，佩服佩服

味特 本店 (3.58)
https://tabelog.com/hokkaido/A0104/A010401/1004362/

DAY 2 / 大道東物語↺+K
完

你一日內由釧路去到旭川