[偽鐵膠×非鐵膠] Green爆日本兩極超地獄級絕唱之旅

一圖總結晒行程重點

行程簡介 (總共9+1日)
東京都心突發篇 (Day負1 - Day0)
北之大地暴走篇 (Day1 - Day4)
大江南北縱貫篇 (Day5 - Day6)
一氣呵成終結篇 (Day7 - Day8)

前傳：颱風蘇拉脫出篇

Day負2 未雨綢繆


呢次旅行要由Day負2(星期四)開始講起。因為颱風蘇拉逼近本港，更有可能直擊造成山竹級既破壞，所以一直都密切留意風暴走向。

根據各位氣象巴絲既預測，星期五六出發既航班都凶多吉少。我地呢次行程編排綢密，雖然無book到咩餐廳，但係有一程特價內陸機，用左JR PASS訂左好多指定席，同埋部分住宿已經無得free cancel，基本上承受唔到任何行程延誤，一改就一闊三大會發神經。

故此朝早同老婆商量完同埋確認後，便把心一橫，大刀闊斧加錢改機票提早一日到星期五早上，搏個風殺到埋來之前走得甩。就算改完都取消咪退錢囉，點都值得一搏。結果因為一開始猶疑不決所以已經改唔到最早果班機，得返之後果班。


然後晏晝UO老母就派彩了，宣佈左星期五只會有12班機如常出發，我地成為左超高校級既幸運兒。而呢個時候先改機票係無可能既，呢D班次晨咁早就爆晒。

天文台已經預告係星期五凌晨發出八號風球，我自己就唔太擔心，因為自己人生第一次搭去日本既飛機都係打緊八號風起飛。八號風唔必然影響航機起降，要睇風向等實際情況，而且八號風仍然具預警作用，唔一定即時對本港造成威脅，今次明顯有考慮開學日既因素而提早八號。

利申完全唔識氣象，都係靠各位分享到有用既資訊。十分感謝各位氣象巴絲咁神通廣大。


不過老婆比較焦慮，所以決定趁八號波未上就漏夜搭E車去機場，因為一掛八號巴士就會好快收車，即使我話機場快線都會開但就係唔放心，更唔會想俾DC9劏到一頸血。


結果我地訓左成晚機場，當然唔係好訓到。
(Day負2 完)

LM

LM

LM

訓左兩晚機場？

訓左一晚啫
本來完全無諗過係東京fing

Day負一


係機場頂左成晚，終於等到呢個鐘數喇。
我地賭贏左，有得去日本呀！個Gate仲好前添！




準時出發！只要成功起飛基本上就係神仙！

前傳：颱風蘇拉脫出篇
完

南條塊立牌可以咁用

Chapter 1
東京都心突發篇

完全突如其來既東京之旅，一落機仲緊急參戰仆去睇演唱會，第二日去埋渋谷最高人氣景點！行程從一開始就潮到出水！

入嚟留名先

搏到1號早上飛嘅都係膽大心細嘅幸運兒

留名

癡撚線樓主，真係留名睇你表演

cls系列

你老婆都肯同你癲

仲未正式開始遊記

下次用青春18由鹿兒島玩到北海道

lm

遊記終於開始


來到日本天氣十分好，睇到富士山雖然好細粒。


第一次呢個鐘數飛成田，所以有機會欣賞到千葉縣既九十九里浜，條曲線真係好完美。
再過小小利根川在常陸水鄉閃閃發亮，毗鄰日本第二大湖霞ヶ浦，可能已經係茨城縣最美麗既一面。


16:00降落成田機場，我地又使出神速，三個字已經出關。
然而剛剛走左架Skyliner，所以搭巴士啦！去東京駅巴士10-15分鐘一班只需要1300円．架巴士好舒服，認真平靚正。
好多人唔鐘意搭巴士驚塞車，其實有咩好驚咪由佢塞下囉，反而我覺得搭鐵仲大風險。


個零鐘後過左最恐怖既交匯處箱崎JCT後，好快就到左東京駅日本橋口。全程路況大致暢順，拿拿臨去前面間Bellmart Kiosk買D野食填一填肚。


係八重洲南口附近搭的士，幾乎都係呢種size既車埋站。話晒係大都會中心、新幹線隔離既的士站，都要等兩個字先上到車。

捱左成晚機場好眼訓呀，去check in……？

樓主應該打緊文，加油！瞓醒再睇

LM追故