[偽鐵膠×非鐵膠] Green爆日本兩極超地獄級絕唱之旅

Lm

樓主未起飛，暫時買定花生坐穩先

遊完吉祥寺跟住去搭中央線快速
土休日中央線比較快飛埋杉並三駅，好快就來到中野
西荻窪・阿佐ヶ谷・高円寺


中野係我第一次去日本就有去既地方
個站都好特別JR同埋地鐵東西線共通，試過搭錯車，因為地鐵月台上去東西線終點西船橋既車係可以行JR線去左新宿




武廢後都無來過，上去搵下古董先，比起秋葉原呢到先係真正既尋寶聖地。然而過左咁多年都面臨唔少變化，例如呢到既TRIO已經執左。




最後諸舨因素返左東京駅求其搵D食，百名店ソラノイロ既分店
撞正水樹奈々有明Day 2完場，好多cfu散水過來dinner

返品川Toyoko見到一男一女著水樹Tee好羨慕
要準備第朝起行北上喇，但想講成棟野得一部洗衣機真係發癲，等到半夜先有得洗

Day 0 完！

Day 1


又去左食老麥McGriddles，明顯唔將Toyoko Inn既早餐放在眼內


跟住就去KK園區搭京急啦


識搭一定搭Airport快特，不過武廢後呢D班次少左好多


有咩特別？就係飛埋京急蒲田，下個站已經係羽田！


11:20 出發去北之大地！

Chapter 1 東京都心突發篇
- 完 -

※外出取材，暫停更新

請問樓主個企鵝展用咗幾耐時間行？想參考下

打漏咗 因為之後有機會去佢喺佐賀嘅展覽
有時間可能順路行埋

lm

外出取材，即係又飛

今次去邊度玩

半個鐘左右

Chapter 2 北之大地暴走篇


無數錯既話係樓主第21次日本旅行，終於要踏足北海道了！連北海道都未去過點做日本達人，點講自己鍾意去日本？(笑)

北海道入門應該都係札幌、小樽、旭川、富良野、登別果D，不過今次揸住可以玩勻46個縣既JR PASS當然就唔會咁，我地係北之大地既短短4日將要行大運搭窮有「因鐵」之稱既JR北海道！

去北海道正常唔係直航就係轉機，作為外國人當然幫襯日本航空既JAL Explorer Pass搭內陸機，1萬YEN鬆D就搞掂
不過呢個價唔一定係最平，而且有個唔好處就係無得自助check in，要去counter出飛


穿過津輕海峽就見到這片大地，好多田！全部都係田！

Day 2 / 北海道，從幸福開始

12:55 とかち帯広空港


我地既第一站就係……帶廣！乜唔係去札幌咩？其實我從來無講過

相信極少海外遊客來過呢個機場，因為帶廣本身無咩好吸引既景點，有的是農場、數之不盡既田。帶廣位於道東既十勝地方，農業最發達，盛產乳製品、馬鈴薯等等。鋼鍊作者荒川弘另一個作品「銀之匙」就係以帶廣為舞台，拿過農林水產大臣賞，同樣值得全世界既人類一看。

帶廣機場通常只有羽田一個航點，係北海道少數毫無道內航班既機場之一，因為帶廣距離札幌唔夠遠，加上呢個機場位置算係隔涉，特急同埋巴士完勝。要飛去其他地方，新千歲都唔會好遠可以依靠


細機場有細機場好處，唔洗5分鐘已經去到大堂
帶廣名勝之一就係呢個都唔知點譯做中文既「Ban'ei競馬」，而帶廣競馬場應該係全日本以及全世界唯一會舉行呢種活動既地方，然而樓主對動物之間既鬥爭無咩興趣，所以唔會有睇馬既環節


帶廣市區交通都係得巴士，因為D鐵一早廢晒。機場可以買到PASS，一日2000YEN，有外國人版本但唔知有咩分別
呢到機場巴士只會有飛機既時候先開，落機兩三個字就會開出，完全唔洗擔心接駁既問題

留名

留名

機場巴士13:15 開出，已經係晏晝了


唔洗10分鐘，我地係人生第一個北海道景點落左車！
係北海道既天空！係北海道既氧氣！係北海道既草地！係北海道既道路！係一望無際既北之大地！

坐低做個深呼吸先！精神晒！

13:25 幸福駅


呢個幸福鐵道公園已經係帶廣既代表景點之一，佢本身就只係一個廢站，就鐵膠角度唔係好特別無咩野睇，但因為呢個地方既名稱而吸引唔少遊客朝聖。還被指定為「恋人の聖地」，北海道四個之一


幸福駅位於以前國鐵廣尾線，由帶廣向南去到廣尾。然而呢條線連國鐵民營化都捱唔到就摺柒左



呢個駅舍係2013年拆左再起過，成為現在既樣子
可以係度影婚紗相有興趣既話可以自己google


駅舍拼滿寫上祝福既車票，好似神社堆繪馬咁



穿過駅舍就到了月台，擺左架kiha 22形係度可以入去，感受一下北海道廢棄車站既氣息




小cafe可以食下雪糕，不過陣間就去打大佬所以忍下口


賣蘇粉既舖頭可以買到紀念車飛，其實你想揀邊一日都得，一場來到當然係一人一張啦
但老實講邊到出發我真係唔care


遊客唔算多，係個令人心曠神怡既地方。如果唔係自駕周圍去既話，應該就無咩人會特登抽時間過來，畢竟呢到距離車站都有唔短既距離。係樓主特別既plan行程技巧先能夠「順便」一訪
根本就係為左來呢個地方而特登飛帶廣機場啦

時間緊迫+肚餓所以無辦法係到留太耐喇，係咁依影幾張相就走了，但呢一份幸福會永遠留在大家既心上

感謝老婆願意跟我來到這裡

你啲債愈嚟愈多

截至現在遊記債有17.5日
如無意外今年內會突然再多3日

因為巴士時間無耐之前改左，所以逗留時間比一開始plan既時候少左大半個鐘。尤其北海道來講唔係成條線俾人cut走已經算偷笑。

遊記既交通時間只作紀錄用途，唔具參考價值，樓主唔負責因為資訊正確性與時效性而對讀者造成既任何損失，包括凍死餓死、被熊襲擊、鬧交分手。巴士鐵路班次無加可減，請務必透過官方渠道獲取最新既情報。


14:26 前往帶廣市區既巴士出現了
北海道D路直線到，好似行極都唔完咁
路線大致沿住以前國鐵廣尾線行，會經過「大正」、「愛国」，不過唔係自駕就無咩可能去埋喇，反正咪又係廢站一鳩樣
之後仲會經過好出名既大蝦夷北海道帯広農業高等学校


25分鐘左右到左呢個地方落車，因為又到左狙擊百名店既環節

我等緊你嘅1-10巴士站

15:00 麦音


巴士落車對面就搵到帶廣百名店：麥音
去北海道當然要食食食


Tabelog圖片
cafe有室內同埋室外可以坐，不過都係好曬所以都係坐入面，雖然出面環境超好


呢到既麵包全部十勝小麥100%使用
買左勁多包無可能食得晒 (食兩個已經開始濟，太低估了)，所以staff已經幫手pack咁D，留返唔擺得既依家食，例如牛肉包
剩返果D就留返聽日上路食埋佢啦……

最正仲有個set有湯飲 (送杯coffee) 都係450YEN，碗周打湯超好飲，係北海道既味道，塊皮超fuwafuwa，係北海道既口感
不過好飲到一直摟住我隻鳥蠅最後都飛埋落去殉命，搞到勁唔好意思要換過碗……

16:30 帯広駅


睇實時間就搭巴士繼續去市區，兩三個字就去到とかちプラザ (十勝廣場)落車，JR就係前面
但咁岩撞正果日有一連三日既市集，有好多野食不過都開始收檔
呢個氣氛唔知點解令我諗返起以前係秦國鄉下既生活，果到都係大平原，無咩娛樂，得閒先會揸出去市中心玩


最後都執到水尾一人兩隻厚岸生蝝，正正正
意外收穫


食完就來到JR帶廣站了，水靜鵝飛既車站


仲買左人生第一張「北之大地入場劵」留念，北之大地入場劵係武廢期間推出推動因鐵旅行既商品，全北海道總共有80個車站有 (不過有D點唔止一款)
另外奧津輕今別都有仲要4款


去搵下坑渠蓋，結果只能夠搵到呢個馬仔