(live) 裸辭獨遊日本四國三星期 (3)

樓主好撚靚仔的
利申：現實中識佢

樓主真身流出

繼續LM

高松原來有個uchimachi 街市，樓主有冇去過

我終於睇完 1
而家睇 2

樓G你好好, 令我返工多左D顏色

https://maps.app.goo.gl/QKHGDJ79z4SsaviP7


唔肯定你話街市喺邊度啦 我就咁google map search 出咗呢個區，呢一帶我都行過好多次㗎啦，都冇咩特別，一定係比唔上大城市嗰啲商場

你咁講我真係喊㗎喇
一齊加油啦

偶遇書法家之後，就返去食一間我認為最好之一嘅烏冬店，Udon Bou，首先都係自己去夾炸物先啦，眼前的兩舊都唔錯嘅，無論就咁食定係浸湯食都ok





今次試咗個豬肉沾麵烏冬，雖然味道都可以，但我竟然會開始嫌佢太重口味，明平時我係食開重口味嘅嘢

可能喺度食多咗幾多餐清湯烏冬，口味有啲唔同咗，我都係鍾意佢招牌嗰隻烏冬多啲






喺度買咗幾包烏冬返香港煮，佢裏面已經包埋湯包，返到香港之後煮完，事實係真係唔錯




食飽之後喺返酒店嘅途中，途徑瓦町flag，一個規模唔大嘅地鐵上蓋商場，平時只係嚟搭車，又真係冇乜行過

首先落咗地庫望下，竟然有網球打



3樓有層幾大嘅書店，esg真係開始慢慢變成潮流啦



再上去就係啲百貨公司，乜嘢都有啲




最高嗰層原來係補習社，遠睇已經feel到一陣壓力 任何地方嘅補習社果然都係好恐怖

深夜突然興起，踩咗部酒店單車去碼頭吹下海風，可以沿住呢啲商店街直接踩到尾，呢個感覺真係好正好正，嗰下呢我係諗緊，點解我咁遲先第一次夜晚出嚟踩單車呢？


高松呢個地方始終比較冷清，夜晚嘅時候幾乎見唔到行人同埋車輛，基本上可以由頭直接帶到落尾，喺深夜踩真係好開心呀

(其實呢，我都見到商店街嗰度掛住啲牌，話唔畀踩單車嘅，正路應該要踩返出面行人路條單車徑 但我見到周圍都唔少當地人照踩，就連日頭都有唔少，更遑論係依家深夜)




踩到去碼頭，繼續踩出去出面嗰條防波堤， 高松港玉藻防波堤赤灯台

https://maps.app.goo.gl/ghYzRpnX8jiVMDvcA





大約兩星期前曾經來過一次，仲記得當時係用雙腳行出去，體感時間行咗好耐先去到終點座紅色燈塔，而家五分鐘就踩到去了

Google map望下個位置就知道，佢係不斷向住陸地嘅反方向延伸，所以踩緊嘅時候，就會發覺身後嘅陸地不斷離自己而去，然後向著眼前無盡嘅大海係咁踩，幻想緊自己好似暫時離開咗個城市嘅煩囂，總之自己向前踩就得，咩都唔使諗




踩到盡頭之後，落車坐低hea下發下吽哣。 隨手影咗幾張相，都可以見到星星。




今日嘅目的並唔係影星，好快我就放低咗電話，聽下歌，化身emo撚吹下海風，諗一啲唔會有答案嘅問題

坐得唔係好耐，大約一點半左右就回程了，聽日諗住去犬島，交通幾麻煩下，要早起身


本來諗住直接踩返酒店，但最後都係抵受唔住誘惑 行咗入去吉野家食個宵夜




有三四年冇食過吉野家了，基本上已經養成咗習慣，今次食返，係有啲懷念。就咁嗌咗封面嗰個鐵板牛肉餐，印像中香港吉野家應該冇咁嘅嘢




真係鐵板嚟，一路食一路冒煙，味道都唔錯，感覺真係同香港嗰種死鹹嘅牛肉唔同，呢度嘅真係好食啲㗎喎


想試下攞碗牛汁 但諗諗下我唔知日本呢邊有冇呢個習慣，所以都係算啦，樓主面皮薄嗰張紙

買咗兩隻濕疹藥試下，店員話圖一係止痕，圖二係消炎，試咗四五日都係冇乜效果 唔知各位有冇其他濕疹藥膏推介

F字濕疹藥膏有 d 廢

基本上全部試過曬 都冇乜用

瓦町flag 竟然重未執
上邊間毒撚聖地animate重係唔係度

最尾我喺香港搵到呢支
有類固醇
不過我覺得好有效

冇見到呀 遠少少商店街嗰邊先有，但明明之前我睇新聞見到，當地人好開心終於見到呢個商場開張

你應該係見到我係前幾個post 既圖?
我2015年去，瓦町flag當日第一日啱啱開張
我諗住入去八掛下，結果上邊有Animate
我諗當日全個高松既毒撚都湧晒去Animate 朝聖

我啱啱check 返瓦町flag官網，入邊已經無咗Animate，睇來已經搬咗

我諗係呀
本毒撚都想去行下 如果佢仲開緊就好

依家高松機場入境係咪仲用緊紙本form？

用紙本同visit japan web 都得

Thanks

屋島山上架巴士 睇時刻表 好似唔係日日都有夜車
日本上山睇夜景但D 交通配套成日都搭唔到
好擔心無車要 6 落山

係呀，基本上得週末先有 你見我都好驚冇車走，喺山上面淆到仆街 但係如果天氣好嘅話，真係好推薦上去



山上觀景台隔離有間酒店，唔揀風景房嘅話都唔貴，建議可以去住返一晚，唔使再驚交通問題，睇夠風景之後就返房瞓


我去到觀景台之後都想住喺呢度住返晚，但當下上網check，就已經之後幾日都full曬 要住嘅話要早啲book，唔好好似我咁隨心deadline book酒店

望海荘?