(live) 裸辭獨遊日本四國三星期 (3)

睇返自己第一個遊記post，原來已經係五年前，由當時讀緊書，變成依加啱啱出咗社會，始終都係當我live住獨遊出post，先至感覺做番自己。


畢業之後，仍未搵到自己想做嘅工作，揀咗一個行業入行之後又自覺唔適合，最後決定裸辭去個旅行先


同以往幾次一樣，通常我每次都係遇到啲難關，先會選擇去獨遊，我知道呢個目標好奢侈，但希望我可以透過今次旅程，更加諗清楚自己想點樣行去


估唔到竟然可以開到第三個post廢話唔再多講，一齊繼續我哋嘅旅程

留名支持

追下斷下咁，見巴打出post都繼續支持

上回提到，去咗香川縣嘅屋島山頂睇夜景，事源當日食中午飯嘅時候，有個後生侍應推介我嚟呢度，話係時下年青人都會嚟打卡嘅地方，咁我就過咗嚟了。


回一回帶上個post尾嘅相先






喺間小cafe買咗舊狸貓(估計)蛋糕食，亦即係頭先見到嘅屋島寺嘅吉祥物，其實就唔太好食，都係純粹打卡用，仲要好多蛋糕碎，食得好哩啡



隔離搞緊一個小型音樂會，企喺出面嘅我都聽得好清楚，一邊望住個咁靚嘅景，一邊仲有live band聽，真係cls，簡直係一場完美嘅體驗



慢慢聽住同睇住眼前呢個場景，隨住天色慢慢入黑，好多暖色系嘅橙光開始出現，好正

繼續留名支持

呢一刻個天色真係最靚 同時望到城市同埋瀨戶內海嘅眾多離島，真係好彩撞到今日咁好天氣





真係開始入黑了，行咗去 live band嗰邊睇景，大風到開始打冷震，但為咗睇景，我係唔會退縮㗎

btw下圖無意中有個好明顯嘅冷暖色對比



全景影一張



時間係夜晚八點幾左右，其實我已經可以清楚見到好多星，可識我手機能力有限，做唔到同時影夜景同埋影星，你較光螢幕去睇下圖嘅話，都見到幾粒嘅

再影一下入黑嘅建築



掛住影相，差啲錯過咗尾班車時間，急急腳回頭了，夜晚嘅屋島寺有一種莊嚴同埋不安



因為Google map同 y轉乘案內都冇顯示呢架巴士，一直都好驚有冇呢班車，企喺冇人嘅總站見到遠處有盞大車頭燈，再慢慢見到巴士嘅輪廓嗰陣，我真係想



估唔到成架巴士得我一個坐 明明山頂上咁多人，竟然全部都係自駕嘅



終於落返去電鐵站，我安全了

多謝支持

多口講下
Yahoo JP 轉乘案內睇巴士係唔準的，得火車準
バスNAVI Time 呢個Apps 先會準D
但呢個仆街apps 好多野要收錢所以好難用

btw 送上剛剛見到既高松小智識

我都係受害者啊，只係仲未寫到嗰度


我臨走前最尾幾日，都諗住凌晨落街食多餐烏冬，呢間嘢明明寫住凌晨開門，但連續兩日，去到都係閂咗，叫 手打烏龍麵 鶴丸 見佢都算出名的

寫快d啦，唔係要開第4個

會架啦

睇極都睇唔完

終於繼續更新

唔知11月前寫完未

到我去

鶴丸個咖喱烏冬同埋關東煮真係好得
但係真係夜晚一開門就已經排晒隊

希望今個月完la

終於返翻市區，又走去食多一次間宮崎牛燒肉，已經係第三次食宮崎和牛no.1 再講多一次店名：ぴこぴこ精肉店 瓦町店，利申打手


反而高松呢度出名嘅橄欖牛，我覺得比較普通，可能係我搵唔到好嘅餐廳啦



嚟咗幾次，已經知道咩最好食，直接嗌咗我覺得最好食嗰兩份肉，加碗飯就搞掂 又係完美嘅一餐，如果喺香港生活可以咁樣過就好啦

自稱銷量no.2嘅一份肉，千頭yen一碟，已經好好食，抵到爛



五千幾yen一碟100g，有啲貴，但都係抵比嘅



肥美到




返酒店嘅時候，竟然見到有澳門萄撻，仲要係繁體中文