(live) 裸辭獨遊日本四國三星期 (3)

好耐冇入嚟推一推

btw樓主加油

咁就九日

入嚟打個招呼

四國係咪用到西瓜卡？

出文啦

巴士未必收，鐵道成日冇閘機，7-11 嗰類鋪頭就收嘅

到時可以喺邊到買icoca
Applepay 唔知點解買唔到

售票機有售

到時睇下先 唔該你

我自己經驗就絕大部分都可以

你竟然都嚟咗呢度

我追文追到燈塔底啦

今晚出文

不如战下東海道53次

我錯
去咗邊

好想去四萬十川踩單車

好靚好舒服，好岩個人完全放空晒

文呢

上文講到，又一次凌晨踩單車去高松港嗰一邊，沿住條玉藻防波堤踩到去盡頭，又係望住嗰座紅色燈塔。


嗰陣好大風，連我個腳架都唔係好企得穩，海浪嘭嘭聲咁樣打過嚟，可能睇圖唔覺，但實際真係幾誇張。我只好坐埋喺兩旁嘅圍欄底下，個圍欄啱啱好高過我個頭，感受到好多風浪直接喺我頭頂打過去，好似經歷咗一場小冒險咁樣






今晚個天有段時間都幾清，影到幾多星但因為之後開始大風，影咗一陣就收工





放低相機同腳架之後，好彩仲有七仔買嘅一袋雜物，捲縮喺欄桿下面飲下悶酒，咬下乾糧，一邊聽住啲風聲一邊對住個海發吽哣。

嗰陣我自以為諗通咗好多嘢，諗返起其實都係廢話，做人唔好咁上心，睇唔開就出去睇下大自然，好多煩惱當你自身喺大自然之下，就顯得一啲都唔重要。





道理就好簡單，但係之後嘅歲月我仍然成日唔記得咗，返到香港之後都係，知易行難呀，一直唔夠膽寫，好似係驚自己諗返呢個豁達嘅感覺





一罐隨便喺7仔執嘅水果味啤酒，好似得九度左右，估唔到慢慢咁飲竟然已經醉醉地，一起身個下有啲飄飄下，我嘅酒量未至於咁垃圾，酒不醉人人自醉。




好，叫完春了
天都差唔多光，又係時候踩返去酒店瞓一陣，瞓醒之後就係尾二一日了，旅程即將完結。

尾二日，起身之後第一個任務係行下超市，準備要買手信了


之前係居酒屋就係嗌杯呢枝嘢，叫「翠」嘅gin (又辱華)，味道都ok，又易入口，之後返香港都買咗支，價錢貴幾倍




扮健康咬咗個蘋果



留喺高松嘅最後幾餐，都要食返烏冬，今次去咗另一間知名烏冬店，讚岐烏龍麵 上原屋本店




今次又係玩自助，化身為7仔煮撈麵阿姐 硬係覺得自己整嘅冇咁好食




係唔錯，全部嘢都喺水準之上，係嚿腐皮好鬼甜

呢間店喺粟林公園附近，去個頭嘅話可以到時一次過食埋

返咗去高松站附近，再上多一次高松地標塔，今日天氣好好，望住咁大片落地玻璃背後嘅景色真係太爽了，推薦大家一定要上一上嚟，免費唔使錢的





係高空望落去玉藻防波堤，再次望返凌晨時分捲縮一角打冷震嘅自己




跟住由高松站出發，坐電鐵去近郊 仏生山


喺琴電可以買一張仏生山溫泉套票，包咗當地浸溫泉同埋來回仏生山嘅交通，我就因為唔知浸唔浸溫泉，所以冇買到 (之後就會後悔了)