(live) 裸辭獨遊日本四國三星期 (3)

間燒肉我都有去過

出得咁少

好多香港人

黎緊幾日放假會去高松玩5日
時間唔多諗住會去男木島女木島
直島 豐島 粟林公園 金刀比羅宮
小豆島好似唔夠時間去同埋想留番同女去
主要行下食下野影下相放鬆下
有冇推薦既 鳥冬 骨付鳥 牛 燒肉必食
努力爬緊文中
ぴこぴこ精肉店 瓦町店 呢間都book mark左

早晨，今日去男木島，通常啲人喺一日去曬男木女木，但我呢啲懶嘅就決定分開兩日去女木島之前嘅行程就已經去咗了



今日要趕船，快快手去大阪王將食碟餃子。

一入到去，我以為係烏冬店咁樣，喺收銀處落咗單再入去坐，走咗過去收銀同佢this this this，佢就一面做乜鳩咁嘅樣指住樓上叫我入去坐低先，坐咗一陣覺得有啲唔對路，究竟我有冇落咗單？再偷睇下隔離枱，先知道原來係撳制叫侍應過嚟落單




今日出師不利，一起身就7咗一獲
但講開又講，其實佢啲餃子意外係唔錯，好食過唔少拉麵店餃子








最尾幾分鐘趕咗上船，船程好短，話咁快就差唔多到岸



第一眼望佢，啲建築物好有層次咁樣排上去，真係見到係喺一個山坡上起嘅出嚟，左邊就係呢度嘅地標，Ogijima's Soul



今日都係冇啖好食㗎喇... 離島呢啲人真係唔憂做

一落到船，我先發現呢度原來連單車都冇得踩 女木嗰邊雖然都無聊，但起碼有得踩單車周圍去下


去咗唯一一間有開嘅餐廳，但menu上嘅嘢已經全部賣曬，店主亦已經收緊檔，同佢指手畫腳咗一陣之後，佢喺雪櫃攞咗兩塊魚柳出嚟，然後只一指出面個海，跟住我畀咗個手指公，喺唔知價錢同烹飪方式嘅情況下，呢個交易就達成咗了


味道正正常常，魚骨較多有啲麻煩，最主要係分量太多，差啲食唔曬 埋單嗰陣估唔到佢淨係收我900 Yen




見到有塊牌寫住夕陽貓之家，就上去睇睇，佢直線距離其實好短，但上去真係斜，幾分鐘腳程已經有少許喘氣



諗住食下佢係招牌下面貼嗰張圖，自稱嘅男木島名物，但上到去一條友都冇，淨係有張牌寫住話有事電話call佢




個vibe喺舒服嘅，我就坐咗喺室外張枱，攞出之前7仔買嘅嘢，慢慢hea下 雖然係幾爽，但人又冇貓又冇，顯得有點空虗，反而靜唔到落嚟

Plan緊四國嘅行程，咁啱見到樓主你個Post

間夕陽貓之家
之前睇youtube 有人拍過
的確係長時間無人架

https://www.youtube.com/watch?v=04zOC2_mijI

人影都無隻既名物

好多巴絲打留低咗好多建議㗎

果間係餃子の王将 我去親日本都食一兩餐，個炒飯都正。

男木島我去果陣都冇其他遊客，上山落山9行，其實風景靚好寧靜，就真係比較悶同撞啱又冇餐廳開。貓返而都幾多。

一路爬文mark低一路plan緊

我啱啱爬到小豆島間銀四郎，佢個蒜頭橄欖油就係枱面呢枝

是

之前去男木島行緊上山嗰時，有個伯伯順路車左我地去燈塔

motto motto

店主竟然記錄曬每一隻貓嘅名同出沒地點，好有愛





毒撚唔知寫咩好，都係算啦，唔好寫花佢本嘢



準備離開呢度嘅時候，見到門外有隻貓好舒服咁攤咗喺度，過一陣仲入咗店裏面，我相信係店主養嘅其中一隻貓




跟住行多幾步路，準備上到去豐玉姬神社，路程雖然短，但都係好斜下

終於行到上去豐玉姬神社，景觀係唔錯，簡單但係自然



有隻好似有啲惡嘅貓，坐住喺神社度啤住我 搵返頭先店主嘅紀錄，佢應該係「神社三兄弟」之一





好似督促緊我快啲奉納貓糧



冇貓糧喺手都算啦，快啲過嚟賽錢畀我買




喺神社門口對出嘅樓梯口，坐住另一隻橙貓，應該都係三兄弟之一睇落都幾似樣，最大分別係條尾有白色間



見佢背對著神社，面對住海發呆，都係唔好阻住佢思考貓生啦 (諗起my dog eat my philosophy book張meme)

之前去男木島行緊上山嗰時，有個伯伯順路車左我地去燈塔

你就好 我本身預住可以踩單車去，依家行過去太遠呀，我最後懶得行過去

如果突然間有人叫我上車，我應該會諗諗先，但依家喺個和諧嘅小島仔裏面，佢都車唔到我去邊到