Supper Moment近年經常在內地演出，相比起以前與香港樂迷見面的機會大大減少，主音Sunny坦言今年除了會繼續在內地演出之外，亦會於東南亞地區開騷，至於香港則未落實：「真係差唔多每日都喺社交平台收到樂迷嘅訊息，佢哋都好掛住我哋，其實我哋都好想講我哋好掛住你哋，亦都好希望可以喺今年開到騷！」
雖然最近長時間留在內地，但Supper四子都有關注香港的新生代歌手，又表示好想與今日同場的女團Lolly Talk合作：「最搶眼應該係Lolly Talk，好多人啊佢哋！因為我哋自己都係係組合樂隊，（好明白）好多人嘅時候出工作嘅準備時間要好長。活力方面就要交俾佢哋，我哋負責音樂就得喇！」
Supper四子表示好想與今日同場的女團Lolly Talk班妹豬合作。
