2023 朝聖之路 camino de santiago 北方原始葡萄牙之路篇

不過要趕路係煩啲
咁由Berducedo行去Fonsagrada 就會好遠

原來Bodeyana行去Berducedo都幾誇 50幾公里

Day15
Grandas to Fonsagrada
大霧轉曬，微風
25km, 上800，落400

噚晚下格床條鬼仔係咁躝黎躝去，躝到張床係咁搖 我下晝到佢就咪喺度瞓，搞到夜晚瞓唔著。
又係7點幾先出發，


7點就關咗門嘅超市，結果噚日乜都無買到


噚日無去睇嘅教堂



一出鎮就要上山



路過一間教堂



有教堂就有村，條村有個朝聖者公仔

出村都係好大霧。完全唔知行緊去邊



兜咗陣就出咗馬路，好似遇到1，2個人，唔記得了


轉個彎又兜返入山，側邊係人地d田，有d黃咁咁嘅樹…



之後又兜出馬路

有間士多咁嘅野，買d野食，原來佢仲有印仔，順便



沿馬路行，路過一間bar，未開


之後向左走向右走。

又兜入山


無啦啦聽到有叫聲，先知路過個教堂，仲有人喺度扎營


跟住就遇到噚晚食飯個美國阿伯，原來西雅圖人，佢老母過咗黎馬德里上西班牙語一星期，佢走咗黎行路，今日會搭車去Lugo見佢老婆。阿伯都行得幾快，無俾我甩開，又講下佢喺Lugo租咗埋airbnb 5晚，每晚60歐。之後就繼續行去santiago，再住2晚。

又係教堂一間


之後先入村

雖然座村乜都無，但有間1星hotel



出林之後開始出太陽。有d早



又見到一間教堂


之後見到個女人

未catch到佢已經出太陽，阿伯停低搽太陽油

之後嗰女人停低喺度飲水，原來係住喺德國嘅烏克蘭人，好重口音…我問佢邊度，佢係咁答我u queen
我？？？
問多兩次仲黑臉，話俾russia attack嗰個…哦


之後沿住馬路上斜，join埋三個人行


烏克蘭姨話美國阿伯d英文好易聽，
阿伯話佢之前去澳洲，同唔少外國人接觸，知道講野要慢d先令人易聽。
又話依家好多美國後生仔，特登用錯tense。balabala
烏克蘭姨話佢讀緊psychology，話學多幾種語言對小朋友好，又話佢個仔可以講4種，但淨識睇1種文字，佢個女又點點點。
美國阿伯話佢早幾日遇過嗰12歲𡃁仔…嗰晚間albergue有德荷意西英，嗰𡃁仔同d人都溝通到
真係聽到我五體投地

上山路過另一間教堂



之後keep住上山，

烏女話佢會行快d，美國阿伯就問佢拎whatsapp，話喺Lugo食餐飯

路過個路口，上面又有風車



但前面又風車山後尾先知又要走上山

仲要先落山再上山


之後望返轉頭，又係一片雲海，不過頭先上山太多樹遮住。


之後真係上到風車咁高，但就又落山了



落落下山已經進入Galicia，Santiago所在嘅行政區，鼓勵遊客出外消費嘅行政區，所以官方albergue係唔會有廚具



之後keel住落山

前面就係Fonsagrada，不過仲好遠


跟住遇到噚日個意大利華人，都行得幾鬼快。

佢仲話一個人行，一開頭行得仲快，跟住同自己講唔好行咁快，減咗速，後尾Fonsagrada上山先知佢講堅

跟住佢話galicia個logo調轉嘅，我話係啊，特色黎，下面個公里數都係特色黎


之後又上又落又左又右，仲要好曬。








之後落到馬路走過對面間bar叫咗杯野飲，喺佢門口加咗d水



之後又左兜右兜，經過一條村


又係教堂…都幾多教堂。


跟住又路過另一條村，又一間教堂。今日d村都無補給，反而靠路邊個d bar

跟住有兩條路揀，一係去Fonsagrada，一係去Buron，我去Fonsagrada.

教堂…嗯…



過咗堆樹之後就係…


一直上


直到上到個鎮度，又係攞命，呢幾日都係要上鎮…


入鎮無耐就一間albergue，呢個鎮d albergue都幾新下，包括官方個間。

再行前少少就一間超市





教堂對面就係官方albergue，隔離有另一間albergue

8歐，42張床，男女各2浴室，2廁格。
Galicia省嘅官方albergue，一般都係無廚具，wifi要註冊(我入gmail佢話我唔啱…未搞掂)









跟住去咗隔離間Pulpería Caldeira食飯…唔可以話唔好食…簡直係難食，菜乾湯好普通，八爪魚係硬嘅，完全唔係呢邊應該嘅水準。仲收咗我地每人20歐。



差唔多食完就開始落雨，碴碴臨埋單返去收衫
跟住就落大雨，仲有仆街拎埋對濕咗嘅鞋上黎臭到成間房都係味。

成個norte+primitivo都係好難揀
norte好多未開…
primitivo距離遠，跳過一站就要行多10km以上

白烚薯仔

Fonsagra個教堂7pm會開，好似8點彌撒。

尋晚間albergue有個日本人，叫自己Taito，我問佢點寫…佢拎本簿寫畀我睇…

泰斗

我問佢知唔知點解，佢話知啊，但其他日本人唔知
佢話改呢個名係因為九幾年去過中國行泰山。行上去，又行落黎。
佢係一個有機農夫，農場依家靠個parter幫手。自己就放假放到11月但eu免簽得90日，未plan Santiago之後做乜, 可能去Ice land 定Ireland。
又話自己廿年前黎過香港，問香港依家點
佢又係咪Irun開始行，仲話有另一個大阪人應該遲我地一日。
義大利華人約埋佢今晚食飯，但我買咗d垃圾當晚餐


albergue有個5人組，成10點仲圍喺房入面吹水，明明出面大把common area。
一嗰女仔喺度話佢手機入咗水…但佢仲喺度吹氣落叉電位。
有個阿叔就講下之後幾日d plan，第二朝6半起身，7半前出發（大佬你地食飯個陣無講？）
另一個女仔就喺度呻佢睡袋濕咗截。
另外兩個男仔就…唔記得佢地喺度講乜

間albergue有隻貓，鍾意瞓落人地張床度


睇下你班生番，搞到我間屋又臭又濕

Day16
6月4
Fonsagrada to Castroverde
大霧轉多雲，下午有雨
36.5km, 上720，落1050

我執緊野嗰時，隻貓仲去同其他出發嘅朝聖者送行

今朝搞掂哂d野出門口先7點，仲早咗


應該進入咗Silent Hill，按流程我應該入屋搵資源



沿住馬路行一陣就到下一條村
村入面間教堂，下面有水


有間旅館，有朝聖者噚晚住呢度


出村望返轉頭，日出受到阻力


之後進入林間

轉戰公路，墓地跳隻鬼出黎，講西文溝通唔到點算

續戰公路，側邊好大片樹林，wendigo?


Oviedo開始就好似無見過踩單車嘅人，又係嘅，咁多上落山點玩


無入山嘅話，路邊有間pension可以住, O Piñeiral.



原始之路好多箭咀係為咗避開公路就兜入山又上又落，唔係話兜入山唔好，但無野睇純粹為咗避公路就好無謂…唔通行公路就唔係朝聖咩，d回民三步一拜，但行公路又點計。


雖然咁講，我行咗一段公路之後都兜咗入山

入山又要上斜

又穿過人地農場…好大霧，乜都睇唔到，得一條路行


當開始咗入山，出返馬路其實都係另段山路嘅開始


見到個人，但佢行得好快，開始出太陽
但大霧到我個頭都濕哂


之後一路上山，路過條村，有兩隻無綁住嘅狗一隻走埋黎聞聞下，我畀咗個面包佢食，另一隻大隻d嘅喺遠d吠咗聲，又驚咁走埋黎，我都畀咗個包佢食摸就不了


跟住又見到風車山又要過去？



都唔知係雲定霧

但出太陽，又可以拎d衫褲出黎曬


轉個彎，真係要上山


不過圍住咗，上唔到去


繞過埋風車之後，側邊有座教堂。前面就噚日去Buron條分叉線會合返


跟住又落山，但對面…雲上面嘅風車，仲要一排



前面行個條友坐低咗喺度食早餐真係好風景

之後繼續落山，又入返堆雲霧入面



落落下有間bar，一堆人停咗喺度休息，包括義華，烏姨，兩個南韓人，其他都無留意乜水。
我見app話下晝2點會落雨，唔休息啦



啱啱彈個sms出黎話我data用過咗50%，叫我去個網增值…
再落就到馬路，d霧吹緊上山


之後路邊有隻貓，見我上等威風，顯現一身虎膽。但佢落草無膽，露出半個貓頭。



跟住行一段馬路，路過一條村嘅時候見到隻黃貓，肥到佢




繼續落山


有間bar


又經過一條村，一間教堂



入村上山入林落馬路





入村

有間casa

有間教堂

有啲手工品，donativo

出村路過個墓，跟住又上又落


見到個阿伯行返轉頭，以為佢又係嗰d逆行嘅

原來佢真係行錯路啫但阿伯你唔使咁執著嘅，行馬路都去到。

雖然咁講，我都跟阿伯兜咗入山
又上又落


到一個鎮Baleira(O Cadavo)，
呢個鎮都幾多albergue，仲有間超市

阿伯竟然停喺度


出鎮上山

有間廢棄咗嘅教堂


瘋狂上山

有人用車黎趕牛


之後又落山入樹林，好大片黑雲



之後仲喺樹林入面就開始行雷


唔兜路了，直接出馬路行，反正淨2km

舊黑雲越黎越大，仲近咗。


行馬路好快就到，仲未落雨，仲幾好天下

見到Castroverde albergue，其實應該skip呢間，先1點過d，再行多7km去下一間私營嘅，20歐包晚餐早餐，成班人食應該仲開心。


albergue de peregrino de Castroverde
官方，8歐，34張床，男女廁浴分開，男個邊2廁格3浴格。有洗衣乾衣機。





一開頭仲以為有個煲可以烚蛋，原來係人地個女定新抱帶過黎嘅，入面仲有野食



之後走出去食野…無menu得單點，叫咗個烤牛肋骨，中哂伏，好難食，仲要15.5歐埋單




食完…其他野關哂門，因為今日星期日，連超市都無開。


坐喺度打文，打打下開始落雨，快d收返d衫…跟住有個意大利人黎咗。

未打完，越落越大雨，跟住個意大利華人同個烏克蘭阿姨黎到，烏克蘭阿姨話佢book咗下一間，因為有晚餐 早知我都去，我咁多時間。
華人就住低咗，阿姨就帶埋d雨走咗

聽日就到Lugo，睇情況，如果太早行完就行去下一個鎮。

台妹話Lugo個官方albergue係優先接待行過黎嘅人，搭車過黎行last100km嗰d要等到好夜先可以住。

原來係星期日連menu del dia都無埋 意大利華人話上一個鎮有menu del dia，但貴咗3歐，不過好好食…唔怪得d人要買定野食。

原來咁快已經行到Galicia，即係好快就到喇
巴打預幾號到Santiago？

應該6月8就到
6.5 lugo,
6.6 as seixas
6.7 Calle
6.8 Santiago
依家santiago究竟使唔使book定先呢…

樓主出文都好勤力，抵讚

時間過得好快，繼續留名支持，巴打好好享受餘下路程

可以行返轉頭食飯
然後再行返去Castro瞓覺

Lm

追到live

Ching 好！個post 終於睇到嚟呢度！我2019年都行過Primitivo！睇你啲相都認得好蛋
多地方

嫌肌肉唔夠痛咩

做咩唔出post

好驚好多人，無床就好難享受。

留名
上年行左法國之路
識到個日本阿伯 行完你果條 即挑法國cls

前幾日book定就ok
https://maps.app.goo.gl/xHMBuxPZGmj9Lj6PA?g_st=ic
呢間啲海鮮好正

咩價錢？

樓主咁快已經行左16日
日日追post 都唔覺已經出發左咁耐