2023 朝聖之路 camino de santiago 北方原始葡萄牙之路篇

聽日繼續，逆行葡萄牙到波圖

中途有幾站，有人落車又有人上車。


部車仲會去Finisterra…搞到車程成3個鐘


巴士站唔夠位U turn，結果兜咗去碼頭U turn。



Muxia落車出太陽你敢信？

好多海貓


超市隔離有檔香港失敗咗嘅小食車(?)，上面賣churro，西班牙油炸鬼，甜食黎，一般沾朱古力黎食

走去超市買支水先


出返黎就開始落雨


少少雨怕條鐵


見到教堂了


教堂隔離係…好似大三巴咁，得返個門口


教堂有開，但無印仔…仲開始越黎越大雨


行上去上面舊石度影相先




之後又大風又大雨，企咗喺舊石側邊避雨，擋緊d都好。睇住d浪拍下d石，又風又雨…都幾


影下個0km先，呢邊真係唔使排隊


大風大雨都係有人嘅


聽住海浪拍打d石頭嘅聲，等咗半個鐘，有轉機


再15分鐘，天晴了，仲出太陽走上高d嘅地方影下先


跟住又落去低d又影下先








之後就返鎮食飯，一陣仲要搭車走真係應該噚日下晝過黎，睇埋日落。又唔使住santiago咁貴




喺巷仔求其搵咗間，叫咗條魚食…有d似鯽魚，14.3歐，如果唔係menu(餐)，d包都要收1歐


走去車站，咁多人，上唔上到車㗎一陣…

搞到落雨都未開車，呢邊d做野效率真係…最後有6個上唔到車，要等6點個班，其中3個依家最巴士司機買飛。

唔記得講，前日As Seixas to Monte do Gozo行60km，祭献咗1對襪同2個水泡…兩邊襪腳踭都磨穿，磨穿嘅位就磨出咗水泡

架巴士遲咗開，樓豬等陣要衝去大教堂attend pilgrim mass呀

Botafumeiro

雖然部車遲咗幾分鐘，但唔經Finisterra，亦都無停站，返去就1個鐘多d。未到5點就返到


之後返albergue途中，經過超市，買咗一盒4條M字雪條食。返到albergue又見到葡萄牙老手。淨2條雪條畀咗佢同另一個同佢傾嘅人


放低d野之後又去教堂附近望下，都仲係咁多人


之後入座堂，見到意大利華人，佢話佢前兩日遇到2個台灣阿姨，坐在前面，我就走去聊天…她們走了42天，一邊走一邊玩，走走停停，還遇到其他台灣人，然後那個台灣人說前幾天在albergue被個咳嘅老外傳染咗，之後傾偈咳咳咳又傳染咗佢地
佢地兩個中咗，一個第二日就病發，但嘔咗一鑊勁嘅，就好翻。另一個就又嘔又咳，病咗成個星期。

領聖體之後就Botafumeiro，之後mass就完。



之後我地幾個去食飯，有人推薦話呢間Manolo好食

不過我叫嗰兩個都一般般



聽日又要繼續了。

個晚餐13歐

間野係咪叫O Piorno

果陣日日鋸扒鋸到傻左
係後尾同啲外國人一齊食野 就用心搵啲好食的
巴打行邊條？

樓豬行左幾多次？

2018年Camino frances
印象中淨係記得啲柴皮豬／雞，同埋食咗一餐章魚
反而啲cheap雞嘢薯仔蛋餅，kebab，paella嗰啲仲好食

google返，睇相係佢，你點知㗎

Day22
6月10
Santiago to ?
有雨…

依家個plan係行中央線到Tui之後轉海岸線。睇下葡萄牙嘅海。

噚晚食飯食到10點幾返到albergue葡萄牙老手仲同d人吹緊水，烏下烏下就11點幾先瞓。


朝早葡萄牙老手6點幾又喺度等我，教我d葡萄牙線嘅注意事項。
例如海岸線其實都分2種，一種係coastline,另一種係litoral. coastline 其實同北方線咁，唔係全部沿海，反而litoral就係行海邊。
Padrón去教堂蓋完印仔，再去住公立albergue，拎多張證書。但第一日去Padrón得24km
有個鎮有露天熱水浸腳。唔記得咩名
又話唔好住tui，過咗葡萄牙再住，可以望返轉頭睇到成個tui。


臨走再去座堂望下


竟然遇到加拿大仔，仲識咗條女，真係被選中嘅小朋友。一開頭仲佢叫我先發現幫佢地影完相，8點鐘…落大雨，企埋一邊換裝


換完裝行咗唔夠10分鐘又停雨



係有藍色箭咀不過真係好難發現


之後就繼續出城

我有餐lunch係果到食 但我覺得幾好食

補番2張圖

Day22 逆行故事，新的傳說
6月10
Santiago to Padrón
25km
有雨轉晴，下午大風。

出城又係要過橋，下面又係高速


過完橋竟然有得向左走向右走…葡萄牙之路入城都仲要兜



喺野外d藍色箭咀就比較顯眼，不過成日喺d路口位反而見唔到箭咀


又係d山路穿插下d 公路咁


遇到幾個人，同佢地講buen camino，其中呢個阿伯竟然估到我行去邊，話佢camino finish，指下前面，我嘅camino


之後行行下開始好天



無乜箭咀，咁我就係行走嘅箭咀


之後黎到第一條村…無教堂嘅


有隻狗仔走埋黎，諗住餵佢食隻蛋，點知隔離屋開門，佢就走咗入去


之後出村, 好好太陽


都仲係要行馬路邊，而且今日都幾多馬路邊要行。


行行下，聽歌算，聽住歌好快就到下個鎮，跟住就行錯路

有間超市，不過我仲有餅乾同plum，仲烚蛋，就無入去


跟住又係馬路山路穿插



之後忽然開始好多人

由於逆行嘅關注，每個人嘅樣都可以望到，而且每個人都打招呼，hola buen camino…




打招呼打到都唔知自己做緊乜，淨係喺度諗乜咁多人啊，差唔多拍住法國之路咁

跟住又入村


見隻狗仔唔吠，獎你食一隻烚蛋


仲係好多人 ，多人嘅好處就係…佢地先係行走嘅箭咀跟住人群行就無錯。


而且開始有d農作物，但認唔到係乜


人啊

人啊

過橋

之後都係人啊，唔知有活動定係乜，好多人踩單車，雖然有d係朝聖者，都肯定有一堆唔係


之後都仲係人啊

人啊

同埋送行李嘅

唔知係噚晚瞓唔夠，定水泡有d痛，定打得太多招呼，個人11點就開始攰攰地咁。

路過間albergue，公園個水龍頭有水嘅



之後又入村，
見到隻黑貓喺屋頂

好大班人喺度休息，我發現，葡萄牙之路嘅男女比例，同原始之路調返轉而且後生女仔多。




出咗村之後又要行馬路，路過一個唔知村定鎮A Picarana



不過都只係路過啫，轉個頭又入山返村。


跟住見到堆羊仔，離遠都仲叫，但人一多就唔叫



呢棵葡萄樹開始結果。



之後繼續打路打招呼一路行，有d仲有帶小朋友黎行，唔知行到幾遠







之後見到d單車友喺度撚狗…

見到第一個教堂，但一堆墓


之後無耐又見到另一間，有開仲有印仔，不過有個人坐喺度蓋印，但佢都可以蓋到轉咗90°，我無donation啫，唔使咁啊


過咗個教堂之容開始無乜人，而我已經無乜心機再打招呼，無乜人仲好



竟然有火雞，真係好皺皮。


之後穿過條村，


路過馬路邊有間hotel, d廣告牌寫有menu de peregrino，但我一路行一路食餅又食蛋



之後入村又路過一間墓堂


墓堂再過隔離個鎮就係今日終點，Padron

Padron個教堂…1點-5點關門…what？,個葡萄牙老手仲叫我黎咗呢度蓋印先去albergue。算了，去albergue，成個人攰攰地都唔想再行。


過橋
山
山上面有另一座野，唔知咩黎，一陣再去睇



轉彎上去見到3個人落黎，拎住張A4紙咁嘅野…應該就係個所謂嘅證書
Albergue de peregrino Padron
46beds，公立albergue wifi仲係個問題，搞唔掂囉。
男廁得2個浴格，1個廁格，極度唔夠。

原來個證書叫 Pedronia, 話你黎睇咗裝住saint james遺體條船，不過佢張野硬卡紙黎，有d難卷埋。




d床真係好close


等咗陣先有位沖涼，搞掂哂過隔離望下，又係無開


葡萄牙老手叫我去Santiaguiño Do Monte，我本身以為上面張相嗰個係…原來要上山…




一堆人喺度…做乜




原來有人喺度影緊結婚相，唔知一陣會唔會簽埋紙




之後落返山

過去超市買野，買完返albergue途中，噫，窮人恩物…意大利華人同我講，話全歐洲嘅doner嘅肉都係德國間公司做好急凍再運。唔怪得度度味道都唔差得幾遠。


買咗個kebab坐喺河邊食當lunch前兩日使太多錢，要慳下。最衰官方albergue又無廚具。


都係時候要plan下之後幾日點行，我1點到已經唔止一半床被佔領咗。

啱啱發現呢間albergue唔係乜都無，有一個煲，有刀刀叉叉，夠我烚d蛋留聽日，聽日星期日又係好鬼麻煩

m字頭雪條，仲要唔貴，不過噚日已經食咗，今日就節制下。

最神奇係間超市竟然無奶賣，唯有買d乳酪頂當。但呢邊d乳酪我食咗咁多日都有加糖…

另外嗰兩間教堂咁嘅野都係無開門…做乜鬼

喺albergue遇到今日喺教堂門口見到個對父女

原來係Bolton人，老豆喺Heineken返工，控制電腦出啤酒，兩部電腦，1日出6千萬罐…佢話返4日放4日，公司再有30日假，變咗佢一年只係返5個月工。另外自己再整咗份裝修黎做。加上佢個女下個月就10歲，想做d特別嘅事黎記住佢呢個10歲，所以佢地依家就黎咗行camino。佢地Porto出發，行咗16日，聽日到santiago。d衫同水就個女自己孭，其他都。佢老豆孭哂，佢老豆個袋話有15kg。
佢個女食飯個時又好似香港d細路咁，手機送飯。佢老豆雖然唔happy，但自己喺度飲啤酒，嗰女食唔哂個d佢食埋。佢個女又喺度玩tiktok，又玩手機game。不得不說黑人基因真係強大，佢仲有個14個月大嘅仔，都係咁黑。


聽日可能要行40k，睇下點…

真係有運saint james遺體條船睇?巴打有無影低,想睇

間教堂無開門…我5點幾再去睇都無開，下次有機會去Padrón橋側邊個教堂睇

Day23
6月11
Padrón to Pontevedra?
大霧

呢間albergue嘅人係咪痴線㗎，4點幾就開始執野，bingbingbongbong 執到6點都仲有人起身接力…又有唔少人直接喺床邊整理個袋…大佬啊無人教過你攞d野出去執唔好嘈到人算9數起身食早餐
落樓下見到對英國父女，打咗個招呼。佢地去埋廁所就走咗。

我搞掂又半個鐘後我走嗰時淨返4對鞋估唔到…有唔少人拎咗鞋上房
albergue隔離呢座野都係無開門，唔知乜黎。


過返河嗰邊嗰座教堂應該係保留住條船仔？可惜無開過門…


之後沿河邊行出鎮


晨咁早就準備開檔


好鬼大霧


之後又另一條橋過隔離鎮，過完橋就開始分道揚鑣，海岸線就轉右沿住河走，中央線就繼續直行油站左邊入村。藍色箭咀又唔夠明顯，差d又miss


呢條村(?)竟然有個教堂

唉頂佢，又帶咗我去兜路仲要上山，應該要建議下佢整返d室外電梯方便下我呢d懶人先得。


朝早無乜人…好鬼易行錯路
兜上山都有好處，Pontecesure 山上個公園有水，但我啱啱先出發。


教會vs工業



話說行呢邊已經開始有人講Bon dias，bon=good 葡文/法文。

路過個公園又有水龍頭，唔知邊個用完無關掣


之後就出村lu


行行下又入村，唔止放狗仲放貓


過咗條村之後，見到個…同我一樣逆行嘅人？


行行下出咗馬路，又唔見咗個人…頂我又行錯路


哇，得13°，唔怪得涼陣陣。好適合行路
7，8月人多又熱。5,6月or9,10月涼涼地行就最好…不過北方之路…5月仲落雨


到咗Valga，搵咗條路轉返入camino…不過咁大霧，行邊又有乜所謂


兜返入去，啱啱好又見到一座墓堂。

側邊有水龍頭


又有另外兩個逆行嘅人

呢種矮嘅又係葡萄樹

之後同嗰兩個人傾咗兩句，佢地都係去Porto

話說噚晚我問又彈意大利華人關於嗰個赤腳俄羅斯人d野。赤腳俄羅斯人返工同人打交，唔知點就走黎行，佢係有帶野過黎，不過喺Oviedo就放低哂變咗赤腳。

佢點知係行路定搭車？

佢點知係行路定搭車？

睇你本credential嘅印仔前一日喺邊。