2023 朝聖之路 camino de santiago 北方原始葡萄牙之路篇

喺Aveiro去Coimbra搭巴士只要45分鐘，6歐
但個巴士站離舊城區有十幾分鐘路程

落車第一件事就走去櫃枱問佢聽日Fatima車飛…佢話要11.99歐…whats?? google map之前寫4.99歐…即係鐵路罷工佢趁機加價…

去另一個Flixbus個巴士站嘅時候見到舊石


跟住走去另一間Flixbus…點知佢連櫃枱都無，巴士站喺橋底，得塊牌，問咗司機佢話去Fatima都係呢度上車…不過呢間本身寫2.99歐，都加到4.99歐…但要online買



買完車飛就行入城行行下睇地圖發現，側邊原來係camino，咁就轉出去行…原來河邊黎…但曬到暈





河邊行行下就到火車站，呢度好似係舊站，新站Coimbra-B 仲遠過嗰兩個巴士站




再望一望，酒店就喺對面，但要6點先可以check in，佢老板book嗰時又睇漏眼。
33歐+1歐城市稅,無早餐


未check in得就去行下先


但又要上山，叫佢大學城，因為…佢本身就係景點？其實都唔知邊個改嘅


上山先經過個舊座堂，入面好細無乜野睇，而且我懷疑佢以前俾人搬咗好多野…好多位空咗
2.5歐入場…新座堂靚好多而且先1歐









之後再上就

新座堂…隔離就係Coimbra大學，竟然個大學係世界遺產








座堂入面放咗好多野，好似準備錄影定直播咁…cam都望到兩部，一左一右，後面唔知仲有無

…後尾行埋個校園…發覺有d學生影緊相，可能行畢業禮，教堂入面行畢業禮







呢個係鄧不列多嘅原型？


呢度d學生都係黑色袍，又係哈利波特


呢個廣場隔離就喬安娜圖書館…又係哈利波特個圖書館原型…
要門票，得13歐個套票先有得入去包埋另外兩個館。但今日遇到兩個美籍華人…佢地話入面好靚，10分鐘就乜都睇哂，但好值得睇…但我無時間佢買飛有分流限時入場…


廣場仲有個餐廳…可以入去，但好似收咗檔


之後夠6點，走去check in
Internacional, Coimbra
33+1歐…終於自己一間房，仲可以浸下浴缸



，不過之後里斯本book唔到，一係勁遠，一係勁貴太遲book，本黎有間37歐有單人房嘅…但得返2日可以book…唉算9數

搞掂出去食飯，camino嘅話唔會兜上山，直接側邊過，其實應該要上山睇下個新主教座堂




最後求其搵咗間

見佢有舊橙色嘅野…原來芝士黎，一食就另外收咗我4歐


d飯有味嘅，但有生米

成餐唔多好食…埋單19歐，杯酒都唔好飲，都3歐

聽朝又要9點前check out，呢間酒店咁鬼麻煩
個wifi仲成日斷，搞到我走出門口，見佢個router就咁掛咗喺牆，抆插佢電源幫佢reboot…跟住就好好多

我已經行完哂，6月24返香港了
做乜要轉原始之路，難行好多，不過人少好多…
7月份仲行緊嘅話，天氣應該熱到癲
Burgos嗰主教座堂一定要去參觀…我覺得係成個camino france最靚嘅教堂，內外都係。santiago嗰個係正面靚佢少少咁啦。

痴q線，post錯廁所圖，上面嗰個係走廊公用嘅。
呢個先房入面嘅…但無風筒…

仲驚你冇得浸浴tim

Have a good sleep!

等我仲喺度搵個浴缸喺邊度

6月18

噚晚我間房向入，唔向馬路，一d都唔嘈
開咗冷氣瞓，瞓到一半熱到出汁，拉開張毯，瞓瞓下又凍

瞓醒食d野，跟住喺酒店hea到9點check out先出去行…今日嘅行程其實得…Fatima
而Fatima…得2個教堂。同Muxia個日拍住差唔多咁hea

出門口行去新主教座堂望下，睇下係咪有咩先…見地下塊指路牌…雖然我知係fatima之路，但棵樹係咩含意？


路過校園…


google translate完都唔係好明…
Bênção das Pastas Queima das Fitas
咩文件夾祝福燒彩帶

之後發現，原來佢地唔係拎四方帽…而係拎一個皮製文件夾，好似書皮咁可以打開，綁住8條彩帶
google圖片


之後就等下睇佢有咩睇…




原來係一個mass黎，但我無時間睇哂


原來件黑袍最主要嘅用途就係鋪地


之後求其食咗個kebab就走去巴士站，成20分鐘路程


早5分鐘到，但未上得車


原來中途站黎，部車本身有其他人…終點都唔係fatima…即係有機會落錯車

6月18
Fatima得一個巴士站，所以搭咩巴士應該都係呢度落


出巴士站望住馬路轉右行一陣就到 Fatima個聖地



嗰聖地得2個教堂。

Basilica da Santiasima Trindade
花地瑪天主聖三教堂


Basilica of Our Lady of the Rosary of Fatima
花地瑪玫瑰聖母聖殿


大馬路近聖三教堂，就入去先

呢個教堂好似係後尾靠損款起嘅…


好大，好乾淨乜都無
唔好意思講得好俗…我係話周圍無好多壁畫啊，雕刻啊之類。




一出返黎就望到對面聖母聖殿


中間路過嗰位，仲有人喺度讀經…網上話讀玫瑰經…不得不說…喺Fatima d人真係態度都虔誠好多…唔計d遊客


讀經隔離有人喺度唔知燒乜…心諗點會燒衣紙㗎…行埋一睇，喺度煲蠟…
成堆蠟燭丟落去燒…有咩意義？？？？


聖母聖殿…errrr，只係白d，可能建材唔同…但設計淨係企咗一個聖母





左右有14幅…左邊開始睇起，每幅都係一個章節，上面個數字下面嘅字應該係主題。















望多次個正面，就走去搵酒店…



頂佢，原來book咗間劏房





聽朝睇下早少少過去無乜人再影多次相。
book咗1040巴士去里斯本

斯本行程實在係唔知點plan本身預2日市內，多1日就Sintra…結果依家有5日

得很閒走去超市買咗包薯片食住行去聖殿，去埋個廁所就入去入面坐下…聖殿附近有幾個廁所，我見到嘅一個喺聖殿後面去馬路，一個喺望聖殿嘅左邊去停車場出口。


坐坐下就mass


去到祝聖聖體…飛咗隻鴿入黎


完咗出返黎凍咗好多







本黎搵咗兩間餐廳，不過都關咗門，google map寫仲營業緊
仲要我已經行遠咗，跟住喺返劏房嘅路上是但搵咗間仲開嘅…叫咗個pizza，12歐，拎咗返房食

食唔哂


劏房叫what else guest house…離聖地同巴士站都有d遠，1公里以上…18歐一晚。不過3pm check in，11am check out
又無check清楚，知佢咁晏先check out就book晏d架巴士。

6月19
瞓到差唔多7點先起身食埋淨低兩塊pizza+噚日買嘅蘋果，就又去聖地望下…

咁早已經有人，應該係我晏
聖母聖殿就6am開門


又影下





但三一教堂就9點先開





三一教堂對出有樓梯落下面…噚日唔知做乜skip咗
下面有個細教堂，懺悔室，廁所。其他未到9點無開，唔知仲有乜







之後周圍望下
煲蠟嘅後面可以買蠟燭







未到9點就出現大批遊客，開始嘈…跟住我就返劏房算

一路話蓋印，其實就係呢本野…credential del peregrino，朝聖者護照(?)

第一頁係d個人資料+出發地嘅印。

估唔到咁少格都夠用太多教堂無開，我又無乜去d bar度蓋印。
行法國之路，SJPP個本兩頁都可以蓋印，d人都可以蓋到滿哂再買多本。

波圖個印仔

porto間albergue個印佔1格半…
其實前面第二頁最底嗰 El Cantu，一個albergue黎，我路過見佢有開，問佢蓋咗個印…佔2格，佢印完我打咗個突
仲有就Fonsagrada個印…太濕我就合埋咗，佢印咗過對面個頁

6月19

架巴士遲咗5分鐘 10點45先到，佢real time info寫delay 1042，都仲要遲


但遲咗20分鐘到里斯本Oriente站，呢個站喺正機場條地鐵線（紅色線）。


巴士站有樓梯落地底


落一層有廁所，但臭到暈。好多流浪者。


再落多層先地鐵站，影出黎偏哂色，唔知做乜


我一連幾晚住個間hostel都係呢條地鐵線
無飛就先揀without viva card，買空card 0.5歐 ，其實就一張紙，入面有條nfc磁帶
單程1.65歐，可以增值3,5,10,20,40歐，
一日卷6.6歐，搭到4程就回本…基本上係無可能搭唔到
但上網d人話張card 單程同一日卷，同時只可以2揀1…即係單程入咗錢未用哂，就買唔到一日卷
我撳咗陣，後面條友見我搞唔掂咁，直接幫我撳

買完飛拍卡入閘…佢部機有d慢，唔似得香港咁快




呢個扶手真係令人不安


跟住發現張3UK sim卡黎到里斯本，連咗個Meo嘅network之後，開hotspot，第二部機係上唔到網 好彩我唔係好經常要用啫。

間hostel喺Alemeda站，兩條線交界，但唔近舊城區。張相後尾補影


去到間hostel，痴q線嘅無reception，門口密碼鎖，撳鐘又無人，隔離淨係痴咗張紙教online check in就有access code。

搞咗一大輪都係無code，之後有個黑人女人落黎，緊係搵佢求救，可能係d工作人員，佢向樓上叫，又叫咗個男人落黎。個男人落黎，同佢吹咗陣水，原來係巴西人，黎呢邊打工。
佢食咗枝煙就帶咗我上1樓common area，話我可以喺度等到6點check in，或者放低個袋去食d野先，佢幫我看住。
我緊係…放低個袋就出去啦。

之後，過咗對面食咗個尼泊爾餐，都幾好味。7.5歐




之後搭地鐵去咗Rossio，好近各個景點嘅站，去Sintra辛特拉都喺呢度轉火車。

之後向海邊行



之後見到個部lift，好多人排隊，如果買咗Lisbon card都可以上一上去…唔係嘅話，就無謂了，因為之後去主教座堂再上山，有觀景台，都係望到差唔多嘅野…掛？


喺電梯見到隔離條街多d人，轉過去，原來係R.Augusta街。我仲mark低咗喺map，咁都無留意到


見到第一部有軌電車


過咗道門，前面又整路，無得直行出海邊






個廣場有d似西班牙廣場，除咗向海個面無圍住。

對住個海出征？



跟住就諗住沿住個海行去貝倫塔Torre de Belém 睇日落…但個天咁q多雲


行行下就到Cais do Sodre站，入面有個超市

買成隻燒雞都係7.9歐

最後買咗支橙汁only

呢度車站d廁所要收費，0.5歐…不過Cais do Sodre行過對面Time Out Market 入面有免費廁所…我後尾去先知。

對面有另一個大耶穌像不過我就唔去睇了


之後行行下開始落雨，喺個碼頭避咗陣雨，之後放棄唔去貝倫塔了，跟住轉上山，路過聖本篤宮 Palacio de Sao Bento…我見google map寫可以入去，但我唔見有人入去/排隊 算了



之後再上


去咗埃什特雷拉聖殿 Basilica da Estrela


仲以為Botafumeiro嘅double版，但佢個爐嘅樣普通d


之後兜黎兜去，都係去主教座堂望下。
跟住路過嗰位，好多人排隊…咩比卡升降機Acensar da Bica



再之後
反正都附近，兜埋個遮…但好少囉，仲普通過Aveiro，似間cafe嘅裝飾多過咩景點…


之後去座堂途中又路過個有開門嘅教堂
Church Nossa Senhora da Conceição Velha

入去𥄫下



之後去到座堂，6點關門…而且開始出太陽


座堂門口有電車會經過，呢個阿姐成日想過又唔想過咁，俾人響horn先退返上行人路

6月19

都過咗黎呢邊，反正都係，上埋去個城堡望下。行行下見好多人…
原來係聖露西亞觀景台Miradouro de Santa Luiza





行多兩步就另一個太陽門觀景台



之後就兜上城堡


見到隻孔雀差d俾車撞…


跟住見到隻色違版



跟住聽到有野叫…原來另一隻孔雀叫


之後去到城堡但差唔多關門，停咗售票

好啦，唯有去食飯，經過間餐廳…入面全部亞洲人…咩料


附近睇黎睇去都唔知食乜，最後去咗Time Out Market…其實就係一個美食廣場，但遊客版，d野都幾貴下



呢度有免費廁所

跟住食咗個八爪魚沙律+杯sangria…杯酒好似果汁，好易入口，但都有d力



個八爪魚沙律，食咗d都唔知佢仲撈咗乜落去 酸酸地又幾好食，雖然size得平時香港西餐個湯碗咁，但全部都差唔多係八爪魚，對比我喺camino食嗰幾餐八爪魚，呢餐好食好多

埋單15.5歐，淨收卡，唔收現金。

之後返hostel check in
Daora Lisbon Apartments
20歐一晚，6點先可以check in。
間房好鬼熱，仲要無窗無冷氣。忽然覺得噚晚間劏房都幾唔錯




我喺common area打緊文嘅時候，聽到隔離台個女人同電腦講日文，後尾傾偈先知，佢本身做digital marketing，但見日本經濟越黎越差，日圓又係咁貶值，就決定出黎搏下，睇下拎唔拎到第二度嘅永居權。依家做web design，公司喺加拿大，本黎揀加拿大永居，但佢地日本人要加拿大永居嘅話，要分數夠先得。依家又想揀葡萄牙，因為葡萄牙住夠5年就可以永居。

同佢傾兩傾，搞到我成12點先打哂片文。

6月20

噚晚真係瞓得最難嘅一晚間房熱我ok，但佢整咗個好嘈嘅風扇放喺度…我熄咗佢，另一條友又開返，一點鐘我又熄多次，諗住有得瞓…結果下格床條友依家先返…又發出大量聲響

今朝懶下懶下，8點先起身，搞掂已經8點半先出門口。

今日淨係去辛特拉Sintra一日遊…睇兩個宮。所以應該大把時間

搭地鐵去Rossio站，出站行去火車站。望住呢座野，左邊過馬路。


呢座就火車站…要上電梯。下面好似都可以買飛？


上到月台個層，好多人排隊…應該係買d日卷？定長途飛？


去Sintra可以用機買，可以買1日metro/bus/train卷，好似10定10.5歐。如果淨買火車來回就4.5歐。

不出意外地又受到罷工影響，0911嗰班直接消失咗


依家等0941個班

去得Sintra, 去埋 Cabo da Roca la
甚至可以兜落去cascais 再搭cascais線火車返Cais do Sodre
有時間仲可以中途係belem 落車

lisboa 可以去下LX factory

但我已經買咗sintra嘅來回火車飛

6月20

0941個班車無遲


d人好似爭櫈仔咁…瞬間坐滿。仲有兩隻後生嘅鬼仔鬼妹直接坐咗喺地


班車要40幾分鐘先到
中途會停幾個站。爭到櫈仔就唔使企咁耐。


一出站，就一堆人sell你tour，坐佢架車之類。


辛特拉宮好近，行過去都係10分鐘多d



路邊好多遊客野賣


辛特拉宮…老實講外貌好一般 無打算入去


好多跟團嘅遊客


之後就去雷加萊拉宮Quinta da Regaleira



排隊買飛，成人11歐。之前上網睇話火車站info centre可以買1+1嘅飛平d，但問過佢地無飛賣…改咗地方？


都排咗一陣，買嘅隔離有個廁所，入面某d位都有廁所。


好多人…


地圖好重要，都有d用嘅


之後都係喺花園行，間中有d建築咁


呢度條樓梯好窄，兩個人都勉強可以，但肥d就唔得




之後繼續上山

呢個係Initiation Well嘅出口黎，入面有條旋轉樓梯…基本上係呢度嘅重點之一。


再上就會見到好多人排緊隊入去但仲可以上山，不過上面已經無乜野睇


都排咗廿分鐘…


唔使三分鐘就玩完仲要係d人狂停喺度影影影先咁耐。






之後落返去見到一堆人…其實就一條滴水嘅橋…



之後去入主館



要先去後面先入到。



都有d人…不過好快就入到


入面淨係得幾間房可以睇，之後就出返黎






主館隔離有個cafe



之後就byebye你條尾

好正

希望樓豬今晚瞓好啲

BTW, 樓豬喺揀上，中，下格床？

6月20

之後就去佩納宮Palacio Nacional da Pena
門票分2種，成人價：公園7.5歐/宮殿14歐(包埋公園)…
個公園，老實講同真係公園only，不過係山上嘅公園，好多上落，記得著對舒服d嘅鞋去
買飛要排隊，入公園又要排，入宮殿佢有分流…我1點9去到，已經排到4點…

真係plan咗去可以網上買定飛先。不過又可以行下個公園先又得。個公園都幾大…但對我黎講真係無咩特別囉日本d乜乜御園仲好睇d


之後就兜下個公園，一瞬間覺得有d似一班人去神宮參拜咁




路過個馬房，無馬



另一間屋，Chalet，唔知係乜







差唔多夠鐘，去門口打陣文先


夠鐘入去，掃code入場，好很多人…



上到去有兩道門



不過右手邊有好多人排隊…排咗先…原來又係入館兜…要掃多次張入場卷


入面仲多人…塞到龜速前進




聽到隔離個導遊話，2樓全部都係queen用嘅






我成日覺得呢d吊燈好靚，雖然唔實用


hmmm


呢幅畫幾好


兜完呢個門口出黎，已經有d眼睏。噚晚又瞓得唔好


門口隔離係個cafe，但好似淨係得三文治賣…


之後穿過頭先一開頭見到嘅門


好似可以望到里斯本，但認唔出



樓梯上去係個教堂仔



之後穿返道門過去走人

走人走人


當然門口少不了手信鋪，入去望咗望sintra番梘要7.5歐


唔理了走人，今晚早d瞓




雖然頭先有諗過去羅卡角，但有d擔心回程班車又罷工


算了，返去食飯，早d瞓。


噚日舊城區電梯隔離街路過個間餐廳，9成亞洲人…今日決定去試一試
入門口就同我講，淨收cash。好啊

都仲係9成亞洲人，中間係韓國人，其他都係大陸人 後尾有一台可能係香港人母子，不過坐得遠，無特登埋去傾偈


間鋪得一個主菜…就係海鮮泡飯，點完都等咗半個鐘…見到嘅有青口蟶子蟹洋蔥碎。

d泡飯超好味，不過d海鮮就好淡味，係咪因為煲哂d味出黎？

撈下個底好多料，分量好大，唔夠飽可以叫多碟包索埋d湯黎食，但記得如果佢畀芝士你，係要收4歐的，呢度一樣。

泡飯16歐，杯汽水2.3歐

食飽之後，附近行下，呢間卡爾莫修道院…竟然係個博物館…


食飽又好似精神少少，決定行返去hostel，40分鐘路程。
路過間中國人開嘅超市，入去望下

d公仔面…



之後喺hostel 附近買d野做早餐。
呢間超市d野平d


返到去都8點半

無得揀 佢派，中間
我頭先食完飯返黎同reception講
有無其他風扇，呢個太嘈瞓唔到
：咁你可以熄咗佢
：我熄咗轉頭有人開返
：…

之後…佢竟然黎收走咗個風扇，當我以為佢會換一個黎，直至截稿為止，都未見到另一個風扇

咁尋晚有冇熱到又瞓唔到？

噚晚正到爆，無人扯鼻寒，間房得返4個人，無風扇靜英英，反而我係最嘈嗰個成日轉身

咁好

等睇你𠹵啲post 今日去咗邊

里斯本要幫襯 Cervejaria Ramiro