2023 朝聖之路 camino de santiago 北方原始葡萄牙之路篇

Pastel de Belem 同 Pastel de nata 係兩樣野

有無得解釋下？

6月22
食飽又周圍走下，頂層又有個戲院


跟住見google map對面係個體育館，又去望下，原來賓菲加嘅主場


兜咗個圈，要門票就無入去了



之後又搭返車去舊城區海邊…睇d工人做野，原來係打碎原本嘅瀝青地，換成一塊塊石頭…扮返古舊感


個廣場多咗好多野…仲有個黑色嘅台…似係演唱會


之後無鬼聊又走去搭下電車。


搭到一半見一堆人落車，我又跟住落…原來佢地去睇教堂，算了。

我行返落去搭地鐵，見有個站有纜車logo，以為係水族館…
搭到去前一個站叫哂我地落車，原來中間有一段停咗


一上地面仲有人派雪碧zero版試飲


轉shuttle去下一站

停咗喺里斯本大學站，原來今朝去嘅係里斯本新大學


去到嗰有纜車logo嘅站Campo Grande…原來係里斯本體育館站咁就過去望下，又係要買飛入場內

但佢有其他野開，又望下

好似個死場咁



之後搭返去搵野食算。
去咗Restauradores站，Rossio隔離，有條街好多餐廳

是但坐低咗，見間間都烤沙甸魚，就試下…結果同烤青魚差唔多

碟魚8.9歐，杯啤酒5歐

之後返hostel算…唔啱，其實唔係hostel黎，係guesthouse，應該算係民宿？我前日路過見其他guesthouse又係咁，樓下密碼鎖…睇住條友又係喺度係咁打電話，跟住試密碼
Alamenda出站後，呢個公園晚晚都係咁多人喺度hea

Pastel de Belem 即係Belem 嗰間排隊店賣嘅葡撻
因為件葡撻跟據Belem修道院嘅秘方而整

Pastel da nata 就係普通葡撻

我就食唔出好大分別
最緊要係熱食好過凍食

咁又冇試到免費sprite zero?

去唔去試吓自己整沙甸魚罐頭間嘢呀

好撚好食，睇到啲相流晒口水

可以整個「馬戈沙甸魚罐頭」喎

有試到，都係有種zero嗰種講唔出嘅甜味…
整沙甸魚罐頭 但我諗住今日2pm返去瞓覺，11pm去機場…等到5am起飛

嘩

樓豬好chur

咁都chur，噚日今日都無plan，求其行了。
不過老實講，
對比之前camino 7點出發，3點休息…
依家8，9點出發，8點返guesthouse休息…雖然一日三餐正常，但係攰d

6月23

今日就里斯本last day…入地鐵個時張24hr仲生效…出閘個時就失效了，結果出唔到閘


扶手挮右邊黃背包後面嗰女仔見我出唔到閘，招手叫我跟佢尾兩個人攝出去。

但咁啱有個職員路過，就錯失咗呢個機會了

又走去舊城區



之前沿海邊轉右，今次轉左

上面嗰座應該係主教座堂，都無入到去

不過呢幾日喺度行黎行去都無見過黃色箭咀。

跟住見到遊輪…

呢舊咁嘅野係遊輪碼頭


隔離停咗隻AIDA，再遠少少都停咗另一隻，嗰隻就駁橋過黎。

之後山上面有座…先賢祠堂



再行行下就到火車/metro站



跟住又走去搭地鐵，

轉電車是但去，純粹坐下電車


噚日唔記得講，㗎電車係會無啦啦有兩個人上黎查票

好有澳門feel

6月23

估唔到班28號電車另一邊終點係個墓園
一場黎到，都望下啦




哇佢老板，飛機航線會經過個墓園，嘈鬼死咩。

是但行咗陣，都係行商場開心d，於是走去搭地鐵。


又經過一個教堂



呢個公仔我已經係第3次見


又去返Oriente站個商場，去完都係覺得Colégio Militar/Luz個哥倫布商場好行d，因為大好多

喺超市行咗陣睇下有咩手信好買…之後去頂層food court搵d野食



最後食咗個車仔意粉，同Wok一樣，揀餸佢再即炒。

10.3歐

跟住就去超市買咗2件芝士當手信，搭車返guesthouse 執一執野，順便沖涼瞓覺。
聽日會update埋荷蘭轉機半日遊，之後就完。

小心糖尿病最癲樓豬一嘢啪四粒

沖完涼，等個身涼d就瞓覺…
不得不說嘅係里斯本呢個城市真係痴L線
無論大街小巷，景點定係地鐵站，空氣中總會忽然飄出一陣尿壓味 呢個情況不限於舊城區…

里斯本，市內3日就夠，再多真係唔知有乜好做。
今次最後悔就係Bilbao無留一日，去埋Gaztelugatxe加茲特魯加特島=龍脊島
應該都唔會再去Bilbao了

葡萄牙d野好食d，但無套餐，9成餐飲另計 加埋會貴d。

camino黎講，
葡萄牙之路d人少d主動同陌生人傾偈。多數喺albergue都係我打招呼先有偈傾。其他人好多都係撳電話。
但行人路黎講葡萄牙之路就好過北方之路…
淨係計個海黎講，葡萄牙嗰兩個兩個沙灘長d，不過北方之路嘅沙灘靚d，闊d，無咁多石，無咁多海草。
北方之路一個最嚴重嘅問題係，好多村係無野食。
不過兩邊一到暑假應該都巨多遊客，行山look經驗都幾突兀。
葡萄牙之路中央線人數>海岸線

推薦嘅話法國之路>葡萄牙之路（波圖）>原始之路>北方之路

法國之路嘅優勢在於人多，albergue多，文化豐富d，唔係淨得海。
除非你每日淨係行5-10km，唔係都唔使點plan。當然暑假嘅話就另計，今年好似都好多人行。

啱啱瞓瞓下覺得好熱，起身開燈撳下電話…跟住見到張床有粒野爬下爬下，一野撳死咗，有血…你老味bed bug黎

嚇到鼻哥窿都無肉，即刻起身望下有無第二隻，身上應該無被咬，再檢查埋d行裝…好似無。
即係隻野啱啱到步…佢老板即係我上格床個女人，佢今日下晝先黎，帶d蟲黎
差少少就玩完。pack好個袋，塞翻入櫃，出去避一避先…今晚唔瞓了
去住個大商場涼冷氣，等食飯，再去機場。

Bed bug!!!

希望樓豬冇事

Lm 睇阿姆斯特丹

Red light district 喺Bloedstraat

我9am到3pm就要返機場，佢無機會開燈

去行吓Amsterdam Central Station 附近都好

之前有諗過搭去睇風車，不過好似唔太近，放棄行下市中心算

估唔到葡萄牙最後一餐都係要中伏
喺Guesthouse 樓下間餐廳食…


應該係葡式焗飯黎，但d料全部水煮之後再焗

呢個cake好食少少，但原來佢另計，4.5歐…

呢餐埋單20歐 中哂伏，明明出面menu de prato寫13.5歐。

葡萄牙食野真係無套餐嘅佢老板

6月24

夜晚12點去機場已經無乜人


有一班小學生入境真係開心


成地瞓覺嘅


周圍影下 影漏咗入境個邊tin



online check in咗，但奇L怪，揀唔到第二程座位 佢編咗個走廊位畀我，等陣埋櫃台睇下有無得改窗口位先。上次巴塞返香港坐走廊位，係咁俾人撞，d鬼佬都痴痴地線嘅

Nice flight, 樓豬

咁就玩完 又要重新出發

6月24

2點鐘見櫃台有人，以為可以去check in，點知佢轉頭趕哂d人出線外


跟住佢地自己briefing。briefing完又放人埋去。

走埋去問佢幫我改第二程座位，佢話佢都改唔到…？？

算了，拎咗張紙嘅登機證…一張印咗兩程…跟住boarding gate未開

啱啱先發現第二程機仲delay咗1個鐘15分鐘到…做乜？要兜大d個圈？

3點先入得禁區



都有d餐廳有開









連個牌都無，淨係得閘口個mon

排隊嘅時候後面條友喺度睇抖音都算…仲要開聲

仲要搭shuttle出去地面上機，好多年無試過 最記得就馬來西亞嘅蘭卡威…直接行出去登機，搭巴士咁



上機坐低喺度等，有個肥仔一路行一路打乞嗤又唔掩嘴仲要佢老豆老母就喺佢隔離
當我未send篇文出去之前，坐前面個𡃁妹又係咁…佢老母一樣無反應…睇黎外國係常態？

個窗唔花但好多塵矇到…
估唔到隔離位條友no show部機已經移動了仲有少少時間俾我send埋篇文