2023 朝聖之路 camino de santiago 北方原始葡萄牙之路篇

Lm

lm

流名

學下囉，咁得閒

Buen camino my fellow pilgrim!
The camino always provide

5月20
因為去Bilbao班火車7點15分喺Chamartin開，而我住咗喺Atocha附近，google map教6點要搭車先可以6點50分前到Chamartin…好撚驚miss咗，5點就起身執野，5半check out，結果6點10分到Chamartin

check out完行去Sol搭車，


有個阿叔迎面而來，我方派出一個鬼仔兩個鬼妹…阿叔直撞埋去其中一個鬼妹度，鬼妹啤咗佢一眼，3人繼續行，阿叔行咗幾步好唔忿氣，又調轉頭好似想打交咁。不過3人已經走遠咗
sorry，柏金遜，又無影到第二張左下就係嗰阿叔


後生仔身體好，可以係咁通頂



通完頂等火車返去瞓…大學生？唔使do？


月台有牌寫咩方向


部車停一停就開，差d影完相就上唔到


Nuevos Ministerios個站好多個月台最後問白衫個男人點搭去Chamartin



香港仲未合法，人地已經推入地鐵


部車有排都未到，連月台number都未有


搭呢d高鐵又要安檢，外套都要除…

lm

其實早d買，搭飛機仲平，不過想搭下火車

出發前20分鐘先有月台…


落到去鬼死咁凍先黎check飛



車入面有暖氣…（後尾好似弱咗）


隔離位仲帶咗隻狗上車



日出…跟住壞車
開咗個幾鐘之後，行下停下…仲喺隧道入面斷電，信號都無，又係金田一出動嘅時候






佢試咗好多次reboot，玩咗成個鐘終於又郁翻

留名

最後遲咗2個鐘先到…成1點先到Bilbao


今次做到最錯嘅事跟住就發生了，無book到房…
諗住靠infomation centre，係唔得㗎
佢淨係拎咗份hostel+hotel list出黎，叫我自己call去問。


唯有跟原定目標，去gronze mark咗個幾間睇下…




第一間無開雖然gronze寫咗，只想搏一搏，北方之路好鬼多albergue淨係開6-8月，可以蓋印嘅地方又少…


主教座堂附近見到第一個路標



入去蓋個印，入面reception個姐姐見你孭背包再拎本野出黎都知你想做乜…結果全日就得呢個印…北方之路真係唔pilgrim friendly


跟住再搵咗兩間albergue都係full，其中一間個reception叫我去睇下另一間hostel，google map見到48歐，已經玩到2點，仲有幾粒雨…於是又做咗個錯嘅決定…行去下一個town- Portugalete…咁就miss咗龍脊島，仲要係揀咗沿住條河黎行

之前睇人地d遊記都話好多外國人會坐車skip咗Bilbao to Portugalete呢段…因為都係工業區。
Bilbao個段都仲好d，有公園有水補給，有海濱長廊…但已經無乜雨，仲開始出太陽





但…我錯喇，一入到Portugalete真係好好好一般，完全係為移動而行。除咗跟住條河之後，唔知做緊乜，附近唔係d工廠就係d寫字樓…如果有人一齊行都可能吹吹下水就過咗






行到盡頭就係一條吊橋…吊d人/車過河


唔識買飛，

問人就最好原來要入咗錢先，再順任撳落去




Portugalete間albergue又係無開


唔緊要，去教堂蓋個印先…都係無開


已經4點幾…玩唔掂，再望下地圖，一個albergue 11km外，打電話去，無得book…出cheat算，搭車

間Albergue de Peregrinos de Pobena，男女各1個沖涼房等到天黑 有pantry但無火，得個微波爐。
附近仲有個沙灘，我喺度等check in個時，d人游完水返…
有一隻好大嘅狗,食飯個時發現原來係其他朝聖者嘅





albergue後面有得洗衫晾衣，晾咗2個鐘都唔乾，睇黎玩完，唔可以放出面晾過夜，到時佢凍過d空氣就會吸水份




個host好鍾意同人傾偈


佢就住喺隔離部車度



albergue後面有間bar有提供menu de peregrino，味道唔敢保證，但份量一定有。
坐低就問酒or水，個沙律嘅芝士好重羊騷味，條魚都幾好食，薯條就麻麻地。仲有甜品/咖啡…佢講咗3樣甜品都聽唔明係乜，叫佢幫我揀。
呢餐好食過39歐嗰餐




揀甜品個陣，隔離枱個鬼仔問我嗰plum好唔好食，我緊係答好㗎 不過都真係好吃，係食到最後有d甜

第一次食唔哂個餐…唔知係咪唔夠瞓，病病地
埋單一出bar門口，凍到震，真係震，屋入面太暖了。返albergue叉下電，睇下聽日行去邊，暫時未交到友

漏咗個門口
聽日可能要行40k…早d瞓，但9點天仲係光…我d衣又未乾

應該係Santiago de compostela?

但點解又北方葡萄牙之路？

Santiago de Compostela係終點個城市名。
我行嘅係北方之路+原始之路+逆行葡萄牙之路。

5月21
Pobeña to ？
陰18度，極度乾燥

6點半瞓到自然醒，望下隻錶話我瞓咗9個鐘，唔怪得咁舒服
不過噚晚我左邊床扯鼻寒，右邊床係咁咳，遠少少又有另一張枱鼻寒交響曲，半夜又熱醒先聽到，除咗件外套繼續瞓，4點幾又凍醒

一般黎講就會執哂d野出房再執袋，唔好嘈到人瞓。


噚晚將兩隻未乾嘅襪，一隻掛出面，一隻掛喺床邊…床邊個隻乾哂，出面個隻摸落仲有d凍，d襪唔乾都係放入房好d

執完野，我竟然係數一數二早嗰批…之前9月行Camino France d人6點已經出發，可能呢個月份凍d，所以晏出發…而且已經天光，頭燈應該無機會用



出門口轉右沿海邊行就佢原本條路線，但係山泥傾瀉，封咗路
變咗轉咗行馬路行冇幾耐又有牌指返去右上山




呢段路駁唔埋原本海邊嗰段，無海景睇
完全係為咗等d朝聖者唔好行馬路，夾上山



行到黎呢個位，d樹後面有鐺鐺聲，應該係有



終於有個位望到海…一眼咁多。


跟住就狂見到個albergue廣告


連續搭得太長飛機，跟住hostel又瞓得唔好，累積咗好多負能量，瞓番覺好嘅，睇啲嘢又美好返




原本應該行呢條海邊步道㗎，實靚好多跟住轉個彎又出返海


離開咗大城市，啲箭咀就多翻…頂，開始有幾滴雨



望住個海行真係開心好多



過咗個分叉位，就係全日唯一水源





嘩啲工廠起咗海邊有乜嘢係咪有倒曬落個海度



做乜前後一個人都冇㗎

海邊呢條路會有local晨運客


望返轉頭終於有人喇




行到去Onton albergue，蓋完個印出黎繼續行，


見到3個人，行到佢地後面，
佢問我you want to join?or want to pass?
我今日要好行好遠，pass
不過都問佢地噚晚食乜。佢地話間albergue有提供晚餐


Onton albergue落就向左走向右走，狂賣廣告個albergue就左走



再行前d見到噚日albergue個光頭佬，機會黎喇飛雲。



上前搭訕，德國人，叫Oley，第一次黎行，佢屋企人之前黎行過，應該同佢洗咗腦好耐




佢話怕France多人先過黎行Norte。
佢問頭先有無行海邊
我話封咗路喎
佢話得幾舊石仔ja，好靚啊
想話下次，不過哪有下次


同人行會影少好多相。行下我話點解d工廠開咗喺海邊，佢話應該係以前方便海運，依家應該廢棄咗。講開，我又問佢德國係咪好多vegetarian. 佢話德國人嘅disc差唔多全部都係肉肉肉，不過d人開始食得健康d，應該有50%人係素食，但唔係宗教原因…50%都幾癲


見到Castro，即係仲要行好耐




行到去Castro-Urdiales，決定搵d野食
沿海行到好遠先有bar，d三文字 1.8歐件食咗兩件再外賣一件




問Oley今日行去邊，佢話唔想使咁多錢，albergue一間喺2km外，再下一間就20km。
但佢話隻腳好痛，
我望下佢對鞋，硬掘掘嗰種行山鞋，
我問佢bisters？
佢話有10粒
我話i know that feel. 跟住又講下我法國之路都生水泡，再叫佢買對涼鞋黎行。
一定要買對軟嘅鞋，波鞋都ok，硬殼嘅唔ok，camino太多水泥路，一係帶涼鞋。易r柴當我無講過

最後佢揀去2km，我揀20km第一個識嘅朋友仔咁就byebye咗。




頂呀行啲石路帶咗我出海冇路行





沿住條公路行又睇唔到海，見到有條隧道望一望就有黃色箭咀



第一次知道自己仲有幾多km到Santiago，不過佢未計你蕩失路同行錯路



成日會經過啲好細嘅村仔，都唔想知佢叫咩名


特登兜返入去就係為咗去蓋個印，結果又冇開門



有時會路過啲咁嘅閘口，佢主要係擋住啲羊呀牛呀唔好過到對面，所以好簡單就推得開…跟住地下好多羊屎…


又過咗個閘口，原來d羊過咗黎呢邊



上面坐喺柱邊個阿叔問我係咪去santiago，
我：si
叔：buen camino

我：gracias


albergue de peregrinos de islares無開，隔離有個阿叔，好似話鎖咗，要去第二度拎鎖匙，但我聽唔明




哇，Orion個沙灘大到


行出去游水都行十分鐘

行左d France
LM睇下值唔值得再行

呢段真係反智，圍住個咁大嘅沙灘兜圈，而且我最憎就行馬路


原來仲要兜過一片澤地

話說今次來西班牙發現多咗人喺度一路行一路撳電話，食飯嘅時候都唔少人喺度撳電話

依2 日D景都好濕鳩下

想去行朝聖之路好耐 但英文屎 驚同唔到鬼佬吹水 一直無去行

見到樓豬啲相，好懷念

繼續留名支持
西班牙北部呢邊多唔多人識英文？

撳錯掣回覆咗。
兜個大圈過條橋…出太陽仲好很曬，過咗一點鐘之後個人開始好攰

嗰條橋之前轉左有個albergue，唔知有冇開門


真係暈低，過咗islares之後全程喺度行公路，仲要冇乜箭咀，如果唔係之前download咗人哋啲路線，我都唔知行緊邊

仲兜緊個沙灘



頭先應該喺Castro間bar問佢加啲水，淨係問佢蓋咗個印

終於到Liendo


但諗咗陣，都係去Laredo，好似可以住修道院


但我異常缺水，Liendo路邊又無水。好彩有間油站


買咗罐檸茶，撐多1個鐘


臨出鎮先有牌指albergue


無盡的戰鬥



又兜返上山，望返Liendo，右邊座山做乜剃咗瀏海咁


上緊山有部van仔開過，佢響舉手同我地打氣


阿伯失終於追上你喇，都行得幾快…


行這山，看那山，好過睇馬路


係窮呀，終於就到


google map話左邊快d，佢又指我右邊。唉差個少少就到，豪畀你再上山。



Laredo，今日嘅終點，明日嘅起點。咁很大個沙灘。唔怪得暑假d 歐洲人會黎渡假



乜東東，頭先都無興趣慢慢睇下係乜，淨係心諗，你畀個水龍頭我好過啦



結果行落兩級就有，不愧係同camino有關嘅地方，最知道朝聖者需要乜



落山入城
條梯級有幾個𡃁仔𡃁妹塞住咗
其中一個𡃁妹勁唔好意思即刻起身，我行過咗之後佢地喺度狂笑


落咗樓梯之後，轉左就係Albergue Casa de la Trinidad，10歐。

星期日 6點有祝福會，今日咪星期日


入面有個修女…坐喺度等幫手登記…唔走開㗎，不過會換更。


修女話，聽朝開去Santona條船，9點先有第一班，早到都無用，所以叫我地7點食埋早餐先走



佢d房全部都勁細間，每間3，4張床。但房入面有埋廁浴呢間野真係好正。
同房呢個叫William，瑞士人，依家住London。


沖完涼，要出返條街度，望住條街轉左行，左邊會有道閘，無鎖嘅，推過兩道閘右邊又有道閘，入面洗衫䁁衫。超好太陽，應該好快乾。






佢痴住個教堂。

唔識嘅多。

Bilbao附近真係好差，應該Irun開波會好好多。但我真係唔夠假

咁行銀之路，條路無乜人，唔使同鬼佬傾偈。不過今朝Oley先講，銀之路嗰邊，依家成38度。