2023 朝聖之路 camino de santiago 北方原始葡萄牙之路篇

一路行諗諗下好似寫咗啲好重要嘅嘢
camino上面其中最吸引人嘅一part唔係風景，係其他人嘅story…今日開始會寫返d人地嘅故事，如果有的話

最緊係要體驗良好啫…

我依家遇到d人大部份Irun出發，早我一星期…個個都話又大雨，d山路又上又落，勁攞命

lm
之前好似係第二個朝聖po 見過你個名

記得你
次次朝聖post都係朝聖者懷愐post

留名睇live
記得幾年前有個絲打寫北方之路啲路難行啲，日日行完就落沙灘

Buen Camino

Hi 巴打 我早幾日都完咗

我呢邊日日都落雨啊

住起啲鄉郊，身心都舒暢啲



令我諗起heidi佢阿爺住喺啲類似咁嘅地方都極度唔方便。有乜嘢落番條村都要行成個鐘


出咗馬路之後又有兩條路可以行
一條沿馬路行另一條就兜出去海邊，咁梗係兜出去啦，尋晚嗰priest都講都出去行多五公里但係好好view。


終於見到其他人


路過一間好靚嘅supermercado(超市)不過無入去。


又係冇開，已經睇化曬


Keep住向海邊進發



見到個海嘅同時，聞到一陣屎味




遇到兩個外國姨姨，橙衫話佢個女喺下面個沙灘學滑浪

另一個就話：有太陽呀
我：where？
佢：you see…
跟住佢一指，指咗遙遠嘅天邊，應該係Santander嘅地方。頂你咩…

呢個就係佢講嘅沙灘Playa de Langre


我都幾佩服啲人咁凍都仲可以游水


頭先仲諗，我依家個位咁高點落去個沙灘


跟住就沿住人哋啲田黎行


人哋連耕田都可以對住落海


隔離有一個沙灘，但係鎖住咗



繼續沿著人哋啲田黎行




嘩邊個放隻假狗喺度呀，嚇鬼呀…我望住佢一陣，原來係識喐㗎


呢個就係傳說中嘅如來神掌黯然銷魂掌？


仲諗緊咁大塊田真係用機先搞得掂，佢就出現了

係化肥呀，凸你個凹。
空氣中瞬間彌漫著一陣屎味，沖入你個肺久久不能散去


個天好黑呀，唔好咁快落雨呀




第一次見呢種蛾，食花蜜嘅

開會點樣消滅人類？


又要轉落沙灘

河仔？easy…


過完河上咗座山仔，真係犀利，得十幾度喺度學滑浪。行過發現有大人有細路。


哇又要落個大沙灘…Playa de Somo


又要行幾十分鐘沙灘


部挖泥車原來喺度挖條河出黎引道，結果勁闊條河但淺，逼住要除鞋，因為我對鞋唔防水


仲以為做乜行返轉頭，唔係朝聖者黎


又係沙灘暴走，加埋行咗廿分鐘先離開個沙灘。



估唔到我都有用佢嘅一日


跟箭咀轉返入鎮…


wowowow，呢架應該係我要搭嘅船…miss咗好似半個鐘先一架


係26歲嘅意大利妹…同唔記得乜水


意大利妹喺巴塞附近做野，今日係last day，行到Santander就完。依家諗諗下，我應該喺Santander住一晚，Santander好似好多野睇。

另外阿乜水，佢會同我一樣會喺Oviedo轉原始之路行到Santiago。佢話仲有20or21日行，所以佢想stay Santander一晚。
我依家睇返我之前plan嘅schedule，我都係有21日先到Santiago…早知同佢組隊。

阿乜水落船之後，見到對面有銀行，就話想過去撳d cash，但義大利妹見要兜路先過到去，就問佢係咪in hurry。話佢今日係last day，want to see as much I can
跟住我話我唔stay Santander喇，同佢地byebye咗


義大利就帶走咗阿乜水



我就…又行錯路，應該同佢地同方向沿海邊行。

結果錯唔哂，入咗城中心。順便去一去主教座堂。


裝修緊定唔知乜，呢邊上去係…入唔到去。

有個security叫我兜去後面蓋印。

兜咗去後面，見到購票入口，入去問佢地蓋印，又話唔啱。原來要右邊個條樓梯上先係。


上咗去，仲有圍欄封咗大半條路，門又關埋…心諗，走去敲門…入面真係有人開門，仲蓋到印


終於可以離開個城市了，唔算太少箭咀

路過間地產鋪…嗯


開始又落雨


又走咗去食junk food


食完出返黎已經無乜雨



出城之後又係馬路戰




過條橋見部輕鐵(?)聽日應該要搭佢過河…唔係就行多5km，頭先搭船個時阿乜水講嘅…我先醒起Santa Cruz個albergue會教。不過嗰間野好似關咗門，但我會兜去過望下。


過咗條橋，會有箭嘴指入草叢…本身以為無路，行到盡會過橋底





又係農村




過埋呢個橋底…就會有個分岔路…Buen Camino個app嘅地圖指右，我download其他人嘅路線都係行右


但左邊先去到嗰間另一個傳說中好熱情嘅Albergue de Peregrinos de Santa Cruz de Bezana。一於行左邊…行無幾步，仲特登打咗個交叉。


d羊仔見我企喺度，走哂埋黎睇野

人地烏雞就肉黑毛白…佢呢隻咩黎…


路過條村仔，HOTEL…

都唔知仲有無運作緊


以前應該真係行到呢邊…唔知做乜改咗道…


行行下就知，呢邊依家好q多車，完全唔適合行



行咗好多馬路邊，終於見到個Albergue de Peregrinos de Santa Cruz de Bezana…真係收咗檔


繼續行去下一個Albergue Piedad…間野有booking.com…60歐一晚
但Gronze上面寫係16歐床位，15-36歐單人房。有16張床…16咁少…滿咗點算，再下個有albergue嘅地方喺20km外

繼續馬路大戰

Camino上面最痴線唔係行馬路邊…係要過迴旋處…仲要連過幾過



唔係馬路邊有牌我都唔知自己係跟google map行緊定跟camino行緊…
不過噚晚阿伯都講，依家越黎越多人忘記咗camino嘅意義，camino唔係叫你跟住個箭咀，官方個logo好似個貝殼咁，其實係想大家united，咁先至會有力量。



再行咗好耐馬路，經過一d細村，終於見到塊牌，向左就係兜路過河，向右就係我今晚嘅終點(有床位的話)

無位就佢隔離有個車站，搭一程車過300米去下站就可以skip咗條河。
終於見到間野，佢對面係間教堂，教堂後面就係個車站。




間野一個廁所，一個廁浴…張床，正…d水夠。熱但唔夠大水




仲有隻狗


16歐床位+11歐晚餐，門口對住佢自己個餐廳


喺我打緊文個時…出面落雨我d 衫唔使乾了。

食飯之前有個阿叔話佢夜晚瞓得好差，想同我調床。調囉。同嗰阿叔傾偈，佢話佢喺Santoña人。我：。跟住又講咩三個relics place，耶路撒冷，羅馬，同埋Santiago。呢個阿叔應該係好虔誠嘅信徒黎，可惜我地無人搭到嗲

換完床，攤攤下差d瞓著，等到7點就去食飯。
出面凍，都係坐入面開心d。坐低就問你飲咩，飲水就得了


今晚同枱都係老人家
場飯局由一個澳洲嘅女士dominated. 佢講野好smooth又慢，好易聽…

講下大家邊度黎，邊度開始行，落大雨，住幾日albergue又會book一日酒店…balabala…

後尾澳女話佢做老師，以前又做過卡塔爾航空嘅空姐，嗰時飛國際航線，成日都黎香港shopping，不過好耐以前。
又話好多人唔知同外國人講野要講慢d。
跟住又講下香港d地鐵好乾淨，新加坡禁香口膠係德政，越黎越多地方禁煙係好事…之類嘅野

呢個沙律又係搭塊羊芝士，最鍾意羊，正

跟住又係薄切豬扒。

隻狗仔知飯點，走入黎搵食


食完…8點幾，已經想瞓覺連續兩晚俾d鼻寒轟炸，真係搞唔掂…唔怪得要book酒店。

呢兩日我發現，好多人都用Buen Camino個app, 佢有ios/android
，上面albergue d料都update嘅。起碼無開嘅佢真係有寫無開

Day4
5月23
Güemes to Boo de Pielagos
30km

lm

橙 我去咁多日雲都冇舊 不過係踩單車 得八日

樓主晚晚都好似都有人扯鼻鼾

噚晚都是老人家，但無人扯鼻寒，終於瞓教好嘅

無人扯鼻寒，變咗放鬆咗，諗住時間好多…放低所有先出發
門口係鎖咗嘅，但鎖匙插咗喺度


為咗影個門口，睇住班車到又睇住佢走。

等等下對面都有人黎搭車返工


唉，miss咗6:49，6:54得假期開…要等到7:24

16歐一晚都幾貴
樓主搵到鬼妹同行未

又等咗陣，有兩個朝聖者來到。其中一個叫Steve。
Steve一黎到，見隔離企咗個阿姐，就撩人地傾偈，問人地係咪黎行camino，得個手提袋黎行camino，不過都係手段黎啫 人地老師黎，去唔知邊度返工。

後尾我問Steve搭車點比錢呀
佢話應該要畀錢但唔使畀錢，佢打咗電話去問，問冇八達通點比錢。嗰邊知佢係朝聖者就話由佢，因為費事啲人兜落個河度

跟住同Steve傾，佢地今日應該會去Cobrece，我就想去再後一個鎮。depends on weather啦 大家咁話。

結果佢地輕鐵坐4個站，我淨係坐咗1個站過河就落咗車應該跟佢地




一落雨就落車一落車就開始落雨



車站隔離就有間餐廳，呢d咁嘅地方有冇客㗎


落車之後又係行馬路仲行錯路



教堂，無開是常識吧


越嚟越大雨，件雨披太舊縫接位漏水個身開始濕



啲動物好鍾意望住啲人，驚人食咗佢咁。遲早都食硬你㗎喇




落住雨又濕濕地都冇興趣去check下呢條係咩村

無開


可能尋晚瞓得好心情都仲係唔錯




喺村入面行都仲算好


一離開咗村，開始有啲貨櫃車


行到個路口有間叫lupa嘅超市，諗多陣都係唔想買野住就過咗啦


再行前啲有間bar，隔離間教堂都係冇開


點解啲屋要起到咁近路邊咪好鬼嘈囉


嘩…工廠？google下…化工廠

指你去死，你去唔去



今日全日都行馬路

無開


又要過河



跟住又係選擇題，左走馬路短d，右走上山入村遠d…



左走，鬼叫落雨咩，早知搭多3個站輕鐵


落雨唔使做食呀行啦仲望


繼續行馬路轉右嗰啲應該就上咗山




路過一陣albergue…咁快有人住低？

教堂唔開唔緊要，出面有水龍頭就得啦


雖然冇海望，望山都開心嘅


最麻煩就要經過呢啲迴旋處呢度無乜車都還好。


好奇怪有鐘響但冇開門，set咗鬧鐘？


開始入到Santillana del Mar…成個鎮d路好似唔同啲咁，仲有幾間酒店，又有旅遊巴…wiki話係保存得好d嘅古鎮。




連出鎮嗰條路都靚啲


出咗陣有個咩camping呀…好似見其他人遊記住過。


Santillana del Mar之後個迴旋處超多黃色箭頭只有極度奇怪…check下 buen camino，嗰度兜入去要行遠好多，仲落緊雨我唔想兜喇。其實都好矛盾，唔兜就行馬路，兜先有嘢睇

雖然好似冇乜雨，但繼續行馬路



嘩啲海鷗向內陸發展


箭咀證明轉咗都係一條路，但其實跟啲箭咀都冇乜意思…成日都變

西班牙人好鍾意自己個花園度種好多花





好奇怪嘅屋，附近乜都無


今日第一次見到其他人但係係踩單車


轉右入村呀





條路都幾多狗…仲要佢地好鬼得閒無野做就吠


村尾有間教堂唔使問梗係冇開啦，不過佢隔離有水龍頭呀


傳說對決到今日第一個人，Texas嘅Jim。74歲嘅佢一樣喺Irun出發，但淨係去到San Sebastian先落咗一日雨…今日又喺Santander搭巴士過黎。


一路行就一路講下香港啲嘢呀，佢每年ruby seven都會來，之後會去蘭桂坊，灣仔…
又問下香港依家點，有冇咩變化。





路過 Albergue Pino，見到有人就問佢蓋印。阿Jim就話走先



又係向左走向右走，冇雨嘅兜出嚟望下啦


咁近又有水


冇開門






終於見到海…一眼咁大把，跟住又兜入山


wow，真係有人拉驢仔嚟行

呢邊係好撚貴，連食飯都係貴…好多albergue淨係7，8月先開。
行得太快，唔好話鬼妹，連一個同行嘅都無。

沙灘轉入去停車場隔離有堆馬，中間個隻究竟話佢潮定復古…


跟住又上山


呢個沙灘playa de Luaña都算係呢幾日見過算細。


行行下跌咗條底褲環保袋，返轉頭執返



跟住又穿插人地條村仔…條村雖然喺海邊，但望唔到海

其實都算望到d嘅…右手邊，海天一色…
望海不似海



呢個標誌究竟係咩黎…日後再研究，水頭龍重要d



又點返我入內陸，彩你都傻



望海仍是海



最後都係轉返入去…之後又落馬路

落馬路前又有水龍頭



跟住就係你和馬路有個約會…呢個約會持續半個鐘



跟住就見到個海，證明你已經到Comilla

過埋條橋，行前少少馬路轉左搵albergue…唔住呢度就唔使轉左。不過呢度我見到有鴨仔團…


轉左


跟指示行，佢albergue好多牌指點去

達陣，無位，陣亡。


albergue個人叫我去另一間pension，話唔貴，30歐，單人房。咁都唔係好貴，間albergue都要18歐…但無wifi，無廚房，無洗衣乾衣機




一個人霸2張床，仲獨立廁浴…差件鬼妹



其他人share用嘅廁浴。


唉，d衫可能又唔乾，應該住嗰間Albergue Pino

沖完涼，洗完野晾咗喺門口。連佢呢度都completo…


今日兩餐都喺超市解決…食垃圾就唔影了

入城個時望到嗰咁嘅野…但google map篤極都唔啱，未知佢係乜黎。

慢慢搵…原來叫 Puerta de las Virtudes…好似好出名，但已經關咗門。


…北方之路真係除咗有海，真係唔知點令人推薦，係有d albergue比較熱情友好，可能我黎個月份太差，好多albergue都無開…希望之後會好。如果按照我之前嘅plan，應該再5日就進日Oviedo…離開北方之路

成日打完文就瞓，都唔記得我興趣之一係逛下個鎮。




呢個Sobrellano Palace，又係關咗門…太遲黎到Comilla




呢度都幾多貓下…不過怕人。


Puerta de las Virtudes






仲有個Gaudi嘅屋…成7歐入場不過都關咗門

Day5,
5月24，朝早7半落雨落到12點。全日無出過太陽。
Boo de Pielagos to Comillas
37km

隻馬幾好笑